Маълумки, давлат раҳбарининг жорий йил 2023-йилда қайта тикланувчи энергия манбаларини ва энергия тежовчи технологияларни жорий этишни жадаллаштириш чора-тадбирлари тўғрисидаги қарори қабул қилинган.

Бу борада Шаҳрихон туманида ҳам амалий ишларга киришилиб, тумандаги мактаб ва мактабгача таълим ташкилотларида яшил энергия ресурсларидан самарали фойдаланиш мақсадида қуёш панеллари босқичма-босқич ўрнатилинмоқда.

Тумандаги "Довча" нодавлат мактабгача таълим ташкилотида муқобил энергия манбаларидан мақсадли фойдаланиш бўйича кўргазмали семинар бўлиб ўтди.

Унда вилоят мактабгача ва мактаб таълими бошқармасининг биринчи ўринбосари, туман ҳокимининг ўринбосари, нодавлат мактабгача таълим ташкилоти раҳбарлари ҳамда МФЙ ҳоким ёрдамчилари иштирок этдилар.

Facebook | Twitter | Instagram | YouTube | Telegram | TikTok

Аввал хабар берганимиздек, вилоятимизнинг Қирғизистон Республикаси билан чегарадош ҳудудларидаги ўтказув назорат пунктлари таъмирланиш баробарида янгилари ҳам барпо этилмоқда.

Давлатимиз раҳбарининг қарорига асосан 2023-2025 йилларда Андижон вилоятидаги 5 та “Хонобод”, “Қорасув”, “Мингтепа”, “Кесканёр” ва “Пушмон” чегара ўтказиш пунктларининг бино-иншоотларини қуриш ҳамда мукаммал таъмирлаш вазифаси юклатилган.

Мазкур қарорга асосан 2023 йилда 2 та “Хонобод” ва “Мингтепа” чегара ўтказиш пунктларини реконструкция қилиш ва янги қуриш ишларини бошлаш белгиланган.

Бугун вилоят ҳокими Шуҳратбек Абдураҳмонов Хонобод шаҳрида бўлиб, чегара ўтказув назорат пунктида олиб борилаётган қурилиш ишлари билан атрофлича танишди. Мутасаддиларга йўлларни кенгайтириш ҳамда назорат пунктидан ўтувчиларга қулай шарт-шароитлар яратиш юзасидан зарур тавсия ва кўрсатмалар берилди.

Facebook | Twitter | Instagram | YouTube | Telegram | TikTok