Андижон вилояти ҳокимининг кўрсатмаларига асосан Яшил макон акцияси асосида Хонобод шаҳрида долзарб уч кунлик кўчат экиш эълон қилиниб, унга кўра 9-10-11 март кунлари шаҳарда янада обод қилиш, яшил шаҳар ананасини давом эттириш мақсадида эрта тонгдан сектор раҳбарлари бошчилигида шаҳар фаоллари биргаликда шаҳримиздаги Кампироввот МФЙ ҳудудида кўчат экиш ишларини бошладилар.

Ушбу яшил макон акцияси доирасида 20 минг тупга яқин арча, каталпа, манзарали гуллар ҳамда йўл бўйларига райҳонлар экилмоқда

Facebook | Twitter | Instagram | YouTube | Telegram | TikTok

Пахтаобод туманидаги 1-сон Касб-ҳунар мактабида Президентимиз ташаббуси билан олға сурилаётган "Яшил макон" умуммиллий лойиҳаси доирасида кўргазмали семинар бўлиб ўтди.

Унда тумандаги барча ташкилотлар масъуллари иштирок этишди.
Йиғилганларга мазкур лойиҳанинг мазмун-моҳияти, атроф-муҳитга ижобий таъсири хусусида тушунчалар берилди.

Кўргазмали семинардан сўнг автомашиналарга юкланган кўчатлар экиш учун ҳудудларга жўнатилди. Бугуннинг ўзида туман бўйича 162 минг туп мевали ва манзарали дарахт кўчатлари экилди.

Лойиҳанинг баҳорги мавсумида тумандаги бўш турган ерлар, йўл четлари, ташкилот ва муассасалар ҳудудларига 28 хил турдаги 534 минг 200 туп кўчат экилади.

Йил давомида эса 985 минг туп турли хил кўчатлар экилиши режалаштирилган.

Facebook | Twitter | Instagram | YouTube | Telegram | TikTok

Асака туманида ҳам "Яшил макон" умуммиллий лойиҳаси доирасида кўчат экиш ишлари қизғин давом этмоқда.

Туманда йўл бўйларига, маҳалла кўчалари ва гузардарига,
ташкилот, корхона ва муассасалар, хонадонлардаги бўш ер майдонларига мевали ва манзарали дарахт кўчатлари ўтқазилмоқда.

Ана шу кўчатларни парваришлаш ва асраб-авайлаш она-табиатни парваришлаш демакдир.

Facebook | Twitter | Instagram | YouTube | Telegram | TikTok