Айни кунларда Хонобод шаҳрининг туризм салоҳиятини ривожлантириш мақсадида кенг кўламдаги бунёдкорлик, ободонлаштириш ишлари жадаллик билан олиб борилмоқда.

Andijan.uz|Facebook|Instagram|Youtube|X

Ўзбекистон Республикаси Президентининг 2024 йил 8 июлдаги ПҚ-245-сон қарорига асосан, Хонобод шаҳрида аҳоли ва сайёҳлар учун барча қулайликларга эга 97 гектар ер майдонида мастер режага мувофиқ дам олиш маскани ташкил этилмоқда.

Ушбу Мастер-режа ҳудуди 27 та лотга ажратилган бўлиб, унда 25 гектарлик сунъий кўл, 1 та савдо кўнгилочар марказлари, 3 та очиқ пляж ва “Akvapark”лар, 8 та (ҳар бири 100 ўринли) апарт-отеллар, 1 та (200 ўринли)меҳмонхона ва спорт, аҳоли дам олиш масканлари, яшил ҳудудлар ҳамда бошқа туризм объектлари барпо этилади.

Мастер режага мувофиқ лойиҳаларни амалга ошириш натижасида умумий қиймати 83,5 млн доллар инвестиция жалб қилиниб, 960 та янги иш ўринлари яратилади ва йиллик 83,5 млрд сўм солиқ тушуми режалаштирилган.

Andijan.uz|Facebook|Instagram|Youtube|X

Хонобод сизни чорлайди...

Денгиз сатҳидан 850 метр баландликда жойлашган, "Ўзбекистон Швейцарияси" деб ном олган, баҳаво ва гўзал табиатга эга сўлим Хонобод шаҳрининг мусаффо ҳавоси, гўзал табиати туризм салоҳиятига эга. Шаҳарда туризмни ривожлантириш, шаҳарни мамлакатимизнинг экотуризм марказларидан бирига айлантиришга қаратилган кенг кўламли ишлар олиб борилмоқда.

Жумладан, ҳудуднинг 3 та йирик дам олиш оромгоҳлари, 11 та туристик масканлар, 5 та спорт иншоотлари, 830 та адирлик қисмларида қурилган дала ҳовлилар, "Фозилмон ота" зиёратгоҳи, 88 турдан ортиқ бошқа ҳудудларда кам учрайдиган манзарали дарахтлари мавжуд.

Хусусан, Қрим оққайини, япон сакураси, магнолия, лола дарахти каби ноёб турдаги манзарали, узоқ йиллик дарахтлар ҳамда балиқчиликка ихтисослашган "Афсона" дам олиш оромгоҳи, "Анҳор" чойхонаси, қўшни қирғиз халқ таомларини тортиқ қилувчи Ўтов дам олиш маскани ва Хон-тоғ ҳудудида жойлашган тиббий даволаниш санаторияларини мисол келтиришимиз мумкин.

Водийнинг туризм салоҳияти бой ҳудудларидан бири ҳисобланган масканда зиёрат, эко, тиббиёт, гастробар ва спорт туризми ривожланган. Шунингдек, оилавий туризм кластерлари ташкил этилган бўлиб, ҳар йили ўтказиб келинаётган "Дунё садолари" халқаро эстрада фестивалида ўзини оқламоқда.

Айни кунларда ҳам фестивалга тайёргарлик ишлари жадаллик билан олиб борилмоқда.

Andijan.uz|Facebook|Instagram|Youtube|X

Бугун Хонобод шаҳрида вилоят ҳокими Шуҳратбек Абдураҳмонов раислигида навбатдаги ҳокимлик соати йиғилиши бўлиб ўтди.

Унда ҳоким ўринбосарлари, вилоят ташкилотлари раҳбарлари ҳамда шаҳар, туман мутасаддилари иштирок этди.

Шунингдек, йиғилишда вилоятдаги барча соҳаларда қилинган ва бажарилиши керак бўлган ишлар бирма-бир муҳокама қилиниб, мутасаддиларга кўрсатма ва топшириқлар берилди.

Andijan.uz|Facebook|Instagram|Youtube|X

Ёшлар етакчисининг бир куни

Бугунги ёшлар етакчилари улкан мақсадлар сари интилиб, маҳалла ёшлари учун яратилаётган имкониятларни ҳар бир уйга етказишга ҳаракат қилмоқда.

Андижон вилоятининг “Мирзо Улуғбек” маҳалласида фаолият юритаётган Шоҳжаҳон Абдуқодиров мисолида ёшлар етакчиларининг кундалик фаолиятига назар соламиз.

Andijan.uz|Facebook|Instagram|Youtube|X