Оммавий ахборот воситалари ходимлари, фаол ёшлар учун Андижон ёшлар технопаркига пресс-тур ташкил этилди

Тадбир давомида иштирокчилар Андижон ёшлар технопаркининг замонавий инфратузилмаси, техник имкониятлари, лабораторияси, “InnoX” дастури ва унинг натижалари билан яқиндан танишди. Молиялаштирилган муваффақиятли стартаплар тақдимоти, Venture talks мулоқотлари ўтказилди.

Шунингдек, иштирокчилар технопаркда ёшларни замонавий касбларга тайёрлаш борасида вилоятдаги профессионал ва умумтаълим муассасалари билан ҳамкорликда “Келажак касблари” лойиҳаси доирасида амалга оширилган ишлар билан ҳам яқиндан танишди. 

“Demo day” натижаларига кўра, "InnoX" дастури доирасида яратилган "Тиббий марказ" лойиҳаси Андижон давлат университети томонидан 854 млн сўмга молиялаштирилган.

Шунингдек, InnoX дастурининг 3 нафар фаол иштирокчисига технопарк томонидан 3 млн сўмлик ваучерлар, истиқболли лойиҳа ташаббускорларига Ёшлар академияси аъзолиги гувоҳномалари ва эсдалик совғалари топширилди.

Andijan.uz|Facebook|Instagram|Youtube|X

Мини футболда ғолиблар аниқланди

Маҳалла ёшлари ўртасидаги “Беш ташаббус олимпиадаси” доирасида мини футбол бўйича ДХХ кубоги учун ташкил этилаётган мусобақаларнинг Андижон вилояти финал босқичи кўтаринки руҳда бўлиб ўтди.

Якуний натижаларга кўра аёллар ўртасида Избоскан тумани, эркаклар ўртасида Олтинкўл тумани жамоалари рақиблари устидан ишончли ғалабага эришиб, мусобақанинг республика босқичига йўлланмани қўлга киритдилар.

Andijan.uz|Facebook|Instagram|Youtube|X

Германиядан хушхабар

Ёзги Универсиада ўйинлари доирасида сузиш бўйича ўтказилаётган мусобақаларда Андижон вилояти сув спорти турларига ихтисослаштирилган спорт мактаби спортчиси
Элдорбек Усмонов кумуш медални қўлга киритди.

Ҳамюртимиз Ўзбекистоннинг янги рекордини ўрнатиб, финалга чиққан эди.

Бугун эса Элдорбек Усмонов сузиш мусобақасининг финал баҳсларида 50 метрга баттерфляй усулида сузиш бўйича 23.33 натижа кўрсатиб, кумуш медални қўлга киритди.

Andijan.uz|Facebook|Instagram|Youtube|X

Ҳашар - элга ярашар

Халқимизда ҳашар деб номланган ажойиб анъана бор. Бу одат йиллар ўтсаки, ўз аҳамиятини йўқотмаган. Боиси ҳашарда халқимизнинг бирлиги, аҳиллиги намоён бўлади. Ҳашар сабаб жойларда дарахтларга шакл берилиб, оқланади, янги дарахт кўчатлари экилади, ҳудудлар чиқиндилардан тозаланади.

Жумладан, кеча Бобур шаҳрида ҳам "Обод ва файзли маҳалла - юрт кўрки" ободонлаштириш ва кўкаламзорлаштириш ҳашари ташкил этилди.

Унда ҳудуддаги барча ташкилот ва идоралар ходимлари, кенг аҳоли вакиллари ва фаол ёшлар иштирок этишди ва муносиб ҳисса қўшдилар.

Andijan.uz|Facebook|Instagram|Youtube|X

Хитойлик инвесторлар билан учрашув ўтказилди

Бугун вилоят ҳокими Шуҳратбек Абдураҳмонов Хитойлик инвесторларни қабул қилди.

Учрашувда сўнгги йилларда Хитой компаниялари иштирокида Андижонда кўплаб лойиҳалар амалга оширилаётганлиги таъкидланди.

Учрашув давомида Андижон туманида жойлашган "Ипак йўл" эркин иқтисодий зона ҳудудида "China Baoli Andijon construction" MChJ XK томонидан скутер шунингдек, қурилиш материалларини ишлаб чиқаришга ихтисослашган махсус заводлар ва кўргазмали залларни қуришга, имкониятларидан фойдаланган ҳолда ишлаб чиқарилган маҳсулотларни нафақат ўзимизда балки, қўшни давлатларга экспортини ошириш борасида ҳам келишиб олинди.

Музокаралар давомида меҳмонлар томонидан режалаштирилаётган ҳамкорлик лойиҳалари тақдимотлари ўтказилди.

Andijan.uz|Facebook|Instagram|Youtube|X