"Импорт" мебеллар эндиликда Андижонда ишлаб чиқарилади

Навбатдаги музокаралар шу хусусда давом этди.

Жумладан, Олтинкўл туманида жойлашган "Андижон мебель маркази"да рақобатбардош, замонавий мебель жиҳозлари ишлаб чиқаришни йўлга қўйиш ва яна қатор йўналишларда ҳамкорлик қилиш истиқболлари муҳокама қилинди.

Хитойлик инвесторлар ушбу йўналиш бўйича ҳамкорлик қилиш ҳамда вилоятга инвестиция киритиш истаги борлигини билдирдилар.

Вилоят ҳокими билдирилган таклифлар бўйича аниқ йўналишлар белгиланиб олинишини, келишилган лойиҳалар бўйича тез фурсатларда амалий ишларга киришишга тайёр эканлигини қайд этди.

Шунингдек, учрашув якунида вилоят ҳокимлиги ҳамда ушбу икки "Xiaolin Huizhou Linrong Industrial Co., Ltd.", "Fassaly Divan & Night Dream." компаниялари ўртасида қиймати 10 млн долларлик шартнома имзоланди.

Andijan.uz|Facebook|Instagram|Youtube|X

Мамлакатимиз саноатида автомобилсозликнинг улуши ўн фоизни ташкил этади. Автомобиль ишлаб чиқариш ҳажми ҳам йилдан-йилга ортмоқда. Хусусан, бугунги кунда бир минг тўрт юз турдаги бутловчи қисмлар маҳаллийлаштирилган. Хорижий ҳамкорлар билан келишилиб, қўшимча қувватлар қурилмоқда. Талаб бор жойда таклифнинг бўлиши муҳим.

Бугун вилоят ҳокими Хитой автомобилсозлик саноатида юқори технологик эҳтиёт қисмларини ишлаб чиқарувчи" Guangdong Hongtu Technology Co., Ltd" компанияси масъуллари билан музокаралар ўтказди. Компания Андижон вилоятига сармоя киритишни режалаштирганини маълум қилиб, бу борада уни қўллаб-қувватлаган вилоят ҳокимига миннатдорлик билдирди.

Тадбиркорларнинг жамоаси 80 гектар ер майдонининг ҳар гектарига 6 млн. доллардан инвестиция киритиш шарти билан лойиҳаларни амалга ошириш ҳаракатида эканлигини билдирди. Мулоқот давомида лойиҳавий таклифларнинг амалга ошириш имкониятини ўрганиб чиқилди.

Маълумки, бугунги Хитой бутун жаҳонга қишлоқ хўжалиги маҳсулотлари билан эмас, юқори технологиялари билан танилиб улгурган. Ўтган давр мобайнида барча саноат соҳалари сингари автомобилсозлик саноати ҳам гуркираб яшнади.

Маълумот ўрнида, ушбу компания BYD, KIA, General Motors каби йирик корхоналарниа бутловчи қисмлар билан таъминлаб келади.

Andijan.uz|Facebook|Instagram|Youtube|X

Навбатда Шуҳратбек Абдураҳмонов "ZHONGHUI GAOKE HOLDING GROUP" корхонаси вакиллари билан учрашди.

Унда логистика ва саноат соҳаларида ҳамкорлик алоқаларини йўлга қўйиш масалалари муҳокама қилиниб, Хўжаобод туманининг 100 гектар майдонида амалга ошириладиган лойиҳага 2 йил муддатда 300 млн. доллар инвестиция киритиш таклифи кўриб чиқилди.

Шунингдек, саноат маҳсулотларини ишлаб чиқариш бўйича ушбу йирик келишувларга эришилди.

Andijan.uz|Facebook|Instagram|Youtube|X