Бугун вилоят ҳокимлигида Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши курашиш қўмитаси, Коррупцияга қарши курашиш агентлиги, Халқ депутатлари Андижон вилояти кенгаши, Андижон вилояти Коррупцияга қарши курашиш ҳудудий Кенгашининг кенгайтирилган қўшма йиғилиши бўлиб ўтди.

Унда Андижон вилояти Коррупцияга қарши курашиш ҳудудий Кенгаши раиси Ўктамжон Ахунов, Олий Мажлис Сенати Суд-ҳуқуқ масалалари ва коррупцияга қарши курашиш қўмитаси раиси Абдулҳаким Эшмуратов, Олий Мажлиси Қонунчилик палатасининг Коррупцияга қарши курашиш ва суд-ҳуқуқ масалалари қўмитаси раиси Жаҳонгир Ширинов, Ўзбекистон Республикаси Коррупцияга қарши курашиш агентлиги директори ўринбосари Умида Тўхташева ҳамда вилоят ташкилотларининг мутасадди раҳбарлари иштирок этди.

Facebook | YouTube | Web-site
Instagram| Telegram

Кенгайтирилган қўшма йиғилишда Андижон вилояти ҳудудий давлат органлари раҳбарларининг коррупцияга қарши курашиш борасидаги фаолияти бўйича ахборотлари тингланди.

Тадбирда сўз олганлар вилоятда аҳоли бандлигини таъминлаш, соғлиқни сақлаш ҳамда банк тизимларида коррупция ҳолатларини олдини олиш бўйича кўрилаётган чоралар тўғрисида айтиб ўтдилар.

Шунингдек, йиғилишда Олий Мажлис Қонунчилик палатасининг Коррупцияга қарши курашиш ва суд-ҳуқуқ масалалари қўмитаси раиси Ж. Ширинов сўз олиб, ҳудудий кенгашнинг “иши номига” бўлмаслиги, фаолиятини туман ва маҳаллалар билан боғлаши зарур эканлигига тўҳталиб, ҳудудий кенгаш фаолиятини тўғри йўлга қўйиш юзасидан тавсиялар берди.

Facebook | YouTube | Web-site
Instagram| Telegram