Аввал хабар берганимиздек, вилоятимизнинг Қирғизистон Республикаси билан чегарадош ҳудудларидаги ўтказув назорат пунктлари таъмирланиш баробарида янгилари ҳам барпо этилмоқда.

Давлатимиз раҳбарининг қарорига асосан 2023-2025 йилларда Андижон вилоятидаги 5 та “Хонобод”, “Қорасув”, “Мингтепа”, “Кесканёр” ва “Пушмон” чегара ўтказиш пунктларининг бино-иншоотларини қуриш ҳамда мукаммал таъмирлаш вазифаси юклатилган.

Мазкур қарорга асосан 2023 йилда 2 та “Хонобод” ва “Мингтепа” чегара ўтказиш пунктларини реконструкция қилиш ва янги қуриш ишларини бошлаш белгиланган.

Бугун вилоят ҳокими Шуҳратбек Абдураҳмонов Хонобод шаҳрида бўлиб, чегара ўтказув назорат пунктида олиб борилаётган қурилиш ишлари билан атрофлича танишди. Мутасаддиларга йўлларни кенгайтириш ҳамда назорат пунктидан ўтувчиларга қулай шарт-шароитлар яратиш юзасидан зарур тавсия ва кўрсатмалар берилди.

Facebook | Twitter | Instagram | YouTube | Telegram | TikTok

Ривожланиш йўлидаги Хонобод ...

Вилоят ҳокими Шуҳратбек Абдураҳмонов Хонобод шаҳрида бўлиб, туризм соҳасини ривожлантириш ҳамда маҳаллий ва хорижий сайёҳларга яратилаётган шароитлар билан танишди.

Хонобод шаҳрида ўтказилиши режалаштирилаётган "Дунё садолари" миллий эстрада фестивалига пухта тайёргарлик кўриш юзасидан мутасаддиларга кўрсатма ва топшириқлар берилди.

Шунингдек, Хонобод шаҳридаги “Ҳунармандлар маркази” фаолияти билан танишиб, маҳсулот турларини кўпайтириш зарурлиги таъкидланди.

Хонободнинг бетакрор табиати ва ўзига хос хусусиятлари хусусида хорижлик меҳмонлар билан учрашув бўлди. Мулокотда Андижонда туризмни ривожлантириш борасида самарали ишларни амалга оширишга келишиб олинди.

Facebook | Twitter | Instagram | YouTube | Telegram | TikTok