أبيات رثاء في وفاة العم الشيخ عبدالعزيز بن عجلان العجلان يرحمه الله

ياوالله الا حط فالقبر رجال.
قلته و غيري قالها خابرينه.

معروف مايحتاج تعريف الاحوال
مثل النجم كل يشوفه بعينه.

ياوالله الا راح من حال في حال.
بعد العصر وسط اللحد دافنينه

يبكي عليه الجاه والطيب والفال
من قيل ابو عجلان ياناس وينه.

اقسمت بالله والقسم قيد وعقال
المرجله والجود صورة جبينه.

يوم الليالي شح من شحة المال.
تجهل شماله ماتمده يمينه..

ام اليتامى ماشكت ربع مثقال.
مستامنه بامر الولي في سنينه.

ماتنقص العيشه ولاينقص اريال.
حيث الجزاله ساسها من يدينه

يالله عسى الفردوس له خير منزال
مع صحبة اللي في الحرم بالمدينه

خالد السكران