Қишлоқ хўжалигида сув ресурсларидан самарали фойдаланишга бағишланган “Сув китоб” тўплами тақдимоти бўлиб ўтди

Қишлоқ хўжалигида сув ресурсларидан самарали фойдаланишга бағишланган “Сув китоб” тўплами нашр этилди.

Давлатимиз раҳбари томонидан қишлоқ хўжалиги йўналишида методик қўлланмалар ишлаб чиқиш, фермерлар, деҳқонлар ва бошқа фойдаланувчиларга кенг тарқатиш бўйича Агробанкка аниқ топшириқлар берилган эди.

Топшириқлар ижроси доирасида Агробанк томонидан “Agrobooks” лойиҳаси ишлаб чиқилди.

Лойиҳа доирасида дастлаб қишлоқ хўжалигида ҳосилдорлик ва самарадорликни кескин ошириш, илғор технологиялар, илм-фан ютуқларини кенг жорий этиш бўйича Туркия тажрибаси асосида Ўзбекистон иқлимига мос “100 китоб тўплами” ишлаб чиқилди.

“100 китоб тўплами” барча ҳудудлардаги фермерлар, тадбиркорлар ва деҳқон хўжаликларига 20 000 та қўлланмалар тўплами — 2 миллион дона китоб шаклида чоп этилди ва бепул тарқатилди.

Кенг фойдаланувчиларни қамраб олиш мақсадида, электрон нусхаси банкнинг интернет сайтларига жойлаштирилди. Бугунги кунга қадар 140 мингдан ортиқ фойдаланувчи томонидан юклаб олинган.

Шунингдек, “Agrobooks” лойиҳаси доирасида “Ўсимликлар ҳимояси” соҳасидаги методик қўлланмалар хорижий тажриба асосида тайёрланиб, ўсимликларни ҳимоя қилиш ва касалликларга қарши курашиш бўйича китоблар тўплами ишлаб чиқилди.

Мазкур китоблар тўплами ҳам барча ҳудудлардаги фермерлар, тадбиркорлар ва деҳқон хўжаликларига бепул тарқатилди ва электрон шаклларидан фойдаланиш имкониятлари яратилган.

Методик қўлланмаларни ишлаб чиқишда Агробанк қошида илмий гуруҳ ташкил этилди ва 120 нафардан ортиқ соҳа мутахассислари, олимлар ва ўқитувчилар жалб қилинди.

Ушбу китобларни тайёрлаш ва чоп этиш билан боғлиқ барча харажатлар Агробанк томонидан молиялаштирилди.

Агробанкнинг қишлоқ хўжалигини қўллаб-қувватлашдаги навбатдаги муҳим ташаббуси — “Сув китоб” тўплами тақдим этилмоқда.

Ушбу методик қўлланмалар тўплами “Agrobooks” лойиҳасининг давоми сифатида ишлаб чиқилди.

Тўплам 30 та методик қўлланмадан иборат бўлиб, фермерлар ва мутахассислар учун сувдан самарали фойдаланиш бўйича амалий қўлланма ҳисобланади.

Лойиҳа Хитой ва Туркия тажрибаси асосида, 50 нафар мутахассис иштирокида ишлаб чиқилди.

“Сув текин эмас!” ғояси асосида тайёрланган китоблар видео, аудио ва электрон шаклда ҳам тақдим этилади.

Тўплам йил якунига қадар барча фермер ва деҳқонларга бепул тарқатилади.

Агробанк қишлоқ хўжалигида билим ва инновацияларга бағишланган лойиҳаларни амалга оширишда давом этади...
Давоми бу ерда👉https://agro-olam.uz/suv-kitob

Барча дўст ва яқинларга ҳам улашинг, 😊АГРО ОЛАМ'га обуна бўлиб бизни кузатишда давом этинг‼️

Обуна бўлинг👉@agroolamuz 😊😎

Қанд лавлагининг биологик хусусиятлари ва ҳосилини йиғиштириш агротехнологиялари

Қанд лавлаги, илдизмевалиларни бошқа вакиллари сингари, икки йиллик ўсимликдир. Нормал шароитларда икки йиллик вегетация даврида ривожланиш сиклини ўтайди.
Биринчи йили озиқ моддаларни ўзида тўплаган, ер тагида йўғонлашган илдизмева ва тўпбарг ҳосил бўлади. Бу даврнинг давомийлиги 150-170 кунни ташкил этади.

Ўсиб ривожланишнинг секинлик билан кечиши, ҳосилдорликнинг паст бўлиши асосан тупроқдаги азот, фосфор ва калий элементларининг миқдорига узвий равишда боғлиқдир. Маълумотларга қараганда 1 т қанд лавлаги илдизмева ҳосили яратиш учун тупроқдан 3.5-4 кг азот ўзлаштиради. Демак, 50 т илдизмева ҳосил олиш учун 165-200 кг азот ўғити зарур...
Давоми бу ерда👉 https://agro-olam.uz/qand-lavlagining

🗣Дўст ва яқинларга ҳам улашинг, обуна бўлинг!

😎👍 @AgroOlamUz 😎

#Фойдали_маълумот
🐟Балиқ боқиладиган ҳовузларни оҳаклаш ҳақида ешитганмисиз?

Ҳовузларни оҳаклаш – балиқлар касалликларини олдини олиш (профилактика), сувни кальцийга бойитиш, мелиорация мақсадида ўтказиладиган мажмуавий биотехник усулдир.

Ҳовузда парчаланиш учун кўп эриган кислород миқдорини талаб қиладиган, гидрокимёвий тартиботга салбий таъсир этадиган органик бирикмалар катта миқдорда тўпланиб қолади ва бунда ҳовузлар гидрокимёвий холатини яхшилаш ҳамда органик моддаларнинг тез парчаланиши учун оҳакдан фойдаланилади.

Оҳак:
✅Сув қатламидаги катта миқдордаги муаллақ органик моддаларни чўктиради (сувни тиндиради), микроорганизмлар ривожланиши ҳамда органик моддаларни минералга айланиш жараёни тезлашиши учун мувофиқ шароит яратади;

✅сувда эриган кислороднинг кўпайиши ҳисобига ҳовуздаги газ режимини яхшилайди;

✅ҳовуз тубида йиғилиб қолган органик бирикмаларни қисман консервациялайди ва кейинчалик улар аста-секин минераллашади. Минералга айланиш натижасида сувда азот, фосфор ва бошқа шу каби биогенлар миқори кўпаяди.

Оҳаклаш учун сўндирилмаган оҳак СаО, сўндирилган оҳак Са(ОН)2 ҳамда туйилган оҳактоши СаСО3 қўлланилади. Сўндирилмаган оҳакка нисбатан сўндирилган оҳакнинг нейтраллаш қобилияти 1,3 марта, оҳактошда эса 1,8 марта камлиги туфайли уларни киритиш миқдори ҳам тегишли равишда кўпроқ бўлади. Оҳак киритишнинг умумий меъёри – 1-2 ц/га.

Оҳак баҳорда ҳовузнинг қуруқ тубига, у сувга тўлдирилгандан кейин, сув устига солинади. Баҳорда оҳак азот-фосфорли ўғитлар солинишидан 2-3 сутка олдин ҳар 15 кунда киритилади. Ёзда оҳак ҳар 7-10 кунда солиниб турилади...
👍Давоми бу ерда👉 https://agro-olam.uz/hovuzlarni-ohaklash

Барча яқинларга жўнатиб қўямиз

Обуна бўлинг👉@agroolamuz

Мевали кўчатлар етиштириш бизнеси сирлари

©TARAQQIYOT TV https://www.youtube.com/watch?v=lf31IpCuRuw

Барча дўст ва яқинларга ҳам улашинг, 😊АГРО ОЛАМ'га обуна бўлиб бизни кузатишда давом этинг‼️

Обуна бўлинг👉@agroolamuz 😊😎