ဆားလင်းကြီးက ရေဘေးသင့်ပြည်သူတွေကို ဗကသများအဖွဲ့ချုပ်က မိုးကာနဲ့ စားနပ်ရိက္ခာ ထောက်ပံ့

၂၀၂၄ ဇူလိုင် ၂၂၊ ဗကသ

ဗကသများအဖွဲ့ချုပ်က ဇူလိုင်လ ၂၂ ရက်နေ့မှာ ဆားလင်းကြီးမြို့နယ်က ရေဘေးသင့်ပြည်သူတွေအတွက် မိုးကာတွေနဲ့ ကြက်ဥတွေကို အိမ်ထောင်စု (၁၇၀) စာ ထောက်ပံ့ကူညီခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#ရေဘေးသင့်ဒေသ #ထောက်ပံ့ရေး #whatshappeningnowinmyanmar #လှုပ်ရှားမှု

တော်လှန်ရေးရဲဘော်များ မတရားကြိုးပေး သတ်ဖြတ်ခံရခြင်း ၂ နှစ်ပြည့် အထိမ်းအမှတ်အဖြစ် ဗကသနဲ့ မဟာမိတ်တွေက စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်

၂၀၂၄ ဇူလိုင် ၂၃၊ ဗကသ

၂၀၂၁ ခုနှစ် ဇူလိုင်လ ၂၃ ရက်နေ့က အင်းစိန်ထောင်မှာ ဖက်ဆစ်တပ်က မတရားကြိုးပေးသတ်ဖြတ်ခဲ့တဲ့ ကိုဂျင်မီ (ခ) ကိုကျော်မင်းယု၊ ကိုဖြိုးဇေယျာသော် (ခ) မောင်ကျော်၊ ကိုလှမျိုးအောင် (ခ) ကိုမျိုး၊ ကိုသူရအောင် (ခ) ကိုဂတုံး တို့ (၄) ဦး ကျဆုံးခဲ့တာ ဒီကနေ့ဆိုရင် (၂) နှစ်တိတိ ပြည့်ခဲ့ပြီဖြစ်ပါတယ်။

တော်လှန်ရေးရဲဘော်များ မတရားကြိုးပေး သတ်ဖြတ်ခံရခြင်း ၂ နှစ်ပြည့် အထိမ်းအမှတ်အဖြစ် စစ်အာဏာရှင်စနစ် ဆန့်ကျင်ရေးလှုပ်ရှားမှုတရပ်ကို ရွှေပြည်သာမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ ရွှေပြည်မြို့နယ်သပိတ်ကော်မတီ (SPTSC)၊ မျိုးဆက်သစ်လူငယ်သပိတ်ကော်မတီ (NGYSC) တို့ ပူးပေါင်းပြီး ဒီကနေ့ ဇူလိုင်လ ၂၃ ရက်နေ့က ရန်ကုန်မှာ ပြုလုပ်ခဲ့တာဖြစ်ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#whatshappeningnowinmyanmar #လှုပ်ရှားမှု

ဗကသများအဖွဲ့ချုပ်က ရန်ကုန်မှာ စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်

၂၀၂၄ ဇူလိုင် ၂၇၊ ဗကသ

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) က ဒီကနေ့ ဇူလိုင်လ ၂၇ ရက်နေ့မှာ “ဆင်းရဲကျပ်တည်းမှုရဲ့ အဖြေမှန် စစ်အုပ်စုသာလျှင် တရားခံ” စာသားပါဘန်နာကို ရန်ကုန်မြို့တနေရာမှာ ချိတ်ဆွဲပြီး စစ်အာဏာရှင်စနစ် ဆန့်ကျင်ရေးလှုပ်ရှားမှုတရပ် ပြုလုပ်ခဲ့ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#ဗကသ #abfsu #အထွေထွေအကျပ်အတည်း #whatshappeningnowinmyanmar #လှုပ်ရှားမှု

ဘုတလင်မှာ ဗကသရဲဘော်သုံးဦး ကျဆုံးခြင်း တနှစ်ပြည့်အထိမ်းအမှတ် စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်

၂၀၂၄ ဇူလိုင် ၂၈၊ ဗကသ

ဘုတလင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) ရဲ့ ဥက္ကဌ ရဲဘော်ကျော်ဝင်းသန့်၊ ဒုဥက္ကဌ ရဲဘော်ကြယ်စင်ငြိမ်းချမ်းနဲ့ သတင်းပြန်ကြားရေးမှူး ရဲဘော်သုတနေတို့ ကျဆုံးခြင်း တနှစ်ပြည့်အထိမ်းအမှတ် စစ်အာဏာရှင်စနစ် ဆန့်ကျင်ရေးလှုပ်ရှားမှုတရပ်ကို ဒီကနေ့ ဇူလိုင်လ ၂၈ ရက်နေ့က ဘုတလင်မြို့နယ်မှာ ကျင်းပပြုလုပ်ခဲ့ပါတယ်‌။

အကြမ်းဖက် ဖက်ဆစ်တပ်က ၂၀၂၃ ခုနှစ် ဇူလိုင်လ ၂၈ ရက်နေ့ မနက်ပိုင်းမှာ ဘုတလင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) ရဲ့ ရုံးခန်းကို အင်အားအလုံးအရင်းနဲ့ ဝင်ရောက်စီးနင်းမီးရှို့ပြီး ဗကသရဲဘော်သုံးဦးကို ရက်ရက်စက်စက် သတ်ဖြတ်ခဲ့တာ‌ကြောင့် ကျဆုံးခဲ့တာဖြစ်ပါတယ်။

သတင်းနှင့်ပြန်ကြားရေးကော်မတီ
ဗကသများအဖွဲ့ချုပ်
#ဗကသ #abfsu #ဘုတလင် #လှုပ်ရှားမှု #whatshappeningnowinmyanmar