🟨 Մայիսի 1-ից 5-ը Գազպրոմ Արմենիա մարզադահլիճում կմեկնարկի «Երևանի քաղաքապետի գավաթ» վոլեյբոլի միջազգային մրցաշարը:

▫️Մուտքն ազատ է:

Երևանի քաղաքապետարան

🟨 Այսօր Երևանում 38 համարի ավտոբուսի վարորդին դանակահարելու դեպքի առթիվ նախաձեռնվել է քրեական վարույթ։

ՔԿ/ ©️Radar Armenia

🟨 Նիկոլ Փաշինյանը հանդիպում է ունեցել նոր ձևավորված Հանրային խորհրդի հետ:

🟨 Նիկոլ Փաշինյանը և ԵԽԽՎ նախագահ Թեոդորոս Ռուսոպուլոսը քննարկել են տարածաշրջանային հարցեր։

▫️Ռուսոպուլոսը խիստ արդյունավետ է գնահատել ՀՀ խորհրդարանականների հետ համագործակցությունը։

🟨 ՀՀ ապագայի վերաբերյալ այսօր շատ ավելի լավատես եմ, քան 2018-ին, 2019-ին, առավել ևս՝ 2020-ին կամ 2021-ին։

Նիկոլ Փաշինյան

🟨 Պաշտոնապես հայտարարում ենք, որ ՀՀ-ում ՉԺՀ գործերի ժամանակավոր հավատարմատար Չըն Մինը ոչ մի հարցազրույց չի տվել թուրքական ԶԼՄ-ներին, և վերջին ժամանակահատվածում այդ թեմայով տարածված լուրերը չեն համապատասխանում իրականությանը։

Հայաստանում Չինաստանի դեսպանատուն

🟨 Զելենսկին պարծենում է, որ չի ճանաչում Ղրիմի օկուպացիան։ Եթե նա այժմ ուզում է Ղրիմը, ինչո՞ւ չէին պայքարում 11 տարի առաջ, երբ այն հանձնվեց ՌԴ-ին՝ առանց մեկ կրակոցի։

▫️Իրավիճակն Ուկրաինայում սարսափելի է. «առանց խաղաքարտերի մնացած մարդը» կարող է խաղաղություն հաստատել կամ պայքարել ևս 3 տարի, մինչև կկորցնի ամբողջ երկիրը:

Դոնալդ Թրամփ

🟨 Այս պատերազմը ռազմական լուծում չունի։ Չեմ կարծում, որ Ռուսաստանը կտիրի Ուկրաինային։

▫️ Ուկրաինան էլ, հավանաբար, չի կարողանա ՌԴ-ին ամբողջությամբ հետ մղել մինչ 2014թ․ դիրքերը: Մեր խնդիրն է հասկանալ, թե ո՞րն է Ռուսաստանի դիրքորոշումը:

ԱՄՆ պետքարտուղար Մարկո Ռուբիո

🟨 Ուկրաինայի հակամարտությունն ակնթարթորեն կավարտվի, եթե Կիևն իր զորքերը դուրս բերի ՌԴ սահմանադրությամբ ամրագրված չորս շրջաններից։

▫️Զելենսկու հրաժարականը ՌԴ պահանջների թվում չէ, սակայն նրա ստորագրած ցանկացած փաստաթուղթ կարող է վիճարկվել։

Դմիտրի Պեսկով

🟨 Ստամբուլում տեղի ունեցած երկրաշարժի հետևանքով տուժել է շուրջ 240 քաղաքացի։

▫️Գրանցվել է 51 հետցնցում, ամենաուժեղը՝ 5.9 մագնիտուդով։ Շտապօգնության կանչի կենտրոնն ստացել է 6100 ահազանգ։

ՄԱՆՐԱՄԱՍՆԵՐ

🟨 Ֆրանցիսկոս 2-րդի մահից հետո մեծ թափ է առել 267-րդ պապի ընտրության հարցը։ Արդեն իսկ հնչում են հնարավոր հավակնորդների անուններ։ Նոր Պապին ընտրելու է 135 կարդինալ, որից 110-ը նշանակվել են Ֆրանցիսկոսի օրոք։

▫️ Radar Armenia-ն ներկայացնում է New York Times-ի ցանկը, թե ովքեր են հավակնում պապական գահին ու ինչպիսի շանսեր ունեն։ 

ՄԱՆՐԱՄԱՍՆԵՐ

🟧 Ապրիլի 23-ին՝ ժամը 22:20-ի սահմաններում, Ադրբեջանի ԶՈւ-ն կրակ է բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տուն։

▫️Տուժածներ չկան:

ՀՀ ՊՆ

🟨 Առանձին շրջաններում սպասվում է անձրև և ամպրոպ:

Եղանակը Երևանում ապրիլի 24-ին՝

🌖 Ցերեկ +20 +22
🌗 Երեկո +16 +18
🌘 Գիշեր +9 +11

ՄԱՆՐԱՄԱՍՆԵՐ

⬜️ Այսօր լրանում է Հայոց ցեղասպանության 110-րդ տարելիցը։

ՄԱՆՐԱՄԱՍՆԵՐ

🟨 Այսօր ոգեկոչում ենք Հայոց ցեղասպանության անմեղ զոհերի հիշատակը։

▫️Պետություն և պետական շահեր, ՀՀ-ն՝ միջազգայնորեն ճանաչված տարածքով, հարևանների հետ կարգավորված հարաբերություններով, բաց սահմաններով, խաղաղություն, աշխատանք, բարեկեցություն, ազատ և պաշտպանված քաղաքացի․ ահա թե ինչը, ովքեր և ինչպես պիտի վառ պահեն Մեծ Եղեռնի զոհերի հիշատակը, ահա թե ինչպես պետք է վերապրենք Մեծ Եղեռնի ողբերգությունը։

Նիկոլ Փաշինյան

ՄԱՆՐԱՄԱՍՆԵՐ

🟨 Վարչապետ Փաշինյանը դատապարտում է [ջահերով երթի ժամանակ Թուրքիայի ու Ադրբեջանի դրոշների այրման] գործելակերպը՝ այն համարելով անպատասխանատու և անընդունելի։ Միջազգայնորեն ճանաչված պետության, առավելևս հարեւան պետությունների դրոշների այրումը պետության ղեկավարի կողմից չի կարող այլ վերաբերմունքի արժանանալ։ Դա սադրիչ և հրահրող գործելակերպ է։

▫️Փաշինյանը դատապարտում է Ադրբեջանի ԶՈւ կողմից Սյունիքի մարզի Խոզնավար գյուղի բնակելի տան ուղղությամբ արձակված կրակոցները, Ադրբեջանի ԶՈւ կողմից հրադադարի ռեժիմի խախտումները և Ադրբեջանի իշխանություններին կոչ է անում քննության առնել այդ դեպքերը և հանդես գալ պարզաբանումներով։

Նազելի Բաղդասարյան/ ©️Արմենպրես

🟨 ՀՀ բարձրագույն ղեկավարությունը Ծիծեռնակաբերդում է:

🟨 Հայոց ցեղասպանությունը պատմության խոր վերք է, որն այսօր էլ հնչում է արդարության ձայնով։ Մեր հանձնառությունն է կերտել համախմբված, ուժեղ ու խաղաղ Հայաստան՝ հիմնված անցյալի դասերի վրա և միտված դեպի կայուն ապագան։

▫️Մենք չենք մոռանում տեղի ունեցածը, բայց չենք էլ ցանկանում, որ հիշողությունը դառնա միայն ցավի ու սգի աղբյուր․ այն պետք է մեզ դարձնի առավել վճռական ու հեռատես մեր հետագա քայլերում։

ԱԺ նախագահ Ալեն Սիմոնյան

🟨 Այսօր ոգեկոչում ենք մեր 1.5 միլիոն զոհերի հիշատակը։ 110 տարի առաջ Երևանը դարձավ փրկության օջախ՝ ընդունելով Հայոց ցեղասպանությունից մազապուրծ փախստականներին և կազմակերպելով օգնություն նրանց համար։

▫️Չնայած ցեղասպանության ծանր հարվածին՝ հայ ժողովուրդը կամք ու կարողություն ունեցավ հիմնելու իր անկախ պետությունը։ Պետություն, որն ունենալու պատմական բարեբախտություն ունենք այսօր, և մեր ամենօրյա ջանքով, կամքով ու չարչարանքով պետք է ամրացնենք և ուժեղացնենք այն՝ դիմակայելով բոլոր մարտահրավերներին։ Անցյալի դառնությունները մտքում՝ պետք է խորհենք ապագայի մասին։

▫️Ցանկացած պետություն կենսունակ է խաղաղության ու փոխըմբռնման միջավայրում, որոնք, անշուշտ, չեն ջնջի վիշտը, բայց կկանխեն նոր ողբերգությունները՝ ի հիշատակ նահատակաց ու հանուն ապրողների երջանիկ ապագայի։

Տիգրան Ավինյան

🟨 Ստամբուլի բնակիչներն ուժեղ երկրաշարժից հետո գիշերը փողոցում են անցկացրել:

Գրանցվել են հարյուրավոր հետցնցումներ, գիտնականները զգուշացնում են ուժգին ցնցման մասին: