"ወሎ የዒልም ባለውለታ ዳግም ወደ ከፍታ" በሚል መሪ ቃል በደሴ ፉርቃን መስጂድ ነሲሓ የዒልም ቅፍለት ኮርስ ቁ.3 ተጠናቋል

አልሐምዱሊላህ! ባለፉት ቀናት በተለያዩ የደሴ መስጆዶች እና አጎራባች ከተሞች ሰፊ የዳዕዋ እንቅስቃሴዎች ተደርገዋል።

ዛሬ በወሎ ባህል አምባ አዳራሽ እጅግ ከፍተኛ ቁጥር ያለው ህዝብ በተገኘበት የተካሄደው "ነሲሓ ኮንፈረንስ" በደማቅ ሁኔታ ተካሂዷል። በታቀደው መሰረት ኡስታዞቻችን ኢልያስ አህመድ፣ ሙሀመድ ሀሰን እና ሁሴን ኢሳ ደማቅ ሙሀደራዎችን አቅርበዋል።

ሸይኽ ያቁት አብዱልመጂድ፣ ሸይኽ ኢድሪስ ደጋን እና በርካታ የወሎ ኡለማዎች ፕሮግራሞቹን በመታደም አርአያ በሆነ መልኩ ለታናናሾቻቸው ዝቅ በማለት እንግዳ አክባሪነታቸውን በተግባር አሳይተዋል።

ኮርሱ የተጠናቀቀ ሲሆን በየመስጂዶቹ የሚደረጉ ፕሮግራሞች ግን ዛሬና ነገም የሚቀጥሉ ይሆናል። በኮርሱ ለተሳተፉና ላስተባበሩ አካላት የክብር ሰርተፊኬት የተሰጠ ሲሆን በደሴ ከተማ የነሲሓ ዳዕዋ ማስተባበሪያ መከፈቱን የኢብኑ መስዑድ ኢስላሚክ ሴንተር ስራ አስኪያጅ ኡስታዝ ኢልያስ አወል አበስረዋል።

ኢብኑ መስዑድ ኢስላሚክ ሴንተር ለደጉ የወሎ ሙስሊም እና ለፕሮግራሙ መሳካት ትብብር ላደረጉ ሁሉ ምስጋናው የላቀ ነው። አላህ ወሎን አሁን ካለው በተሻለ የዒልም ማዕከል ያደርጋት ዘንድ አላህን እንለምነዋለን።


ኢብኑ መስዑድ ኢስላሚክ ሴንተር
እሁድ የካቲት 28/2013


@merkezuna