⚫️Еуропалық Одақтың диалогтық платформасының отырысында ЕО Елшісі Алешка Симкич, Германия елшісі Моника Иверсен, Финляндия елшісі Янне Хейсканен, Нидерланды елшілігінің уақытша сенімді өкілі Мартин ван Бюрен; еуропалық компаниялардан – Кавказдағы және Орталық Азиядағы Aqualia бизнесті дамыту жөніндегі директоры Иракли Бабухадия, «SOIL SOLUTION» ЖШС құрылтайшысы және Қазақстандағы Water&Soil компаниясының ресми өкілі Даниел Репасси, Орталық Азия және Кавказ аймағының «Xylem» басқарушы директоры Лев Аппаков, MicroStep-MIS Slovak Consortium Solution for Water Management  аймақтық менеджері Абдулла Абдул-Разаков ұсыныстарын айтып, пікір қосты.

🇪🇺Еуропалық Одақтың елшісі Алешка Симкич ЕО-ның Қазақстанның қалдықтарды басқару саласындағы негізгі жобаларын қолдауға дайын екендігін атап өтіп, жергілікті институттарды Horizon Europe зерттеулер мен инновациялар бағдарламасына белсенді қатысуға шақырды.

🇩🇪Елші Моника Иверсен «Жасыл Орталық Азия» бастамасы аясында және Team Europe қолдауымен Германия су ресурстары, энергетика және климат саласындағы өңірлік ынтымақтастықты дамытуды жалғастыратынын деп атап өтті. Негізгі жобалардың қатарында трансшекаралық өзендерді басқару бойынша тәжірибе алмасу, табиғи апаттардың алдын алу үшін климаттық бейіндерді дайындау және су шаруашылығы компанияларының Қазақстанға бизнес — миссиясын ұйымдастыру бар.

🇫🇮Финляндия елшісі Янне Хейсканен Қазақстанда өнеркәсіптік және муниципалдық нысандарда ағынды суды тазартудың энергиялық тиімді технологияларын енгізіп жатқан бірқатар фин компанияларының тәжірибесімен таныстырды. Су ресурстарын тұрақты басқаруға бағытталған ынтымақтастықты одан әрі дамытуға әзірлік білдірілді. 

🇳🇱Нидерланд өкілі Мартин ван Бюрен Нидерланды мен Бенилюкс елдерінің компаниялары консорциумының Ақтауда қуаттылығы тәулігіне 150 мың м3 су болатын тұщыландыру қондырғысын салу жөніндегі жобаны жүзеге асыруға дайындығы туралы хабарлады. Сондай-ақ голландиялық DRRS тобы қазақстандық мамандармен бірлесіп жұмыс істейтін су тасқыны туралы ұлттық ерте хабарлау жүйесін құру жөніндегі бастамаға қолдау білдірілді.

🤝 Еуропалық компания өкілдерінің сөздерінде суды қайта пайдалану технологияларын енгізу, шығындарды азайту және су ресурстарын басқаруда цифрлық платформаларды пайдалану мәселелері өзекті болды. Өндірістерді локализациялау, техникалық орталықтар құру, тазарту құрылыстарын математикалық модельдеу тәжірибесін кеңейту бойынша ұсыныстар айтылды.

♦️Қойылған сұрақтарға қатысты мемлекеттік органдар тарапынан су ресурстары және ирригацияның бірінші вице-министрі Нұрлан Алдамжаров, экология және табиғи ресурстар вице-министрі Жомарт Әлиев, «Бәйтерек» холдингі Басқарма төрағасының міндетін атқарушы Ерсайын Хамитов жауап берді.

📱 @KZgovernment

Ақмола облысының республикалық индустриялық аймағына 1,1 трлн теңге инвестиция тартылды

📌 Ақмола облысында республикалық маңызы бар «AQMOLA» индустриялық аймағының іргетасына капсула салу рәсімі өтті.

⚫️Ауданы 1 мың гектарға жуық индустриялық аймақ елордаға жақын орналасқан. Бұл – жаңа зауыттар мен өндіріс ошақтарын ашуға қолайлы барлық инфрақұрылыммен қамтамасыз етілген аумақ. Қазіргі таңда мұнда жалпы көлемі 1,1 трлн теңгеден асатын инвестицияға ие жеті жоба жүзеге асырыла бастады. Инвесторлар географиясы Қытай, Түркия, Сингапур және Қазақстан елдерін қамтиды. Жобалар аясында 4,5 мыңнан астам жұмыс орны ашылады деп жоспарлануда.

➖

В республиканскую инвестиционную зону Акмолинской области привлечены инвестиции на сумму 1,1 трлн тенге

📌 В Акмолинской области состоялось открытие республиканской индустриальной зоны «AQMOLA».

⚫️Индустриальная зона площадью почти 1 тыс. га находится недалеко от столицы и располагает всеми условиями для строительства заводов и предприятий. Уже сегодня начата реализация семи проектов с привлечением инвестиций более 1,1 трлн тенге. География компаний-инвесторов охватывает такие страны, как Китай, Турция, Сингапур и Казахстан. Планируется создание более 4,5 тыс. рабочих мест.

📱 @KZgovernment