Тәуелсіздік алғаннан бері Арқалықта алғаш рет жаңа мектеп ашылды

📌 Премьер-министр Олжас Бектенов Қостанай облысына жұмыс сапары аясында Тәуелсіздік алғаннан бері алғаш рет салынған жаңа мектепке барды. Мемлекет басшысының тапсырмасымен салынған «Жайлы мектеп» былтыр жыл соңында пайдалануға берілген. Мектеп 300 орынға арналған.

🔷 Қостанай облысында білім беру жүйесі дамып келеді. Мемлекет басшысының тапсырмасы бойынша облыстың шалғай аудандарында инфрақұрылымдық жобалар, оның ішінде орта білім беру мекемелерінің құрылысы жүзеге асырылып жатыр.

«Арқалық туралы айтсақ, бүгінде мұнда 25 мектепке дейінгі білім беру ұйымы жұмыс істейді. Былтыр 140 орындық балабақша ашылды. Орта білім туралы айтар болсақ, Арқалықта 12 мектеп бар, олардың бірі «Жайлы мектеп». Былтыр қарашада пайдалануға берілді. Мектеп халықаралық стандарттарға сай. Айта кетейік, біздің барлық 6 жайлы мектебімізде білім қазақ тілінде беріледі»,

— деді Қостанай облысы әкімдігі білім басқармасының басшысы Айман Ибраева.

⏩ №7 орта мектеп директоры Ақтоты Кисикова нысанның іске қосылуы оқу жағдайын жақсатып қана қоймай, қаладағы мектептерде орын жетіспеушілігі мәселесін шешуге мүмкіндік бергенін атап өтті. Қазіргі уақытта мектепте 316 оқушы оқиды, оның ішінде 42-сі 1-сынып оқушысы. Сыныптардың орташа толымдылығы 17–18 оқушыдан. Барлығы 19 сынып. Оқу процесі екі ауысымда ұйымдастырылған. Мектеп жиһаз және құрал-жабдықтармен 100% қамтамасыз етілген.

«Мектепте робототехника кабинеттері, цифрлық зертханалар мен практикалық сабақтарға арналған шеберханалар жабдықталған. Тіпті бастауыш сыныптарға да заманауи құралдар мен жабдықталған сыныптан тыс аймақтар қарастырылған»,

— деді ол.

🔘 Ұжымда 38 педагог қызмет етеді. Мұғалімдердің жартысынан астамы біліктілік санаттарына ие, олардың қатарында педагог-шеберлер, модераторлар, сарапшылар және зерттеушілер бар.

➖

Впервые за период Независимости в Аркалыке была введена новая школа

📌 В ходе рабочей поездки в Костанайскую область Премьер-министр Олжас Бектенов осмотрел новую школу, впервые построенную в Аркалыке за период независимости. «Комфортная школа» была построена по поручению Главы государства и введена в эксплуатацию в конце прошлого года. Здание рассчитано на 300 мест.

🔷 Образовательная система Костанайской области продолжает развиваться. По поручению Главы государства в отдаленных регионах Костанайской области реализуются инфраструктурные проекты, в том числе строительство среднеобразовательных учреждений.

«Если говорить об Аркалыке, то на сегодня там действует 25 организаций дошкольного образования. Также в прошлом году открыли детсад на 140 мест. Говоря о среднем образовании, в Аркалыке действует 12 школ, одна из которых «Комфортная школа», она была введена в ноябре прошлого года. Эта школа отвечает всем мировым стандартам. Кстати, все наши комфортные школы - 6 школ, работают на государственном языке»,

— сообщила руководитель управления образования акимата Костанайской области Айман Ибраева.

⏩ Директор средней школы №7 Актоты Кисикова отметила, что запуск объекта не только улучшил условия обучения, но и помог решить проблему нехватки ученических мест в городе. На сегодня в школе обучаются 316 детей, включая 42 первоклассников, средняя наполняемость классов - 17-18 человек. Всего сформировано 19 класс-комплектов. Образовательный процесс организован в две смены. Школа укомплектована мебелью и оборудованием на 100%.

«В школе оборудованы кабинеты робототехники, цифровые лаборатории и мастерские для практических занятий. Даже для начальных классов предусмотрены зоны для внеурочной деятельности с современным оборудованием»,

— рассказала она.

🔘 В коллективе работают 38 педагогов. Более половины преподавателей обладают квалификационными категориями, включая педагогов-мастеров, модераторов, экспертов и исследователей.

📱 @KZgovernment

Олжас Бектенов Шетелдік инвесторлар кеңесінің аралық отырысын өткізді

📌 Қазақстан Республикасының Премьер-министрі Олжас Бектенов Шетелдік инвесторлар кеңесінің аралық отырысын өткізді. Еліміздегі инвесторлар қызметінің өзекті мәселелері, олардың елішілік құндылықты дамытуға қосқан үлесі қаралды.

⏩ Мемлекет басшысының тапсырмасы бойынша Үкімет бизнес ахуалды жақсарту, экономиканы әртараптандыру қарқынын арттыру бойынша жүйелі шаралар қабылдауда. Бұл капиталдың қосымша ағынын қамтамасыз етуге, ресурстық әлеуетті арттыруға және жаңа өнеркәсіп өндірісін іске қосуға мүмкіндік береді.

🔻 Премьер-министр экономиканың басым салаларында жаңа жобаларды жүзеге асыру, терең локализациялауды қамтамасыз ету және халықты жұмыспен қамтуды кеңейту үшін инвесторлармен тығыз өзара іс-қимыл жүргізуге баса назар аударды.

«Мемлекет басшысы қазіргі геосаяси және экономикалық жағдайда жеке инвестициялар тарту арқылы кәсіпкерлік белсенділікті арттыру үшін қолайлы орта құру басым бағыт екенін атап өткен болатын.

Біз сіздермен Қазақстанда жұмыспен қамтуды арттыруға және терең локализациялауға ықпал ететін жаңа өндіріс орындарын құруға мүдделіміз. Ынтымақтастықтың жаңа бағыттарының әлеуетін ашу және экономиканың басым секторларында серпінді жобаларды іске асыру маңызды. Ол үшін бізде барлық жағдай жасалған. Қазақстан Үкіметі сындарлы диалогқа ашық және еліміздің дамуына ықпал ететін шешімдерді бірлесіп жүзеге асыруға дайын»,

— деп атап өтті Олжас Бектенов.

🔘 Отырыс барысында инвестициялық саясатты жүзеге асыру; денсаулық сақтау және фармацевтика өнеркәсібін дамыту; энергетика, экология және мұнай-газ саласы; еңбек заңнамасы, адами капиталды дамыту; цифрландыру мәселелері бойынша бірлескен жұмыс топтарының баяндамалары тыңдалды. «Қазақстандық шетелдік инвесторлар кеңесі» қауымдастығының басқарма төрағасы, Орталық Азия мен Кавказ елдеріндегі EY басқарушы серіктесі Ерлан Досымбеков, ExxonMobil Kazakhstan Inc. басқарушы директоры Сесиль Ролин, «Кнауф Гипс Қапшағай» ЖШС Қазақстан, Қырғызстан және Тәжікстан республикаларында маркетинг және өткізу жөніндегі директоры Димитрий Пропп, KPMG Caucasus and Central Asia басқарушы серіктесі әрі атқарушы директоры Сәкен Жұмашев, «Химфарм» АҚ бас директоры Адам Алексеюк, Еуропа қайта құру және даму банкінің басқарушы директоры Хусейн Өзхан сөз сөйледі.

🔷 Спикерлер алдағы жұмыс экологиялық реттеуді, «бұлтты» технологиялар мен жасанды интеллектіні, көші-қон нормаларын жетілдіруге, жер қойнауын пайдалану саласындағы процестерді цифрландыруға, Каспий теңізі деңгейінің төмендеуі мәселесі бойынша ведомствоаралық үйлестіруді күшейтуге, денсаулық сақтауға инвестициялар мен технологияларды тартуға бағытталатынын атап өтті.

Инвесторлар көтерген мәселелер бойынша Ұлттық экономика, Энергетика, Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі, Денсаулық сақтау министрліктерінің басшылары түсіндірме берді.

⏩ Мәселен, Қазақстанда бизнес ахуалды жақсарту бойынша бірқатар жүйелі шара жүзеге асырылуда. Жергілікті жеткізушілерді қолдауды және оларды қосылған құн тізбегіне біріктіруді көздейтін «Өнеркәсіптік саясат туралы» Заң қабылданды. Тұрақты бизнес-экожүйені қалыптастыруға бағытталған 2029 жылға дейінгі Инвестициялық саясат тұжырымдамасы өзектендірілді. Жобаларды іске асыру кезеңдерін жеңілдететін ұлттық цифрлық инвестициялық платформа іске қосылды. Инфрақұрылымдық қолдау қамтамасыз етілді – инвесторларға арнайы экономикалық, индустриялық және шағын өнеркәсіптік аймақтардағы дайын өндірістік алаңдар ұсынылады. Жұмыс істеп тұрған өндірістерді жүктеу және жаңа қатысушыларды тарту үшін ұзақмерзімді шарттар мен оффтейк-келісімшарттар жасасу бойынша жұмыс жүргізілуде.

🔘 Отырыс қорытындысы бойынша Премьер-министр мемлекеттік органдар мен ұйымдарға айтылған мәселелер мен ұсынымдарды пысықтауды тапсырды.

📱 @KZgovernment

Олжас Бектенов сарапшылармен экономиканың даму мәселелерін талқылады

📌 Премьер-министр Олжас Бектенов сарапшылармен өткізген кездесуде экономиканы дамытудың өзекті мәселелері талқыланды.

🔷 Экономистер әлем нарығындағы қазіргі ахуал туралы сараптамалық пікірлерімен бөлісті, сондай-ақ ұлттық экономикаға әсер ететін үрдістерді атап өтіп, экономикалық өсуді қамтамасыз ету бойынша алдағы жұмыстарға қатысты бірқатар ұсыныс білдірді.

✔️ Инвестиция, сауда және өңдеу өнеркәсібі салаларына назар аударылды. Сонымен қатар Үкіметтің тиімділікке баса назар аудара отырып, басымдық берілмеген шығыстарды оңтайландыру және қаражатты маңызды бағыттарға қайта бөлу жөніндегі қызметі қаралды.

🔘 Талқылау қорытындысы бойынша Премьер-министр Ұлттық экономика министрлігіне айтылған ұсыныстарды пысықтауды тапсырды.

📱 @KZgovernment