Inistiitiyuutii Leenjii fi Qorannoo Seeraa Oromiyaa #ILQSOn mata duree #Qorannoo_Yakkoota_Namaan_Daldaluufi_Seeran_ala_Nama_Daangaa_Ceesisuu jedhu irratti leenjii hojii irraa yeroo gabaabaa kennaa jira.

Qaamoleen leenjin kun kennamaafii jiru Poolisoota Naannoofi Godinaalee garaagaraa irraa walitti dhufanif yoo ta'u, leenjichi guyyoota 3f kan turu ta'uun himame.

Kaayyoon leenjii kanaa qaamolee dhimma kana irratti itti dhiyeenyan hojjataniif hubannoo walfakkaataa fi ijjannoo walitti siqaa tahe qabatanii yakkoota gama kanaan raawwataman irratti dandeettii raawwachiisummaa isaanii cimsuun hubannoo uumuuf akka tahe ibsamee jira.
Leenjichi kan kennamaa jiru Abbaa Alangaa fi Leenjistuu Seeraa ILQSO Aaddee #keeyriyaa_Mahadii tiini.

#ILQSOn_Workishooppii_Dhiyeessa Qo'annoowwanii_Gaggeesse.

Inistitiyuutin Leenjiifi Qorannoo Seeraa Oromiyaa leenjii ogummaa seeraa cimsuu,rakkoowwan gama seeraatin jiru beekumsaan furuu akkasumas qorannoofi qo'annoo seeraa gaggeessuun olaantummaa sirna haqaa mirkaneessuf xiyyeeffannoon hojjechaa jira.

Guyyaa har'as qo'annoofi Sakata'iinsa bu'aawwan giddu galeessaa ILQSO keessatti gaggeessaa ture irratti Abbootii Hirtaa waliin irratti mari'atamaa jira.

I/Aanaan Daayrektera Olaanaa Inistitiyuutii Leenjiifi Qorannoo Seeraa Oromiyaa Obbo Sulxaan Abdoo haasaa taasisaniin "Inistitiyuutichi rakkoowwan gama hubannoofi ogummaa seeraatiin jiru bu'uurarraa furuuf hojjechaa jiraachuu ibsuun, kanaaf immoo qorannoofi qo'annoon deeggaraa jiraachuu dubbatanii jiru.

#ILQSOn gama Qorannoo Seeraatiin bara hundeeffama isaa irraa eegalee qorannoowwan 85 ol gaggeessun yaadota furmaataa hedduu dhiyersseera kan jedhan obboo Sulxaan, bara 2017 kanas qorannoowwan 5 gaggeessuus karoorfatee hojjachaa jiraachuu ibsanii jiru. Dabalataanis bara 2016 irraa eegalee qo'annoowwan gaggabaaboo fooyya'iinsa seeraa, hojmaataa fi gurmaa'insaaf gumaachan hojjachuuf karoorfatee hojjachaa kan jiru tahuu ibsuun, kaayyoon workishooppii kanaa bu'aawwan,qo'annoowwanii fi sakatta'iinsa kanaa ogeessotaa fi qooda fudhattootaaf dhiyeessun yaadaan gabbisuun akka hojiirra oolmaa qo'annichaatiif gumaacha taasisan abbootii hirtaatiif dhaamanii jiru.

Itti Gaafatamaan waajjira Qindeessaa fooyya'iinsa sirna haqaa Oromiyaa Obbo Shimallis Simee gamasaaniin haasaa taasisaniin leenjin,qorannoo,qo'annoofi sakatta'iinsi Inistitituutichi gaggeessaa jiru rakkoo hubannoo,dandeettiifi ogummaa hambisuun hudhaawwan adeemsa seeraa keessatti mul'atan kan hiiku ta'uu ibsaniiru.
Qu'annoowwan dhihaatanis #Adabbii_hojiifi_hojii_dirqii_hojirra_oolchuu,
#Murti_adabbii_hidhaa_ragaa_Sobaa _bu'uureffachuun kennamee _raawwatame_keessatti _mirga _beenyeffamuu _miidhamaafi #sakata'iinsa_bu'aawwan_giddu_galeessaa _hojiiwwan _ILQSO (bara 2013-2015) jiru irrattii mariin gaggeeffamaa turee jira.

Marii qooda fudhattoota waliin taasifame irrattis hirmaattonni workishooppichaa yaadota qo'annicha gabbisan bal'inaan kaasanii jiru.

Dhuma irrattis yaada maricha walitti qabuun kan guduunfan Hoogganaa I/A Biiroo Abbaa Alangaa Waliigala Oromiyaa obboo Kumasaa Araarsaa akka jedhanitti, qo'annoowwan dhiyaatan baay'ee murteessaafi hojiirra oolmaa isanitiif garuu haala qabatama biyya keenyaatiin danqaan hedduu kan jiru ta'uu ibsuun, muuxannoowwan qo'annoo keessatti biyyoota biroo irraa fudhataman sirna mootummaan keenya hordofu waliin wal simsiisuun gadi fageenyaan xiinxaluun barbaachisaadha jedhan.

Workshooppii Dhiyeessa Qorannoowwan #Inistiitiyuutiin_Leenjiifi_Qorannoo_Seeraa_Oromiyaa Gaggeesse irratti oduu FMC Fana Media Corporate hojjate.

Leenifamtoonni leenjii hojii irraa yeroo gabaabaa leenji'aa jirtan mata dureewwan irratti leenji'aa jirtan ilaalchisee sirritti hubannoof akka tolutti dubbisuuf maateeriyaalii leenjii nugaafattan kunoo isinii erginee jirra.