Inistiitiyuutiin Leenjii fi Qorannoo Seeraa Oromiiyaa (ILQSO)n Abbootii Seeraa mana murtii ol'aanaatiif leenjii hojii irraa yeroo gabaabaa guyyoota sadiif turu magaalaa Bishooftitti kennuu eegalee jira.
ILQSOn mata duree leenjii "Sirna Dhagaha Dhimmoota Ol Iyyannoo" jedhu irratti kennaa jira.
Barbaachisummaan leenjii kanaa dhimmoota aangoo ol iyyannoon walqabatee jiru ,dhagaha ol iyyannoo dhimmoota hariiroo hawaasummaa fi yakkaan wal qabatu irratti hubannoo cimmsuun rakkoolee gama kanaan mul'atan furuuf jedhame.

Inistiitiyuutiin Leenjii fi Qorannoo Seeraa Oromiyaa bulchiinsa magaalaa Dirre Dawaatti mata duree SDFHH/ Seera Deemsa Falmii Hariiroo Hawaasaa / jedhu irratti leenjii hojiirraaa yeroo gabaabaa guyyaa 3f turu Abbootii Alangaatiif kennaa jira.
ILQSOn guyyaa har'aa leenjiwwan hojii irraa yeroo gabaabaa abbootii seeraa fi abbootii alangaatiif mata duree garaa garaa irratti magaalaa Bishooftuu iddoo lamatti kan kennaa jiruun dabalataatti magaalaa Dirre Dawaattis walta'iinsa bulchiinsa magaalichaatin mataduree walfakkaataa irratti leenjii kennaa jira.

Inistiitiyuutiin Leenjii fi Qorannoo Seeraa Oromiyaa (ILQSO)n Abbootii Alangaa fi Abbootii seeraa sadarkaa godinaalee fi aanaalee irra jiraniif leenjii hojii irraa yeroo gabaabaa mata duree " Seerotaa fi walii galteewwan ijaarsaa: Rakkoolee qabatamaa mul'atan" jedhu irratti magaalaa Ambootti kennaa jira.
kaayyoon leenjichaa :wal harkaa fuudhinsa hojii ijaarsaatiin walqabatee rakkoolee qabatamaan mul'atan hiikuu, haala itti walii galtee ijaarsa mootummaa hoogganan , gulalaaman irratti hubannoo qaban gabbifachuu fi tooftaa itti wal diddaa adeemsa raawwii hojii ijaarsaa keessatti uumamu itti furamuu fi kkf irratti hubannoo leenjifamtootaa cimsuuf akka ta'e himamee jira.