Workishooppiin_ Mirkaneessa Gumeewwan Qorannoo Gaggeeffamee jira.
Instiitiyuutiin Leenjii Ogeessota Qaamolee Haqaa fi Qo'annoo Seeraa Oromiyaa, mata dureewwan bara 2013 qorannoo irratti gaggeessuuf adda bahan sadi irratti gumeewwan qorannoo abbootii hirtaaf dhiheessee jira.
Mata dureewwan kunis, Sababootaa fi Midhaawwan Diiggaa Gaa'ilaa, Bulchiinsa ,Itti Fayyadamaa fi Hojii irra Oolmaa seerota Lafa Magaalaa; fi Hojii irra Oolmaa qorannowwan ILOQHQSO ilaachisee magaala Bishooftuutti gaggeeffamee jira.
Kaayyoon sagantaa kanaas, dhimmoota qorannoo irratti gaggeesuuf adda bahan kanneen irratti yaadota galtee ta'uun qulqullina qorannichaa dabaluu danda'an argachuuf yaadamee akka ta'ee fi marii taasifameenis hirmaattota workishooppichaa irraa yaadonni galtee qorrannoowwan kanaa gabbisan hedduun kan argaman ta'uun ibsamee jira.

###Leenjii Hojii irraa itti fufe###
Aangoo Dhimma Yakkaa fi Hariiroo Hawaasaa Manneen Murti:Seeraa fi Hojimaata, Labsii haasawa jibbiinsa fi tatamsa'ina odeeffannoo sobaa ittisuu fi too'achuuf" bahee Lakk. 1185/2012 fi Labsii Bulchiinsa fi To'annoo meeshaa waraanaa Lakk. 1177/2012 irratti Abbootii Seeraa 100 fi Abbootii Alangaa 60 walumatti ogeessota seeraa 160 Godinaalee fi Aanaalee Oromiyaarraa dhufaniif Magaalaa Bishooftuuttii marsaa 2ffaaf leenjii hubannoo cimsuu turtii guyyoota shaniif turu kennamu har'a eegalamee jira. Daayireektrarri olaanaa inistitiiyuutichaa obboo Tasfaayee Booressaa hirmaattoonni leenjichaa,bu'uura sagantaa qabameen leenjicha sirnaan hordofuun bu'aa leenjicha irraa argatan muuxxannoo qabaniin deeggaruun hojii irra akka oolchanii fi dhimmoota irratti leenji'anis mana hojii isaaniin akka gahan dhaamsuun leenjicha eegalsiisanii jiru.

Abbootii Seeraa Manneen Murtii Olaanaa fi Aanaaleetiif akkasumas Abbootii Alangaa Godinaa fi Aanaaleetif Seera Deemsa Falmii Hariiroo Hawaasaa fi Labsii Dhimma Beenyaa(Expropraition) irratti ILOQHQSOn magaala Bishooftuutti kennamaa jira.Leenjiin kunis guyyoota sadiif kan turu yoo ta'u, haaluma walfakkaatuun marsaa sadiin kan kennamu ta'a.
Qabiyyeen leenjichaas, dhimoota waraqaa waamichaa, Makamiinsa falmiitoota, Ajajoota Fala kan yeroo fi Raawwi Murtii akkasumas labsii lafa faayidaa hawaasaaf yammuu abbaan qabiyyee gadi lakkisu beenyaa murtaa'u ilaalchisee labsii haaraa bahe lakk. 1161/2011 irratti xiyyeeffachuun kan kennamuudha.
Kaayyoon Leenjii kanaas, rakkoolee hojimaata keessatti mudatan hiikudhaan raawwii murtii si'ataa, qulqulluu fi haqa qabeessa ta'e kennuu fi kenniinsa sirna haqaa Naannichaa dhugoomsuuf kaayyeeffatee leenjii keennamaa jiru akka ta'e ibsamee jira.

LEENJII HOJII IRRAA_ YEROO GABAABAA
Sirna Seera Adeemsa Falmii Hariiroo Hawaasaa: Seeraa fi hojimaataa fi Mirga Abbaa Qabiyyummaa lafaa faayidaa Uummataatiif gad lakkisiisuu ilaalchisee labsii Sirna Murteessa Beenyaa irratti labsii lakkoofsa 455/97 haquudhaan seera haaraa bahe Labsii lakkoofsa 1161/2011 akkasumas dambii labsii kana raawwachiisuuf bahe irratti Abbootii Seeraa MMWO fi Abbootii Alangaa MHAAWO dhaddachaalee dhaabbii irra jiran dabalatee ogeessota 50f ILOQHQSOn magaalaa Bishooftuutti leenjii kennaa jira.
Kaayyoon leenjichaas, rakkoolee qabatamaa hojii keessatti qunnaman keessumattuu, iyyannoo(waraqaa waamichaa fi faloota yeroo), makamiinsa falmitootaa, hafiinsa falmitootaa, barreessa murtii fi raawwii murtii tiin wal qabatanii mul'atan adda baasanii xiinxaluudhaan hubannoo fala ta'uu danda'u uumuuf yammuu ta’u, Labsii mirga abbaa qabiyyummaa lafaa faayidaa Uummataatiif gadi lakkisisuu ilaalchisee yaad rimee labsichaa fi dambii labsicha raawwachisuuf bahe irratti hubannoo uumudhaan rakkoo kanfaltii beenyaatiin wal qabatee hojii keessatti uumaman furuuf kan xiyyeefateedha. Leenjii kanas pireezidaatiin MMWO fi Waliitti Qabaan Gumii Inistiitityuutii keenyaa kan ta’an kabajamoo Obboo Gazaalii Abbaa Simal kaayyoo leenjichaa ibsuudhaan leenjicha eegalsiisanii jiru. Leenjiin kunis fedhii leenjii ogeessota qaamolee haqaa bu’uura gochuudhaan kan qindaa’e yammuu ta’u, leenjichis guyyoota sadan itti aananiif kan turu akka ta’e ibsamee jira.

Leenjii Marsaa 3ffaa_Itti fufe,
ILOQHQSO'n Abbootii Seeraa fi Abbootii Alangaa Godinaalee fi Aanaleetiif Seera Deemsa Falmii Hariiroo Hawaasaa fi seera beenyaa qabiyyeen faayidaa hawaasaaf yammuu gadi lakkifamu murtaa'u ilaachisee labsii fi dambiiwwan haaraa bahan irratti Magaala Shaashammanneetti kennamaa jira.

Leenjii Ijaarsa_ Dandeettii Keessoo
Leenjiin Dandeettii Raawwachiisummaa hojjatoota Pablik Sarvaantii ILOQHQSOtiif kennamee jira.
Qabiyyeen leenjii kanaas mata dureewwan sadii irratti yoo ta'u,
1. Aadaa Mana Hojii gaarii dagaagsuu(Developing organisational Culture);
2. Labsii haaraa Hojjattoota Mootummaa Naannoo Oromiyaa lakk. 215/2011 fi 3ffaan Qajeelfama Raawwii Hooggansa Qabeenya Namaa manneen hojii mootummaa naannoo Oromiyaa lakk. 15/2012 bahee irratti qabiyyee seerichaa fi qajeellfama labsii kana hojii irra oolchuuf bahe hubannoo hojjatoota Inistiitiyuutichaa cimsuuf yaadamee leenjii kennameedha.
Kaayyoon waligalaa leenjii kanaas, Pablik Sarvaantiin Inistiitiyuutii keenyaa rakkoo aadaa mana hojii waliin wal qabatee jiru adda baasuun tarsimoo rakkoowwan jiran hiikuu danda'an akka qopheessan, hojii irra oolchanii fi akka dagaagsan taasiisu, labsii, danbii fi qajeelfamoota mootummaan naannoo Oromiyaa mirgaa fi dirqamoota hojjatootaa irratri kaa'u hubachuun fi beekanii gahee isaanii akka bahaniif leenjii kennameedha. yaadameeti.
Leenjiin kunis, Ogeeyyoota Ol'aanoo Biiroo Pabliik Sarvisii fi Misooma Qabeenya Namaa Oromiyaa kan ta'an Obbo Taaddalaa Amansiisaa fi Obboo Silashii Fiqaaduutiin kan kennameedha.

Gargaartonni Abbootii Seeraa fi Garg. Abbootii Alangaa Leenjii Hojiin duraaf Inistiitiyuutii keenya irraa waamicha eeggachaa jirtan hundi beeksisa kanatti dhiyaadhaa!