#Eebba Leenjifamtoota LHD marsaa 16ffaa
Inistiitiyuutiin Leenjii fi Qorannoo Seeraa Oromiyaa ogeessota seeraa sagantaa Leenjii Hojiin Duraa marsaa 16ffaatiin leenjisaa ture 197 guyyaa har'aa sirna hoo'aan eebbisiisee jira. Eebbifamtoota kanneen keessaa 64 dubartootadha. Kunis lakkoofsa ogeessota sagantaa kanaan leenji'anii gara qaamolee haqaatti makamanii gara 4,045 tti kan guddisuudha. Leenjifamtootni guyyaa har'aas bu'uura kaarikulamii leenjii jiruutiin waggaa tokkoof leenji'anii gahumsi isaanii kan mirkanaa'e ta'uu Daayirektarri Olaanaan ILQSO Obbo Doobee Dhaabaa ibsanii jiru. Sagantaa kanarratti argamuun eebbifamtootaaf kallattii kan kennan Pirezidaantii Mana Murtii Waliigalaa Oromiyaa fi Walitti Qabaan gumii ILQSO Obbo Gaazaalii AbbaSimaal eebbifamtoitni leenjii kanaan eebbifamuun galma dhumaa osoo hin taane dirqama ogummaa bahuuf seensa jalqabaa ta'uu hubachuun miira tajaajiltummaa olaanaa gonfachuun haqaaf haqaan hojjachuuf of qopheessuu qabu jedhanii jiru. Sagantaa kana irratti leenjifamtoota qabxii olaanaa fidaniif waraqaan ragaa, badhaasni fi geebni kennamee jira.
Inistiitiyuutiin Leenjii fi Qorannoo Seeraa Oromiyaa ogeessota seeraa sagantaa Leenjii Hojiin Duraa marsaa 16ffaatiin leenjisaa ture 197 guyyaa har'aa sirna hoo'aan eebbisiisee jira. Eebbifamtoota kanneen keessaa 64 dubartootadha. Kunis lakkoofsa ogeessota sagantaa kanaan leenji'anii gara qaamolee haqaatti makamanii gara 4,045 tti kan guddisuudha. Leenjifamtootni guyyaa har'aas bu'uura kaarikulamii leenjii jiruutiin waggaa tokkoof leenji'anii gahumsi isaanii kan mirkanaa'e ta'uu Daayirektarri Olaanaan ILQSO Obbo Doobee Dhaabaa ibsanii jiru. Sagantaa kanarratti argamuun eebbifamtootaaf kallattii kan kennan Pirezidaantii Mana Murtii Waliigalaa Oromiyaa fi Walitti Qabaan gumii ILQSO Obbo Gaazaalii AbbaSimaal eebbifamtoitni leenjii kanaan eebbifamuun galma dhumaa osoo hin taane dirqama ogummaa bahuuf seensa jalqabaa ta'uu hubachuun miira tajaajiltummaa olaanaa gonfachuun haqaaf haqaan hojjachuuf of qopheessuu qabu jedhanii jiru. Sagantaa kana irratti leenjifamtoota qabxii olaanaa fidaniif waraqaan ragaa, badhaasni fi geebni kennamee jira.