Ibsa Gaddaa
Inistitiyuutiin Leenjii fi Qorannoo Seeraa Oromiyaa barsiisotaa fi hojjattoota Yuunivarsiitii Madda Walaabuu balaa konkolaataa muudateen lubbuun isaanii darbeef gaddi guddaan kan itti dhaga'ame ta'uu ibsaa maatii, firoottaniifi hiriyoota isaanitiif jajjabina hawwa.

Inistitiyuutiin Leenjii fi Qorannoo Seeraa Oromiyaa baajata mootummaan ramadeef Qarshii 263,131,931.15 tiin Gamoo Kaafteeriyaa G+1, Gamoo mana kitaabaa basemnt, G+1 fi Mana eegumsaa G+1 ijaarsisuuf Dhaabbata ANBELAT General Constraction jedhamu waliin waliigaltee mallatteessee jira. Dhaabbatichi hojii ijaarsaa kana guyyoota 540 keessatti xumuruuf waliigalee jira. Pirojeektiin kun ILQSO'n mana kitaabaa fi kaafteeriyaa hammayyaa'aa fi sadarkaa isaa eeggate akka qabaatuu fi kenni tajaajila Inistitiyuutichaas akka fooyya'u kan taasisuudha jedhameera. Ijaarsi mana eegumsaas nageenya Inistitiyuutichaa mirkaneessuuf gumaacha olaanaa qaba jedhameera.

Eid Mubarak!
Inistitiyuutiin Leenjii fi Qorannaa Seeraa Oromiyaa hordoftootni amantaa Islaamaa hundi baga ayyaana Iid Al-Adha waggaa 1444ffaa nagaan geessan jechaa ayyaanichi kan gammachuu fi kan milkaa'inaa akka isiniif ta'u hawwa!
Ayyaana Gaarii!!
Iid Mubaarak!!

Workishoppii Dhiyeessa Qorannoowwan ILQSO
Waxabajjii 22 bara 2015,
Inistitiyuutiin Leenjii fi Qorannoo Seeraa Oromiyaa guyyaa har'aa Qorannoowwan bara kana gaggeessaa ture afur(4) workshoppiif kan dhiyeessu ta'a.
Qorannoowwan kunis:
1. Qabeenya Bu'aa Yakka Malaammaltummaa Deebisiisuu fi Bulchuu
2. Ittisaa fi Too'annoo Yakkoota Namaan Daldaluu fi Seeraan ala Daangaa Ceesisuu
3. Sirna Hooggsnsa Hojjattoota Bulchiinsaa Manneen Murtii Naannoo Oromiyaa fi
4.Tajaajila Manneen Murtii Naannoo Oromiyaa gara Waraqa-Maleessatti Ceesisuu kan jedhamaniidha.