Элчихона ва Польшадаги фаол ватандошлар кўмагида “FOUNDEVER” компаниясининг Варшавадаги алоқа марказида Марказий Осиё мамлакатлари, жумладан Ўзбекистон маданияти кунлари ташкил этилди.
Тадбир иштирокчиларига Янги Ўзбекистоннинг туризм салоҳияти намойиш этилиб, юртимизнинг бой маданияти ва тарихий обидаларини тарғиб қилувчи материаллар ва брошюралар тарқатилди.
Компанияда фаолият юритадиган ходимлар ўзбек халқи меҳмондўстлигининг муҳим таркибий қисми бўлган чой маросимини томоша қилишди, ажойиб рақсга гувоҳ бўлишди ва ўзбек миллий таомларини татиб кўришди.
Меҳмонлар Ўзбекистон мафтункор анъаналар, гўзал манзаралар ва ўзига хос лаззатларга тўлалиги, хусусан миллий таомларнинг мукаммал уйғунлиги ва пазандачилик санъатига юқори баҳо беришди.

Polshada istiqomat qilayotgan vatandoshlar diqqatiga!

Sizlarga qulaylik yaratish maqsadida O`zbekiston Republikasining Polshadagi Elchixonasi tomonidan telegram boti (@uz_embassy_poland_bot) ishga tushirildi.

Mazkur bot uzoqni yaqin qilib, sizlarning vaqtingizni tejash va barcha konsullik harakatlari bo`yicha batafsil ma’lumotni olish imkoniyatini beradi.

Ushbu botning havolasini yurtdoshlarimizga ulashishingizni so`rab qolamiz.