Fakt 24 | O’zbekiston IT-eksportining Yevropa bozoridagi ulushi kengayadi
#11nov #uzbekiston24

mtrk.uz | Youtube | Facebook | Telegram | uztv.tv | TV-dastur

Элчихонага 1975 й. Жиззах вилоятида туғилган фуқаро К.С.нинг (расмда кўрсатилган) яқин қариндошлари мурожаат этиб, узоқ вақтдан буён алоқага чиқмаётгани сабабли, уни топишда амалий ёрдам беришни сўрадилар.

Ушбу шаҳсни кўрган, билган ва учратган ҳамюртларимиздан зудлик билан Ўзбекистоннинг Варшавадаги Элчихонасига хабар беришларини сўраймиз.

ТОПИЛДИ,

Тел.: +48 22 894 62 30
Эл.манзил: pl.consulate@mfa.uz

Hurmatli vatandoshlar!

Sizni 18 noyabr kuni Oʻzbekiston Respublikasi davlat bayrogʻi kuniga bagʻishlangan konferentsiyasiga taklif qilamiz.

Konferentsiya davomida O'zbekistonning boy madaniyati va tarihi hususida taqdimot bo'lib o'tadi. Shuningdek tadbir jarayonida Davlat ramzlarining ahamiyati hususida davra suhbati va Elchi bilan ochiq muloqot tashkil etiladi.

📅 18 Noyabr
⏰ 10:30 – 14:30
📍 Kabinet 21, Vistula Universiteti, ul. Stokłosy 3, Warszawa.

Tadbirga roʻyhatdan oʻtish: https://forms.gle/GNbzGarpLmY5q16s5

1991-yil 18-noyabr kuni O‘zbekiston tarixida muhim sanaga aylandi. Oliy Kengashning VIII sessiyasida “O‘zbekiston Respublikasi Davlat bayrog‘i to‘g‘risida”gi qonun qabul qilindi.

Mazkur ulug‘ kun mustaqilligimizni, birligimizni va davlatimizning taraqqiyotga bo‘lgan intilishini o‘zida ifodalab, O‘zbekiston bayrog‘i ranglarining ramziy ma’nolari hamda uning tarixiy ahamiyati to‘g‘risida eslash uchun ajoyib sababdir.

Varshavada O'zbekiston bayrog'i qabul qilingan sana munosabati bilan ma'naviy-ma'rifiy tadbir o'tkazildi

18-noyabr – O'zbekiston Respublikasi Davlat bayrog'i qabul qilingan kun

Batafsil
Батафсил

Telegram Русский | English | Facebook | Twitter | YouTube

Ўзбекистон элчихонаси дипломатлари Польша Ташқи ишлар вазирлиги Консуллик департаменти директори Юстина Хшановска билан учрашув ўтказдилар. Музокаралар давомида консуллик-ҳуқуқий соҳада икки томонлама ҳамкорликнинг бугунги ҳолати ва истиқболлари муҳокама қилинди.
Ўзбекистонлик абитуриентларнинг Польшада таҳсил олиш учун визаларни олиш жараёнида кузатилаётган муаммолар, ҳужжатларнинг нострификацияси ва Польшада вақтинча истиқомат қилаётган юртдошларимизга ҳуқуқий ёрдам кўрсатиш масалалари юзасидан фикр алмашилди.
Томонлар 2025 йилда Тошкентда икки мамлакат ТИВ консуллик департаментлари ўртасидаги маслаҳатлашувларнинг биринчи даврасини ўтказиш тўғрисида келишиб олдилар.

Ҳурматли ватандошлар,

Яқин қариндошларининг мурожаати асосида қидирилган фуқаро С.К. (1975 й. Жиззах в.) топилди.
Ҳозирги вақтда унга вақтинчалик ётоқ жой масаласида ёрдам кўрсатилди ва ишга жойлаштириш бўйича зарур чоралар амалга оширилмоқда.

Мазкур вазиятга бефарқ бўлмаган фуқароларимизга чуқур миннатдорчилик билдирамиз.

Шунингдек, Польшада бўлиб турган фуқароларимиздан қуйидаги талабларга амал қилишларини сўраймиз:
Қабул қилувчи давлатнинг ички тартиб ва қонун-қоидаларига қатъий риоя қилиш;
Элчихонада вақтинчалик рўйхатдан ўтишни ўз вақтида таъминлаш (https://consulate.mfa.uz).

Элчихона фуқароларимизни қўллаб-қувватлашда доимо ёрдам беришга тайёр. Сиздан ҳар қандай саволлар бўйича биз билан боғланишингизни сўраймиз.

Сизга тинчлик ва омонлик тилаймиз!

🇺🇿🇵🇱Элчихона телеграм саҳифаси: https://t.me/EmbUzPoland
☎️+48 22 894 62 30

Элчихона “колл-марказ”ига қуйидаги ҳолатлар бўйича мурожаатлар келиб тушди:
1. Варшава шаҳрида тизза қопқоғи жароҳати олиши сабабли ватанга қайтишда ёрдам сўраб - фуқаро Я.С. (2005 йил Тошкент шаҳрида туғилган).
2. Краков шаҳрида автоҳалокат оқибатида оёқ ва қўл суяклари синганлиги сабабли ватанга қайтишда ёрдам сўраб - фуқаро Ш.Ш. (2002 йил Самарқанд вилоятида туғилган).

Элчихона консуллик бўлими томонидан беморларга зарур тиббий ёрдам кўрсатиш ва уларнинг тезкор эвакуация қилиниши бўйича барча чора-тадбирлар амалга оширилди. Шу жумладан, LOT авиакомпанияси орқали авиация хавфсизлиги талабларига мувофиқ рухсатнома расмийлаштирилди.

Я.С. ва Ш.Ш.лар Ўзбекистонга қайтарилиб, И.Каримов номидаги Тошкент халқаро аэропортида кутиб олинди. Улар ҳозирда ватанда тиббий муолажа ва зарур жарроҳлик амалиётларини ўтказмоқдалар.

Ҳурматли фуқаролар, Элчихона доимо фуқароларимиз ҳуқуқини ҳимоя қилиш ва уларга ёрдам кўрсатишга тайёрлигини эслатиб ўтамиз.

🇺🇿🇵🇱Элчихона телеграм саҳифасига обуна бўлинг.
☎️+48 22 894 62 30

Посольство Узбекистана в Варшаве продолжает свою работу по оказанию всесторонней помощи соотечественникам и защите их прав

Подробнее

Telegram на English | O'zbek | Facebook | Twitter | YouTube

Fakt 24 | 2024-yilda Polshaga 55 million dollarlik to‘qimachilik mahsulotlari eksport qilinadi
#21nov #uzbekiston24

mtrk.uz | Youtube | Facebook | Telegram | uztv.tv | TV-dastur

Польша Халқ таълими вазирлигининг Мазовия воеводлиги бўйича таълим Кенгаши раҳбари Виолетта Кшижановская билан учрашув ўтказилди.
Учрашувда икки давлат таълим муассасалари ўртасидаги ҳамкорликнинг бугунги ҳолати ва истиқболлари муҳокама қилинди. Польшада ўқиш истагида бўлган ўзбекистонлик абитуриентларнинг ҳужжатларини нострификация қилиш ва қонунийлаштириш тартиби хусусида фикр алмашилди.
Польша томонига Ўзбекистон Президентининг тегишли қарори билан тасдиқланган 2022-2026 йилларда халқ таълимини ривожлантириш бўйича миллий дастурнинг мазмун-моҳияти ҳақида сўзлаб берилди.

Polshadan munosabat: O'zbekiston mening qalbimni zabt etdi

Anjey Nanus, "Ipak yo'lida turizm" 29-Toshkent xalqaro turistik yarmarkasi ishtirokchisi

Batafsil
Батафсил

Telegram Русский | English | Facebook | Twitter | YouTube

Элчихона кўмагида 13-20 ноябрь кунлари Польшанинг "ITAKA", "Primapol Travel", "ALMATUR", "FLUGO", "TOP Touristik", "Planet Escape", "AURINKO", "WECO", "Best Reisen", "Ferias" каби етакчи туроператорларининг юртимизга бизнес-миссияси амалга оширилди. Ташриф давомида бизнес-миссия вакиллари мамлакатимизнинг тарихий Самарқанд, Бухоро ва Хива шаҳарларида бўлиб, уларнинг туристик салоҳияти, иқтисодий жозибадорлиги ва инвестицион имкониятлари билан яқиндан танишди.
Давлатимиз раҳбари томонидан Янги Ўзбекистонда туризм соҳаси иқтисодиётнинг энг асосий драйверларидан бири сифатида белгилангани делегация аъзоларида катта қизиқиш уйғотди ва ҳамкорлик алоқаларини боғлашга замин яратди.
Шунингдек, сўнгги йилларда мамлакатимизда туризм соҳасидаги инфратузилма ривожланиши ва хизмат кўрсатиш даражасининг кескин ошгани, ҳамда маҳаллий меҳмонхоналарнинг сони ва улардаги юқори хизмат кўрсатиш савияси полшаликлар томонидан юқори баҳоланди.
Бундан ташқари, саёҳат дастурига ўзбек миллий таомларини тайёрлаш бўйича мастер-класслар ҳамда анъанавий таомларни татиб кўриш киритилди, бу мамлакатнинг маданиятига янада яқиндан танишиш имконини берди.
Ташриф якунига кўра, бизнес-миссия вакиллари ва маҳаллий сайёҳлик компаниялари ўртасида аниқ келишувларга эришилди.

Elchixonamiz ko'magida Varshava shahridagi Polsha tarixi muzeyida XI Anna German qo'shiqlari xalqaro festivali o'tkazildi. Festival "Polsha Ayollar ligasi" uyushmasi tomonidan har yili tashkil etiladi. Uyushma raisi Aldona Mixalyak o'z nutqida xonandaning Urganch shahridagi hayoti, shuningdek, uning ona yurti bo'lgan O'zbekiston haqida so'zladi.
Tadbirda O'zbekistondan xonandalar Jasmina Qayumova va Navro'za Mahamadjonova Anna German repertuaridan qo'shiqlar ijro etishdi. Tomoshabinlar o'zbekistonlik ijrochilarning chiqishlarini, shuningdek, O'zbekiston, uning boy tarixi va madaniy merosi haqidagi ma'lumotlarni, o'zbek xalqi qalbida saqlangan Anna German xotirasini samimiyat bilan qarshilashdi.
Tanlov yakuniga ko'ra, Jasmina Qayumova birinchi, Navro'za Mahamadjonova esa ikkinchi o'rinni egalladi.
Ishtirokchilar va tomoshabinlar o'rtasida O'zbekistonning tarixiy hamda madaniy diqqatga sazovor joylari haqidagi ma'lumotlar o'rin olgan materiallar tarqatildi.
Ta'kidlash kerakki, tadbir Polshaning yetakchi ommaviy axborot vositalarida, jumladan "Polsatnews" va "TVP" yangiliklar kanallari orqali keng yoritildi.
Eslatib o'tamiz, xuddi shunday festival 2024-yilning 21-sentabr kuni Toshkent va 24-sentabr kuni Urganch shaharlarida o'tkazilgan edi.

Айни дамда Польшанинг Варшава шаҳрида Ўзбекистоннинг туризм салоҳияти намоён этилмоқда.

2024 йилнинг 29 ноябридан 1 декабригача Варшава шаҳрида TT-Warsaw халқаро туризм ярмаркаси бўлиб ўтмоқда. Ушбу тадбирда 50 дан ортиқ давлатдан 300 дан зиёд туристик компания ва хорижий давлат вакиллари иштирок этмоқда. Ҳар йили мазкур кўргазмани 25 мингдан ортиқ меҳмонлар ташриф буюради.

Ярмарка давомида Ўзбекистоннинг бой тарихий ва маданий мероси, бетакрор сайёҳлик йўналишлари ва замонавий инфратузилмаси намойиш этилди. Ўзбекистон миллий стендида республиканинг тарихий шаҳарлари, жумладан, Самарқанд, Бухоро, Хива ва Тошкентнинг сайёҳлик салоҳиятига алоҳида эътибор қаратилди. Шунингдек, Ўзбекистоннинг гастрономик сайёҳлик, экологик туризм ва зиёрат туризми бўйича таклифлари ҳам меҳмонларнинг қизиқишини уйғотди.

Тадбир давомида мамлакатимизнинг нуфузини оширишга қаратилган қатор келишувларга эришилди.