رب العالمين دائماً يحقق المستحيلات
بالطريقة الاكثر إستحالة
لهيج خليكُم مُطمئنين ومرتاحين
العوض قريب والاستجابة قريبة
وماكو شي مُستحيل عَ رب العالمين
فقط ديختبر صبرنا وح يعَوضنا بشغلات فوك ممتوقعيها
ولأن ربنـا كريم وأحنا تستاهل 🫂💞.

سلام عليكم طلابنا الاعزاء ..
غداً لا يوجد امتحان حضوري في أي معهد
بسبب اعمال الصيانة وبناء وتجهيز القاعات
لموسم 2023 - 2024 .. لاحقاً سيتم تحديد
موعد امتحان فاينل منهج كامل ولكل طلاب
العراق ..

اما ليوم غداً تقرر الاتي :
الامتحان ساعة ١٢ ظهراً تنشر الاسئلة هُنا على
القناة الرسمية حتى تختبرون نفسكم وكانما
امتحان وزاري .. وهاي المرة خلي ضميرك هو
المراقب عليك لان الغش ما يجيب 100
بالوزاري وشگد ما تجيب بعد ما تصحح
لنفسك اعتبرة تحدي الك 💪🏼🤍 ..

اليوم ليلاً تنزل الكم محاضرات الانشطة
المهمة وبقية حلول المسائل

ومحاضرات الاشتقاقات يوم غداً صباحاً
حتى كلشي اجهز الكم وتدللون 🩵

ربي ارزق كُل طلاب العراق
مثل هاي الفرحة يارب 🤍..

الحمدالله دائماً وابداً على حب ريال مدريد ❤️

وهاي المرة خلي ضميرك هو
المراقب عليك لان الغش ما يجيب 100
بالوزاري وشگد ما تجيب بعد ما تصحح
لنفسك اعتبرة تحدي الك 💪🏼🤍 ..
بالتوفيق حبايبي

حضروا نفسكم بعد نموذجين بالليل 🌚

السادس اسرع مرحلة ممكن تمر بحياتك
هذاك اليوم تحس بديت دورات ومحاضرات
ودراسة وهسة باقي تقريباً اكثر من 40 يوم ..

- اكو اللي قرا من بداية السنة وكلشي ديراجع
ومضبط وما عندة اي خلل ..

- اكو اللي قرا من اول يوم انعلن بي الجدول
وكام يضبط المواد هسة وفرحان هواي لان
عبالة فاتة الوقت ..

- اكو اللي بدا قبل شهر او ايام او البارحة او اليوم لان يريد يطلع بمعدل حلو ونتيجة حلوة وما اهتم للايام الباقية وأصرّ على النجاح والمعدل العالي وجاي يصارع ويتحدى الوقت .. اسألك سؤال .. شنو فرقك عن اللي بدأ هسة ليش تريد تضيع الباقي من ايديك ليش تريد تعيد ليش تحط تأجيل ببالك ليش تأيس اريد افتهم تكولي استاذ هي شغلة راحت وانتهت فشلون ما چان جاي أگظي هاي الايام وادري بنفسي رح اعيد او دور ثاني ! زين انت حاولت ؟ تگولي لأ .. ليش ما تحاول
ليش ما تتعب ليش ما تحصر روحك بهاي الايام تكولي استاذ اني ما قريت شلون اتساوى ويا
الطالب اللي قرا من بداية السنة يعني حتى
مو منطق ! .. اني اجاوبك هذا مو منطق هذا
الشيطان اللي جاي يريد يفشلك ويفرح بفشل
المؤمن ما يريدك تنجح لان هو عدو الك !
زين استاذ شلون اتساوى وياهم ؟
زين انت من تتعب هسه الله رح يضيع تعبك الله رح يعوفك هيج ؟ خلي ببالك شي شگد
ما تتعب هاي الفترة الله ما يضيع تعبك لا تخيب ظن أهلك وناسك واصدقائك لا تخلي الشماتة
يفرحون بيك لا تخلي تأنيب الضمير ياكلك بيوم النتائج لا تخلي أسوأ يوم بحياتك خلي احسن واحلى يوم يكون بحياتك ..
زين ظروفي استاذ ؟ ماكو شي اسمة ظروف ! اقرا وتعب روحك ولا تخاف ورح تنجح واعلى معدل ولا تتخلى عن هدفك وحلمك ..
زين استاذ باقي تقريباً 40 يوم ؟ خايف كلش !
زين باوع قبل مو چانت المواد اصعب ! والمواد اصعب وچانت المراجعة كلها ب 40 يوم ويلحگ ويطلعون من الاوائل واسالوا اهاليكم !

اني لو ما احبك وانقهر على دمعتك وقهر ابوك وامك بيوم النتائج اذا فشلت ! چان اعوفك اني شحاط بجيبي ! بس ما اريدك تحس بالفشل انت لازم تنجح اذا مو لخاطرك لخاطر اللي يحبوك ..
بداعتي اني تبدي تقرا دا احلفك
بس تقرا لخاطر امك وابوك وفرحتهم
والله تتذكرني تكول والله استاذ علي كلامة
چان صح لان ماكو احلى من فرحة النجاح ..

هذا مو تعبير ولا كلام هيچ بس كلام نابع من
حرگة گلبي والرسائل اللي وصلتني خلتني انقهر احبكم كلكم واتمنى تفرحوني وتوعدوني رح تلتزمون ..
ربي يوفقكم ابطالي 🤍

كلام اتمنى تقرا بتمعن وتركز بكل كلمة
الكلام هذا من قلب اخ وصديق واستاذ
خايف عليك وعلى مصلحتك ومستقبلك ❤️

حل المسائل المُهمة | الفصل الرابع الاحيائي ،
الخامس التطبيقي المراجعة المركزة