✅يرجى من كافة الطلاب واصحاب القنوات
تعميم المنشور في كُل مكان مع جزيل الشكر .

الطلاب اللي جاي يعانون من مُشكلة عدم
الدراسة لأكثر من 10 دقائق أو ربع ساعة أذا
مو أقل ! .. بهاي الفترة طلاب هاي الفئة
(جماعة التسخيت) ما فات الاوان حتى گبل
تستسلم وترضى بالأمر الواقع وتگول هاهية
أني رسبت ! .. لا حبيبي غلط اللي دتسوي
ترى هو المطلوب منك بنصف السنة أنجح
وأضمن دخولك الوزاري «سواء تجيب 100
أو تجيب 50» نفس الشي يا حبيبي أنتَ ..
بقت أقل من 9 أيام لنصف السنة إقرأ
أكثر من مادة باليوم وكمل فصول هواي
وسوي سهل ويا صعب حتى اليوم الدراسي
يكون معقول لا هو مُتعب ولا هو مُريح ..
الحل من وجهة نظري كـ أ.علي السوداني
هسة كدوام مدارس ماكو تقريباً فيعني صار
كُلة بالبيت .. الطالب اللي يسخت او يقرا
فترة كُلش قصيرة وراها يلتهي بشغلات ثانية
ويضيع عليه اليوم وما يفتهم شي منة ويگول
على باچر أقرأ ! وهذا الباچر ما يجي أصلاً ..
هاي النوعية من الطلاب يحبون يشوفون
شخص يقرأ گدامهم ويصير الهم واهس
حتى يدرسون (يرجع شغفهم الدراسي) ..
أنصحكم بـ فيديوهات study with me ..
اللي تكون لفترة 8 ساعات - 10 ساعات باليوم
الواحد وكُل 50 دقيقة أستراحة لمُدة 10 دقائق
هذا أنسب حل برأيي لهاي النوعية من الطلاب
وبالمراجعة انصح جميع الطلاب يطبقون هذا
الشي رح تفيدكم كُلش صراحةٍ ..
موفقين بإذن الله تعالى ❤️
أ.علي السوداني ✅