استاذ علي العزيز طبعا شكر من القلب وحب جبير الك ع كل هالايام الحلوه والجهد الي بذلته ويانه جنت اكثر من استاذ بلنسبه النه وكلامك دائما بالنه ونصايحك وسوالفك ان شاء الله نرفع راسك بمعدلاتنا وابد مننساك 🤍🤍
حلمي هندسه حياتيه ✨

الظروف الصعبة والمعاناة في التي تصقل الانسان
ويولد من خلالها الناجحين المتحدين للحياة
استاذ ان شاء الله افرحك بمعدل عالي
وبدرجة بالفيزياء

طالب خارجي

استاذيي ❤️‍🩹❤️‍🩹❤️‍🩹🥺
استاذ علي الغالي الي مقصر ويانا ابددد واني من اختاريت استاذ علي لان احب طريقته وشرحه وأبد مااافهم ع غيره جنت مااحب الفيزيا هوه خلاني اني واكيد هواي طلاب يحبوها من خلال طريقته وتبسيطه وشرحه اليخبل وربي يحفظك استاذ ويوفقك ويوم الي اجي وابشرك ونرفع راسك ❤️‍🩹🌹
استاذيي الغالي ربي يحفظك 😍🌹
طالبتك الالكتروني/ طيبه علاء
2022/4/21❤️

إستاذ علي أفضل أستاذ بالكون أشكرك لكونك كنت رفيق رحلتي بالأعدادية من الرابع والخامس وهسه السادس جبت افضل الدرجات بفضلك و لو ما انت جان بعدني بالرابع ارسب بالفيزياء أنت المدرس الوحيد الي أفهم شرحه من أشد المتابعين والمعجبين بيك ومن طلابك اني افتخر كوني طالب علي السوداني من يسألوني جماعتي يكولون وين لازم فيزياء وتجيب هاي الدرجات اكوللهم يم استاذ علي السوداني أنت إنسان أكثر من رائع ما أعرف شلون أشكرك وشلون اوصفك بس اتمنى شيء واحد وهو اشوفك بخير دائماً اليوم استلمت درجات الدخول مال وزاري ودخلت بالفيزياء 98 وكل الفضل يعود الك استاذي العزيز اتمنالك كل الخير والتوفيق بالحياة وان شاء الله من نجاح إلى نجاح والفرحة ماتفارق وجهك يارب طالبك المخلص مصطفى صباح طالب إلكتروني من محافظة ديالى، حلمي أدخل أكاديمية طيران مدني وأصير كابتن طيار بس أحقق هذا الحلم أول سفرة أسويها لشخص هي الك استاذي الغالي تستاهل كل خير ويارب تبقى بخير على طول ❤️✨

الله يوفقك و أستاذ مبدع بمعنى الكلمه والوحيده الي من خلاله حبيت الفيزياء وانشالله نشوفك بأعلى المرات أستاذنا 🤍وحلمي ادخل تخدير وانشالله احقق هلحلم 2022✨🤍

السلام عليكم استاذ علي
طبعاً كلش اشكرك على جهوده وتعبك وحرصك علينه واشكر المساعدين كلهم على تعبهم وجهودهم وان شاءالله انفرحك بال١٠٠ بالوزاري ❤️

حلمي طب الاسنان جامعه بغداد 🦷❤️

اقوى مدرس ابو ادم الغالي❤️ ارفع راسك انشالله بلوزاري حلمي ((طب عاام))

هلو استاذ شلونك
كلش شكراً لكل يوم تعبت بي ويانة وشكراً لان تحملتنا والله شاهد مقصرت ويانه بيوم بالعكس التقصير جان من عدنا وتعبناك هواااي وماانسى كمال واحمد وعلي وجعفر الي تعبوا وتكسروا من وره التصحيح والرزايل وسالفة الغش الي متخلص😂
شكراً الكم هواي وراح اشتاقلكم هواي واحبكم هواي ويجي يوم ونتشاوف بس هالمرة غير اجيكم واني مطلع معدل وارفع راسكم بي ♥️
وان شاء الله يتحقق الحلم
اتمنى الخير لكل طالب تعب والله ليضيع تعب احد
# طلاب السوداني للقمة✌🏻🔥♥️
# دفعة الامبراطورية♥️
#صيدلة_بغداد♥️soon

شلونك استاذ اني من طلابك الي بل يوتيوب واقرة عليك وانتة خوش استاذ بل نسبة الي واتمني اي طلاب انو يقرة عليك بمعنى الكلمة انو انتة كلش خوش استاذ واشكرك جدا . حلمي هندسة نفط

طبعاا استاذ ماعرف شنو احجي بس كلشش شكرا على كلشي وعلى الفيزيا الي ضبطناها بسببك ان شاء الله بيوم النتائج نلتقي ومن المجموعه الطبيه واكون عند حسن ضنك بيه 🥺🤍

مرحبا استاذ
اني روز حيدر طالبتك منذ سنتين
سجلت يمك. من جنت صف خامس ودرس فيزياء السادس. وحبيتها كلش . رغم اني جانت اكثر ماده اكرها لان محد. جان يوصلني المعلومه وهس اني سادس وعلى قريب ابدي اراجع باذن الله اجيك لمعهد واشوفك نتيجتي بمعدل٨٦. ٩٩ وفيزياء ١٠٠ 🤲🏻
اني اشكرك استاذ.

من جزيل نعم الله عليك أن يضع في دربك من يمهد لك طريق العلم وينيره بمصابيح النصح والمشورة وأنت منهم استاذي الغالي، فبعدد حبات المطر وقطرات الندى أعبر لك عن مدى شكري لك، جعل الله ما قدمته لنا زخراً لك في الدنيا والآخرة ❤️🥺
علي السوداني في القلب 😍

الى طلاب البنوك والصليخ :
هـل خُلق الجمال لتختصرهُ أعينكم …
ام أعينكم خُلقت لتقنعني ان لاجمال بعدهـا ❤️
___________________
You Can Do it Believe me 10:26 pm

رح يجي يوم من الأيام تگعدون ساعة ٤ الفجر
وتستغربون شلون گعدتوا هـيچ وقت وحتى
نعاس ماكو وتگعد تراجع آخر مادة ومن تراجع
بس تگلب أوراق هـلگد ماضابط المادة وتسد
الكتاب وتباوع على الغلاف :
" الفيزياء للسادس العلمي "
تبتسم وتباوع على الساعة وتگول حيل الوقت
واگف تروح تحضر نفسك للأمتحان قُرطاسيتك
وتغسل وتصلي وتلبس ملابسك وتمشط شعرك
وتبتسم بالمرآية وتباوع على جدولك الّي كاتبه
على باب غرفتك وأنت حاط على كُل المواد
علامة صح بس الفيزياء تبقى وتطلع من البيت
وتودع أمك وتطلب دُعائها علمود الله يوفقك
اليوم وتكون أسئلة سهـلة وراهـا تصعد بالسيارة
وتطلع من البيت وتشوف الشاوع هـدوء
وماكو أي أحد وراهـا توصل للجامعة او
المدرسة الي راح تمتحن بيهـا ومن فرحتك
بهـذا اليوم بس تريد تطب للقاعة وتطلع على
السريع بس تريد تخلص من السادس
وراها يجون المراقبين يبلغون الطلاب يدخلون
للقاعات وتدخل وتگعد ويبدي المراقب يوزع
الدفاتر ويوصل الدفتر الوزاري تشوفه وتلزمة
وتكتب كامل معلوماتك ( الاسم والمحافظة
والرقم الامتحاني والمدرسة والعام الدراسي
والمادة والدور ) للمرة الأخيرة وراها تنتظر ٥
دقائق علمود يبدون يوزعون الأسئلة وتظل تقرأ
آيات وتدعي وانُ تكون أسئلة سهـلة ويبدي
المراقب يوزع أسئلة وتوصل ورقة الأسئلة
عندك وتغمض وتسمي " بسم الله "
وراها تشوف الأسئلة سهـلة وكُلش بسيطة وهـنا
رح يصعد عندك الادرينالين بجسمك وجسمك
يفرز هرمون السعادة وتبدي تحل وعلى السريع
تخلص وراها تبدي تراجع سؤال سؤال
( مرة مرتين ، ٣ مرات ، ٤ مرات ) وهنا رح تبدي تترد تسلم الدفتر أو لا وراها تغمض عينك وتگول اني سويت الّي علية وتسلم الدفتر
وجسمك كامل يرجف من الخوف والفرحة
بنفس الوقت وراها الطلاب الي موجودين
بالقاعة يگومون يطلعون وياك وتشوف اصدقائك برا وبدال ماتناقش وياهم الاجوبة مثل كل مرة يبدي واحد يحضن الثاني
وواحد يگول الثاني چانت تجربتي حلوة وياك
وتبدون تضحكون وتصورون ذكرياتكم على الموبايلات وراها تظل صافن معقولة السادس
خلص معقولة هاهية ماكو بعد معاهـد ماكو
مدارس وتدمع عينك من الفرحة من
تتذكر كل لحظة تعبت بيهـا

وراها ترجع للبيت وتبدي عندك فترة التوتر والقلق والخوف من النتائج واحياناً تحلم كوابيس انُ انت رسبت او طلعت معدل قليل
وما حققت حلمك وهاي الفترة جداً عادية يمر بيها كُل طالب فشي كُلش طبيعي جداً
وبعدهـا يطلع خبر على قنوات التليگرام انُ نتائج السادس رح تنشرها الوزارة بالساعات القادمة ويبدي عندك الخوف والقلق والتوتر
وتظل تدعي انُ تطلع المعدل الي تريدة
حتى تحقق حلمك وراهـا تشوف اهلك
هم مثلك خايفين وقلقين ومتوترين وراهـا
ينشر رابط النتائج ويكون زخم على الرابط ومايفتح وتبدي تتوتر بالزايد وفجأة ينفتح الرابط وتبدي تدور على مدرستك ويفتح الملف وتدخل تدور على أسمك وتشوف أسمك الثلاثي ويطلع معدلك ٩٩،٨٦ وهـنا تبدي دموع الفرح والهلاهل والچكُليت والاتصالات والناس تبارك الك وأنت تظل مصدوم هذا واقع او حلم

نعم عزيزي هذا واقع ولاتسمي حلم تگدر توصل الة خليك قوي وادرس زين ورح
توصل لهـاي اللحظات بأذن الله تعالى ❤️
___________________
You Can Do it Believe me 2:05 am

إن الأملَ ينبعُ من داخلنا و من تفكيرنا الإيجابي.
___________________
You Can Do it Believe me 4:42 pm

#blessed_Friday

سأحبك وأكتبُ عنك حتى ينام قلبي للأبد وسأكون الأمان الذي لايتخلى عنك يوماً لقد سرقتُ عيناك قلبي أراك جزء من قلبي لا أنتهـي منه أحببتكُ بقلب لا يريد فقط ان تكون لهُ ولو أصدرت كتاباً ستكون عنوانهُ أحببت كُل شيء قد يجمعني بكَ منذ البدء وحتى اليوم أنتَ في قلبي .

استاذي جميل حرررفيا ماعرف شكتبلك غير انو أنت جنت من ألطف أستاذه الي وراح تبقى 🖤 كلش راح اشتاق لمحاضراتك وللمساعدين ♥️ حتى راح اشتاق اسمع منك شكد تحجن بنات عمران 💔
وأن شاء الله ميروح تعبك هيج ويانه مثلما دخلت تمهيدي وجنت قاريه فصلين بس وجبت درجه زينه لان جنت كلي ثقه بيك أن شاء الله بالوزاري ارفع راسك
واخليك تفتخر بيه♥️
وشكرا عل كلشي قدمته النه♥️

حلمي صيدليه 2022♥️

استاذ علي اكثر استاذ راح نشتاقلة واحلى محاضرة هي محاضرتة ان شاء الله نفرحك بمعدلنا العالي ودرجاتنا العالية وال١٠٠ بالفيزياء مضمونة اكيد 🖤🖤🖤🖤😩

السلام عليكم استاذ علي السوداني
بفضل الله وبفضل جهودك معنا
الحمد كملنا منهج الفيزياء وياك
كانت سنه جميله وبيها ذكريات
مع اخواني الولد و اخواتي البنات
لكن راح اوعدك وعد ان شاء الله يتحقق
تذكر في بالك
الطالب (حسنين علي وناس)
طالب في كلية الطب
وان شاء الله يوم النتائج
اذكرك استاذي وارسلك نتيجتي 100 بالفيزياء
شكرا من القلب 💜💜💜💜💜💜💜💜💜

اهلاً استاذ
حنشتاق لمحاضراتك رغم ان اني الاخيرات محضرت بيهم وجان شي صعب ادرس فيزياء ويه العربي واني منهج انكليزي لكن فعلاً حبيت المادة وساعدتني هواي بالملازم والوزاريات ومقصرت وياي وسهلت امري بالفيزياء رغم ان جان شي صعب عليه ..
شكراً على كل جهودك ويانا و ان شاء الله جايبة الـ ١٠٠ بالوزاري
الحلم: صيدلة