أكثر استاذ لطيف حرفياا خليتنه نحب الفيزياء ومحاضراتك الي متنمل ابد وان شاء الله اكون گدها واطلع الدرجه الي متوقعها مني🥺✨💛
2022/4/21 الخميس ✨

سلام عليكم طبعن اجمل استاذ واحسن استاذ بينما احسك اخوي. وصديقي. قبل الاستاذ اشكرك على كل شيء وما قصرت ويانه شكراً من القلب ❤️👉

هلو استاذ علي 💗
طبعا ما اعرف شلون اشكرك ع كلشي سويته ويانه والحمدلله باجر ح نكمل المنهج شكرا لان خليتني احب الفيزياء حرفيا اسهل ماده عندي هيه صارت 🦦💗 انشالله نجي ونفرحك بدرحاتنه 🤍💜
الحلم :صيدله 👩‍⚕💊

استاذي شكرا ع كلشي وشكرا لانو خليت هذا عيد ميلادي مميز بكومه ذكريات ان شاء الله اخليك تفتخر بيه واحقق حلمي وادخل الصيدله وجامعه بغداد❤️✨

اشكرك استاذي المعدل ربي يوفقك ويجعلها من ميزان حسناتك وان شاء الله نفرحك بيوم الوزاري
وما يضيع الك كل تعب يا رب ❤❤❤❤

استاذ علي مهكر الفيزياء استاذ مبدع وتبسط الماده بطريقه كلش حلوه وترتيبك للمحاضرات ابداع والكادر حلو منظم💕💕💕
طالبه_تطبيقي💕 احب التصميم والديكورات
و الهندسه ان شاء الله اطلع معدل ودرجات حلوه وافرح أهلي وأساتذتي💞
يارب المعدل العالي الي والكل طلاب العراق💕🙏🏻


#حلمي_هندسه_معماري💕🏘🌆

مرحبا ☺️ ، اني تقى عادل 🤍

ويمكن اني اكثر شخص ممنون من استاذ علي لـ هواية اسباب اولهن انه هو الهمني وخلاني اعرف اني شنو اريد اصير والنجاح طريق اگدر اوصل لـ نهايتة اذا مشيتة صح 🤍

استاذي و قدوتي ، شكراً من القلب لـ كونك سهلت و يسرت علينة هواية اشياء صعبة

شكراً لانك تحسسنة انت ويانة بكل لحظة ومرح تعوفنة ..

ان شاء الله السنة الجاية هيچ وقت اجي و اگلك هاهية صرت مترجمة 🤍

دخلت عند مدرسين بـ مواد السادس بس بصراحة استاذ علي چان صديق اكثر مما هو استاذ بحيث لما ينصحنة نحسهة من الگلب وناخذ بـ نصيحتة

وتذكر جملتي استاذ ، مثل الريال انت ، تعوفهم يحچون ويحچون بالاخير انت وبس بـ اعلى القمم ..🤍

شكراً لكونك صرت احلى و اريح جزء بهالمرحلة المتعبة هاذي و ان شاء الله نردلكياهة ونبيض وجهك 🙏🏻🤍

والله احلا ايام عشناهه بالمعهد وياك استاذ 😘

السلام عليكم شلونك استاذ اني مكدرت اجي اليوم وأودعك بس حاب اكلك كلمة اخيرة والله انت مقصرت ابد ولا خليتنا نحس بصعوبة واكلك ربي يوفقك وانشاء لله اعلى واعلى نشوفك وانت ما عاملتنة كأستاذ عاملتنة كأخد وصديق وربي انشاء لله ايوفقك ويشوفك كل خير تحياتي الك يا حبيبي ❤️❤️❤️❤️

ان شاء الله انحقق الحلم هندسة النفط حتة نرفع راسا امي وابوي و اهلني وتعبهم ميضيع ان شاء الله

اللهم اسئلك التوفيق لنا ولجميع الطلبة ."'

الطالب : احمد محمد عبد

اسلام عليكم
استاذ حابه اشكرك عل شرحك وكفتك وي طلابك
والله العظيم انه جنت دائما اجيب 45من 100بل سنة الاولى عدت سنه ودرست عل ملزمتك
بلله الكريم جبت اول متحان 80
ثاني متحان 92
انوب استمريت عل ملازمك كمت اجيب درجات كامله الحمد الله هاذ كله بفضل الله وبفضلك

وحلمي هوة صيدله وان شاء الله احققه

حتى خاف تصخن او تتمرض 😂 انه بلخدمة
يارب التفوق والنجاح الدائم 🤲🏻

محمد باقر كزار عايد سنه وان شاء الله حلمي طب اسنان لو صيدله وارفع راس ابوي وامي
وبلأخير الكاتبه ربك يصير
واشكرأ❤️

ماعرف شكول استاذ بس كلشي اكوله قليل بحقك ماقصرت كفيت ووفيت الله يوفقك ان شاء الله الحلم (طيار) ان شاء الله

طالبه الكتروني
شكرا استاذ لان انته ويانه بكلشي ودائما ترد علينه واي شي نحتاجه ممحسسنه انو احنه الكتروني وتحسسنه دائما انو انته ويانه جنت ماكدر اقره الفيزيا ولااحبه بس وياك حبيته وانشاءالله درجه عاليه بيهه موبس الفيزياء جنت تهتم لكل المواد وتسوينه جدول للتراكمات وماعفتنه محتارين انته سندنه وجنت محفزنه ❤شكرا شكرا من كل كلبي
الحلم :طب أسنان 🥺❤وإنشاء الله اجي واني محققته لان احنه طلابك واحنه كدها وكدود 🤍

استاذ ماعرف شحجي بس كلش اشكرك عله تعبك ويانه وانشاءالله نجيب درجات حلوه وتفرح بينه جنت اقره عليك من صف ثالث متوسط وصرت سادس دخلت يمك وابد متندمت حرفيا احسن استاذ اتذكر بلبدايه كلت شوكت نخلص ورانه طريق طويل وهسه احنه ختمنه المنهج وخلصنه واحس شبسرعه مشت الايام مباقي شي على الامتحانات بس يارب انشاءالله اجي بيوم النتائج واكلك استاذ جبت ال ١٠٠ بالفيزياء😭💗💗.

السلام عليكم
الى الاستاذ القدير المحترم . علي السوداني.
أودُ أن اشكُرك على كُل ما فعلتهُ من اجِلنا ..اشكُرك على اعطائنا من وقتك وعِلمكٓ و راحتك ...
كانت ايام وساعات جميلة جداً تعرفت بها على استاذ محترم و خلوق ..ومرت ايامنا بسرعه لم نكن نتخيل أنها سوف تنتهي بسرعه ....والله يا استاذ اني اشعر بغصه في قلبي ..بسبب انه سوف لن نراك ولن نأتي الي محاضراتك التي كنا نأتي اليك ونحن متعبون ولاكن انت كنت تضحكنا و تنيسنا الم التعب ...
وختاما ..ادعي من الله أن يحفظك ويحفظ جميع اقرابك و أن يسعدك دائما وابدا...وان نراك كما نراك كل مره مبتسم وتضحك ..و يا رب إن نراك في أعلى اعلى المراتب ..و يا رب يقدم لك كل الخير .و الاهم من ذالك هو( حسن الخاتمه) ..شكراً جزيلاً ...
مع تحياتي .. سارة
الحلم : يكون معدلي ٩٩ بإذن لله
تعديل : استاذ عليك الله دائما اضحك ..والله ضحتك اجنن😂

السلام عليكم استاذ نشكرك ع تعبك ويانه والحمد الله والشكر الايام عدت ع خير وان شاء الله مابقه شي ع الوزاري حلمي / صيدله
الاسم / محمد كريم گاطع
الذكرى/2022/4 /21

استاذ عليي من اقرب الاساتذة الي واكثر استاذ جان مُساعد النا وچنت النا استاذ وأخ كبير وصديق عظيم وابد مَ تندمت انو سجلت يمك ، وبفضلك اني بالخامس اخذت 100 وانشاءالله هالسنة هم 100 ومضمونه بسببك اكيد وخليت الفيزيا من مادة مُعقدة الى اسهل المواد بالسادس وچانت المحاضرات كلها فرح وسعادة واكثر المحاضرات اللي اتونس بيها وافتهم من اول مرة هي محاضرتك وخفيفة وحلوة من كل النواحي ، وكلش سعيدة ومتأكدة من درجتي بسببك وبسبب شرحك القوي ، يارب نفرحك بأعلى المعدلات واكيد الفضل يرجع الك ولكلامك المُحفز النا بكل مره ، واختيارك للمساعدين چان شي كلش مُفرح النا لان صاروا اخوان واصدقاء كلش مُقربين النا ويساعدونا بكل الاوقات والظروف ، كمية شُكر وحب كبيرة الكم ويارب نفرح بسببك ونفرحك ويانه أُستاذي 💙💙.

استاذ انتِ خليت الفيزياء آحلى مادة ، شكرا ؏ ڪل شي قدمتة النا و؏ التحفيزات إلي تخلينا دائماً نستمر انتَ عظيم

هَندسة معماري 🖤.

استاذي الاحبه هوايه الي محاضراته وقتها بسرعه يمر ومنحس بي جانت محاضراتك خفيفه ومو ممله ابد انت استاذ الي خليتني كلش احب الفيزياء واموت عليها جنت ادرسها بس ماحبها بس وياك لا الموضوع يختلف مانسى شرحك اليسحر 😍
مانسى كلامك ونصائحك انت الوحيد الي اخذ بكلامه واطبقه لان كلامك واقعي كلش😍
انت دائما تنطيني حافز انو اكمل بعد استاذ انت وكفت ويانه بالايام الصعبه مراح انسى كلامك باخر كل محاضره وتشجيعك مراح انسى جو المحاضرات الي جان يخبل

وطبعا شكرا للمساعدين ربي يوفقهك

بالنهايه استاذ ربي يوفقك وشكرا على كلشي قدمته النه وانشالله اجيب 100 بالوزاري وهذا وعد مني الله


حلمي طب اسنان جامعه بغداد بحيل الله