مرحباً استاذ علي اني اريد اشكرك على تعبك ويانه و على النصائح الحلوه و على الذكريات الحلوه الي زرعتها بينه اريد اشكرك لكونك اخ و صديق و اب و مدرس . و وحده من الاشياء الي تعلمتها منك و هي تعد قطره من بحر : ان اكون كما الزئبق علي ان اجمع نفسي عندما اقع حتى ابدأ من جديد …
شكراً جزيلاً للاخ و الاستاذ مصطفى لانه كان خير عون النه برحلتنه و مصايبنه😂 انشالله بهذي السنه يفرحنه بمعدله و قبوله و نفرحكم بمعدلاتنه و قبولاتنه و بطريقه الاستاذ علي انهي كلامي : كانت معكم طالبه علي السوداني مدرس ماده الفيزياء
# جيش_السوداني …
ثواني لحظه بقه شخص مقدمتله شي وهو امرء القيس😂 يي يي لتستغرب استاذ السادس لعب بينه لعب 😂😂
احم احم …
ولو كنت معنا يا امرء القيس طالباً …لألهاك عن ليلى نزول المعدلِ😂
و شكراً …
حلمي هو مهندسه طيران /جامعه بغداد 👷🏻‍♀️✈️✌🏻

مرحبا استاذ💐
أستاذ ﺂنـُُـٰٰٰيہ ادرس ؏ـليـُڪ من الرابع ووصلت للسادس دخلت مدرس فيزيا وكولشي - مـہ افتهمت عليه جنت ارجع منه اقره محاضراتك الي ؏ اليوت بطلت منه ودخلت عندك الكتروني وبفضلك الفيزيا صارت اسهل شي عندي كل مره اريد اراسلك واتشكرك ومتصح الفرصه شكرا الك من كل قلبي ماقصرت ويانه وانشاءالله نرفع راسك كولنه واسفه ؏ الاطاله
++ حلمي صيدله 🥺❤️😿

ان شاء الله نرفع راسك يوم الوزاري استاذ

السلام عليكم استاذي الغالي طبعا الكلام الي اكوله قليل بحقك اني سجلت يمك من شهر ال7 صح اتأخرت بس الحمدلله لحكت ع الماده وحبيت اشكرك كلش ع تعبك ويانا وانت ماقصرت والله وبفضلك اني حبيتها للفيزياء وانشالله اضبطها أكثر ع المراجعه واجيب الدرجه العاليه بالوزاري وارفع راسك وتعبك ميضيع انشالله ويارب موفق بمسيرتك ويه طلابك ❤️

سلام عليكم استاذ 👋


احب اكلك🎉 عاشت ايدك عله تعبك ويانه واني شكد شفت أساتذا مثلك مشفت محاظرتك تختلف عن باقي المحاظرات من اروحلها دائما اتونس وياك واخذ المعلومة بطريقة ترفيهية مو مملة و انت اعز 💙استاذ علية و انشاء الله دائما نبقى على تواصل وارفع راسك بل معدل العالي 💯
واتمنى الك التوفيق 🌹

اول شي خلي ابدي باستاذ علي
ما جنة نعتبرة مجرد استاذ وانما جان اخ و صديق كلش مقرب من عدنا محاضراتة جانت تجنن ضحك و سوالف اذا اني ضايجة ف اتونس بمحاضرة السوداني جان ونعم الاستاذخلانة نحب الفيزيا احب اكولة كلشش شكراااً لان تعبت ويانة و ما قصرت و سويت كل الي عليكك حتبقى بالكلب و ما ننساك وانشالله نفرحك بمعدلاتنا💙💙💚💚


هسةة اجي ع المساعدين كمال و علي
من صدوك هذولي صحيح جنت اضوج منهم بس كلشش لطيفين و صارو النة اصدقاء و اخوان و ما يوم تجاوزو علينة و يخافون علينة و حريصين على مستقبلنة اكثر من عدنة احب اكوللهم شكراً لوكفاتكم ويانة شكرا على حرصكم علينة و شكرااً ع اللحظات الحلوة الي ضحكتونة بيها والله يوفقكم 💚

وانشالله اجي بعد كم شهر واني محققة حلمي

صيدلانـيـة ❤️🥺

شـڪد درسنا وشكد عاشرنا مدرسين وشكد باوعنا وشكد اخذنا نصائح من ناس بَـسہ مو بكد ـالـي شفناه منك بكل الفترة ـالـي قضيناها وياك من خلال معرفتنة بيك 🤍
ـأليــووم المدرس ـالـي يخلي الطالب امامه ويكعد يشرح ويدرس ويحجي وينطي امل من اجل انو هذا الطالب يقرة وينجح ويجيب الدرجة العالية ويفرح بيها هو ٲنـتَ
الك فضل عليه وع كل الطلاب ـالـي درسو عندك وكملو لان مثل ماقريت عليك بالرابع وبالخامس ونجحت
ومن دخلت السادس سجلت عندك جان عندي هدف انو احقق حلمي وهذا شي بفضلك ـالـي هو باقي ايام ؏ـليـهہ ويتحقق انشالله 🤍
ابد ماراح انسه كلامك وتوجهيك اليه لان ٲنـتَ ـأليــووم اكثر من مدرس ومن أخ اليه .
وأذكر دائما !
كلامك الي خلاني مستند بنفسي وقوي طول فترة دراستي…….💚
وحالياً احنه بلشت عدنه ساعة الصفر والعد التنزالي يمشي وبدينة نراجع واحب ـأكلـك استاذ من راح ادخل للامتحان الوزاري وانجح نشالله واجيب معدل بأذن الله راح اجيك واكلك صرت مهندس نفط وحققت حلمي مثل ما وعدتك🤍
طالبك : حسن علي 🙏🏻💙

مرحبا استاذ علي طبعا انت صنعت مني شخص ثاني جنت كولش اخاف انو مانجح بس من دخلت وياك تغلبت ع خوفي ويه نصائحك يارب نكدر نجازيك على تعبك ويانه انت واستاذ مصطفى وست فرح ربي انشاءالله نكدر نفرحك بمعدلاتنه واجيك واني دكتوره اشعه ونرديك تسامحنه ع ايشي بدر منعدنه انت وستاذ مصطفى

أكثر استاذ لطيف حرفياا خليتنه نحب الفيزياء ومحاضراتك الي متنمل ابد وان شاء الله اكون گدها واطلع الدرجه الي متوقعها مني🥺✨💛
2022/4/21 الخميس ✨

سلام عليكم طبعن اجمل استاذ واحسن استاذ بينما احسك اخوي. وصديقي. قبل الاستاذ اشكرك على كل شيء وما قصرت ويانه شكراً من القلب ❤️👉

هلو استاذ علي 💗
طبعا ما اعرف شلون اشكرك ع كلشي سويته ويانه والحمدلله باجر ح نكمل المنهج شكرا لان خليتني احب الفيزياء حرفيا اسهل ماده عندي هيه صارت 🦦💗 انشالله نجي ونفرحك بدرحاتنه 🤍💜
الحلم :صيدله 👩‍⚕💊

استاذي شكرا ع كلشي وشكرا لانو خليت هذا عيد ميلادي مميز بكومه ذكريات ان شاء الله اخليك تفتخر بيه واحقق حلمي وادخل الصيدله وجامعه بغداد❤️✨

اشكرك استاذي المعدل ربي يوفقك ويجعلها من ميزان حسناتك وان شاء الله نفرحك بيوم الوزاري
وما يضيع الك كل تعب يا رب ❤❤❤❤

استاذ علي مهكر الفيزياء استاذ مبدع وتبسط الماده بطريقه كلش حلوه وترتيبك للمحاضرات ابداع والكادر حلو منظم💕💕💕
طالبه_تطبيقي💕 احب التصميم والديكورات
و الهندسه ان شاء الله اطلع معدل ودرجات حلوه وافرح أهلي وأساتذتي💞
يارب المعدل العالي الي والكل طلاب العراق💕🙏🏻


#حلمي_هندسه_معماري💕🏘🌆

مرحبا ☺️ ، اني تقى عادل 🤍

ويمكن اني اكثر شخص ممنون من استاذ علي لـ هواية اسباب اولهن انه هو الهمني وخلاني اعرف اني شنو اريد اصير والنجاح طريق اگدر اوصل لـ نهايتة اذا مشيتة صح 🤍

استاذي و قدوتي ، شكراً من القلب لـ كونك سهلت و يسرت علينة هواية اشياء صعبة

شكراً لانك تحسسنة انت ويانة بكل لحظة ومرح تعوفنة ..

ان شاء الله السنة الجاية هيچ وقت اجي و اگلك هاهية صرت مترجمة 🤍

دخلت عند مدرسين بـ مواد السادس بس بصراحة استاذ علي چان صديق اكثر مما هو استاذ بحيث لما ينصحنة نحسهة من الگلب وناخذ بـ نصيحتة

وتذكر جملتي استاذ ، مثل الريال انت ، تعوفهم يحچون ويحچون بالاخير انت وبس بـ اعلى القمم ..🤍

شكراً لكونك صرت احلى و اريح جزء بهالمرحلة المتعبة هاذي و ان شاء الله نردلكياهة ونبيض وجهك 🙏🏻🤍

والله احلا ايام عشناهه بالمعهد وياك استاذ 😘

السلام عليكم شلونك استاذ اني مكدرت اجي اليوم وأودعك بس حاب اكلك كلمة اخيرة والله انت مقصرت ابد ولا خليتنا نحس بصعوبة واكلك ربي يوفقك وانشاء لله اعلى واعلى نشوفك وانت ما عاملتنة كأستاذ عاملتنة كأخد وصديق وربي انشاء لله ايوفقك ويشوفك كل خير تحياتي الك يا حبيبي ❤️❤️❤️❤️

ان شاء الله انحقق الحلم هندسة النفط حتة نرفع راسا امي وابوي و اهلني وتعبهم ميضيع ان شاء الله

اللهم اسئلك التوفيق لنا ولجميع الطلبة ."'

الطالب : احمد محمد عبد

اسلام عليكم
استاذ حابه اشكرك عل شرحك وكفتك وي طلابك
والله العظيم انه جنت دائما اجيب 45من 100بل سنة الاولى عدت سنه ودرست عل ملزمتك
بلله الكريم جبت اول متحان 80
ثاني متحان 92
انوب استمريت عل ملازمك كمت اجيب درجات كامله الحمد الله هاذ كله بفضل الله وبفضلك

وحلمي هوة صيدله وان شاء الله احققه

حتى خاف تصخن او تتمرض 😂 انه بلخدمة
يارب التفوق والنجاح الدائم 🤲🏻

محمد باقر كزار عايد سنه وان شاء الله حلمي طب اسنان لو صيدله وارفع راس ابوي وامي
وبلأخير الكاتبه ربك يصير
واشكرأ❤️