جانب من ختامية اخر محاضرة مع اخر كروب بنات بزيونة ❤️احبكم وان شاءالله اشوفكم بأحسن الكليات 💙

استاذ اليوم ما شفتك بالاخير بس احب اكول الك شكد انت مميز الي و شكد خليتني احب الفيزياء من الرابع بديت اتابعك و صرت افهم الفيزياء عليك و صرت اعشقها ليهسة و كلش كلش محظوظة انو اني عرفتك و شكد محظوظة انو انت استاذي و دوم تبتسم بوجهي و حرفيا اتمنى اجيك واني ماخذة ال ١٠٠ و اطلع الهندسة و اشكرك على كلشي سويته النا و انت شخص رح تظل للأبد ببالي يا افضل استاذ بالعالم الله يحفظك 💖💖💖

السلام عليكم استاذ
حابه بس اكولك م̷ـــِْن م̷ـــِْن گلبي اكثر ماده اني مطمئنه بيها هي فيزياء كملت وياك يوم بيوم ماتركت ولا يوم مادرست بي فيزياء والحمدالله رَبّـ❤ـيٌ ان شاء •اللّـہ̣̥ تكون نتيجه حلوه وارفع راس اهلي وراسك استاذ ويجي يوم وتشوف انو حققت شي اله معنى جبير بحياتي بفضل •اللّـہ̣̥ و دعاء والدي الي بجنه انشاء الله والدتي ويرجع الفضل الك اكيد استاذ ووعد نكون كدها وتشوفنه ونجيك ب احلى وارقى معدلات 💕

حلمي ..
طب اسنان ان شاء •اللّـہ̣̥ 👧💙

شكرا الك وللمساعدات و الشكر ميوفي بحقك ومقصرت ورحم الله والديك حلمي طب اسنان🥼 انشالله

استاذ علي حبيبي
تبقه بكلبنه ومراح ننساك ابد ❤️🦋
ولا لحظه تندمت عليه من دخلت يمك جنت اخ وصديق قبل لا تكون استاذ الله يوفقك بحياتك وتستاهل كل الخير
انته قدوه ومدرس عظيم مجان اكو قصور من عدكم ابد لا منك ولا من المساعدين
اتمنالك كل الخير يا فيلسوف الفيزياء🤍🦋🙏

استاذ علي انسان عظيم ، طبعاً جنت بالثالث متوسط اقره عَ اليوتيوب وبالرابع وبالخامس همين وجانت اسهل شي عندي الفيزيا بسبب استاذ علي
ومن صرت بالسادس اكيد اروح يم استاذي ، استاذ علي وهم الفيزيا اسهل مادة عندي محاضراتك كلش تونسني وهيَ المحاضرة الوحيدة اللي ما احسها فرض عليه واحبها وكلش احبك تشبه اخويه دائماً اگول لأخويه احس استاذ علي انتَ حتى نفس الحجي ومن تتشاقه ويانه همين فَ دائماً اشوفك اخوية الچبير 🖤 مافد يوم اذيت طالب او طالبة بكلمة كلش خلوق وحباب ، واخر شي اگوله ان شاء الله اجي ورة الامتحانات والنتائج وابشرك بال100 بالفيزيا وبمعدلي اذا الله راد ، ويارب يوفقك ويحفظك ويحفظلك عائلتك الحلوة وربي يبعد عنك كل شر وكل مكروه
شكراً كلششش جبيرة الك لأن مقصرت ويانة ابداً وساعدتنا وحبيتنا واعتبرتنا اخوان وخوات الك ، كلش اشكرك على تعبك ويانه الله يحفظك.

اني طالبتك إللي تمدح بيك دائماً
أمل عادل.

استاذ علي صح جانت بدايتي وياك كصيرا لحد الفصل الثالث بس شحجي قليل بحقك مو استاذ اخ وصديق وصح جنا الكروب الثالث شويه صوت ويحجي بس جنت تتحملنه حتى بدايه المحاضرات تطفى كهرباء لو شغل بلمعهد لمهم جانت شويه ذكريات حلوا تبعت ويانه وحنه هم تعبنه وكل الطلاب تعبو سواء دراسيا نفسيا كلشي بس ربهم ديشوفهم ومينسه احد . وجعفر صح عصبي مرات بس هم كلبه طيب وكمال وردا مال الله جانت سنه حلوا ... امنيتي معدل يفوتني الصيدله عمود بس اهلي يفرحون ماريد شي بعد❤️

السلام عليكم استاذ والله يتقبل ان شاء الله
ممنونين لكل شي قدمتة النة وساعدتنه بالامتحانات والجداول الي اكثر من مرة سويتهة النة
ان شاء الله نرفع راسكم بالامتحانات الوزارية وكل طالب يوصل الى حلمة والي كاتبة رب العالمين
🌿🤍

السلام عليكم استاذ علي طبعا بالبدايه احب اكولك الحمد لله على سلامتك واخو متاذيت هوايه من الرشاش وشفت استاذ كروب البنات شكد حلو خو ما مثل الولد استخفرالله بس اذو عيونك المهم استاذ احب اشكرك على جهودك ويانه شكرا جزيلا محننساك ومحننسه المحاضرة شكرا على الحافز الجنت تقدمه النه شكرا على شرحك شكرا على كلشي تعبت ويانه ومقصرت وانشالله ميروح تعبك سدى ونجازيك بالدرجة التخليك تفتخر بينه 😇😇

حلمي طب عام

طبعا والله استاذ شكد من نحجي عنك قليل بحقك

ونحب نشكركم عله جهودكم ويانا

طب عام

كلش شكراً استاذ الك ولكُل المساعدين الي صراحة مقصروا ويانة ب وكفتكم هاي ونشاء الله نفرحكم ب معدلاتنة
لو كدهة لو تطلع من عدهة ❤️💪

الحلم معدل 98 ان شاء الله 💙

هلاو استاذ طبعاً مااعرف شجحي قليل بحقك طالبتك من الرابع اعدادي جنت ادرس عليك وربي ماندمت ع اختياري من درست عليك لان حرفياً بفضل الله وبفضل كمت احب الفيزياء واجيب بيها درجات والحمدلله بعد ماجنت صفر بيها والحمدلله حالياً طالبة عندك كلش شكراً الك استاذ لان انتَ اكثر استاذ ينطينا طاقة ايجابية ويحفزنا انو نكمل ونواصل شكراً هواي هواي ويارب ان شاءالله نرفع راسك ونجيب درجات عالية وربي يوفقك استاذ
#ابطال السوداني 💛

السلام عليكم استاذ اولا اكول شكرا ع كلشي قدمته النا اني من طلابك الي من رابع يدرسون عليك والحمد الله امتياز بل فيزياء والي جان حلمي ادرس عندك والحمد الله دخلت عندك. وكملت فيزياء وانشالله نجي بعد كم شهر ونكول الك استاذ فيزياء ١٠٠ 🥺❤️
دائما اكول للناس حلمي طب عام وكلها تكول متكدرين لكن راح احارب واخلي كل شخص كال متكدرين. يخجل من نفسه
حلمي طب عام ❤️

استاذ علي السوداني ابو آدم || اخ وصديق ومدرس بنفس الوقت سنتين اني عندك من چنت صف خامس وهـسه صرت سادس ولايوم قصرت ويانه سواء بالمادة او حتى بنصائحك الّي مانلگاها بهذا الوقت شحچي عنك ماتنوصف ، ان شاءالله أطلع بمعدل
الطب عام ( طبّغداد ) وتكرمني رح اعتبرها اسعد لحظة بحياتي ❤️

ان شاء الله اكون من الناس الي يطلعون من الوزاري وجايبين ١٠٠ بالفيزيا لان صدك احبها للماده وفاهمتها شكراً على تعبكم والمساعدين صدك تصحيحهم زين ودقيق ويحاسبون على اقل الاشياء وهذا الشي كلش صح ودائما تعاملهم جان محترم..

هذي الرساله حتكون ذكرى الي واللكم ولكل الكادر احب اشكر استاذ علي على جهوده ويانه وحبه الكبير الي يقدمه النه وتعاونه ويانه وتفهمه وتعامله اللطيف ويالطلاب وعدى شرحه الجميل النه بالمحاضره ويحاول يوصلنه المعلومه من كل قلبه وابد ميمل منه ولا يتعب ولايضوج من اسئلتنه مهما كانت تافه وصغيره وابد ميستهين بالطالب مهما كان مستوى العلمي ضعيف بالعكس يشجعه ويدعمه وينصح الطالب وابد مقلل من شأن الطلاب ولايكلهم كلام سيء حتكون هذي احلا سنه وتستاهل التعب لان من بعدها احلا مكافئ رح نحصلها 🌻💖

مرحبا استاذ 💙
صراحه مااعرف منين ابدي ومااعرف شلون اتشكرك چنت اعاني من الفيزياء واكرها بشكل مو طبيعي وبفضلك حبيتها 💕وصارت اكثر ماده اتونس بيها شكراً الك من صماصيم گلبي🫀 وربي يسعدك وميشوفك غير الخير🙏💞 ويارب اشوفك من الافضل للافضل بهواي مراح ننسى معروفك النه مراح ننسى النصائح الحلوه چنت اخ روحي او صديق قبل لتكون استاذ ان شاء الله نجازي تعبك ويانه بااحسن المعدلات ويارب نرفع راسك
حلمي بيني وبين الله مراح اگدر اكتبه هنا بس ان شاء الله احققه ووكت مااحققه حكتبلك اذا چان هوه فعلاً او لا وشكررااا هواييي 💙🥺

مرحبا استاذ
اني دخلت السادس بين الحلم والحقيقه حته أحقق حلمي واصير دكتوره واحله شي انو اني اول وحده بين عائلتي طالبه سادس وليوم اجيت حته اترك ذكرى وبقت ايام قليله ويقترب الحلم وانشالله يجي ليوم واجي ابشرك واكلك صرت دكتوره طالبتك حوراء ❤️