مساء الخير عليكم أحبتي الطُلاب …

✅خلي أحچي بكم شغلة مُهمة :-
البارحة نزل قرار تكييف المناهج للصف
السادس العلمي وچان جداً مُخيب للأمال
بعد أن عشمت الوزارة الكريمة المُدرسين
والطلاب جميعاً ، وأكو هواي طلاب تدمرت
نفسيتهم وخابت أمالهم وحتى گاموا ما
يگدرون يدرسون بسبب "صدمة التكييف"
والامتحانات ما باقي الها غير ايام معدودة !

📊زين شنو الحل حالياً ؟
- لازم الكُل يتقبل الأمر الواقع والطالب
حالياً يلتفت لدراستة ويضمن النجاح على الأقل بإمتحانات نصف السنة "اللي تحدد الدخول الوزاري" بعد نصف السنة تشد حيلك وعندك وقت كافي ان شاءالله ما نعوفك لا أني ولا أي مُدرس ، إذا الوزارة
ما توگف وياك فـ أستاذك وياك قلباً وقالباً .

🗣️شلون رح تخلص هاي المناهج ؟
- بـ إختصار شديد بالنسبة للتعليم
الحضوري لازم الطالب يتقبل أنُ رح تتضاعف
عليه المحاضرات الأسبوعية بدال محاضرتين
تصير 3 محاضرات (2 حضوري ، 1 الكتروني)
+ ممكن فصل من المنهج يُعطى الكتروني
حتى لا تخلص بوقت متأخر وبالتالي تتأخر
عن وقت المراجعة للأمتحانات الوزارية .

- بـ أختصار شديد بالنسبة للتعليم الالكتروني لازم الطالب يتقبل أنُ رح تتضاعف عليه المحاضرات الأسبوعية بدال محاضرتين تصير 3 محاضرات بالأسبوع الواحد حتى لا تخلص بوقت متأخر وبالتالي تتأخر عن وقت المراجعة للأمتحانات الوزارية .

دائماً أكو حل لا يظل بالك 🤍.

📊ومع ذلك نطلب من وزارة التربية تمديد
السقف الزمني للامتحانات الوزارية وجعلها
بين 15/7/2024 - 20/7/2024 …
لتعويض طلاب هذهِ الدفعة عن التوقفات
والعطل التي حصلت في العام الدراسي الحالي
الذي أدى الى ضيق وقلة السقف الزمني .

✅

أ.علي السوداني
المُدرس الأول والأختصاص في مادة الفيزياء .

0️⃣ الامتحان ... لو كدها لو تطلع من عدها

🟠يشمل نصائح ضرورية لكل طالب تخص شتسوي قبل الامتحان واثناء وبعد وايضاً طرق وامور ضرورية تخص ليلة الامتحان وشلون تقرا بشكل ذكي.

🟠اعداد : كادر السنتر التعليمي

✅ @Santersads28_bot
⭐️ #لــسنتر_السادس
✔️ t.me/santer_sads