المهمات الكلاميات + مسائل :
وزاريات + اسئلة الفصل لكل المنهج

🔹مسائل

🔸الفصل الاول ..
ركزوا على ايجاد ثابت العزل بالتوازي والتوالي
ومسائل دائرة R-C

🔸الفصل الثاني
ركزوا على مسائل الحث الذاتي والمتبادل

🔸الفصل الثالث
ركزوا على مسائل الرنين والتوالي

الرسومات المهمه والمطلوبة وزاريا 🤍

موفقين طلابنا جميعا وان شاءالله باجر نسمع بس الاخبار الطيبة .. اخر شي هسه عوفوا كل الملازم واقروا فقط وزاريات 🤍

رح يجي يوم من الأيام تگعدون ساعة ٤ الفجر
وتستغربون شلون گعدتوا هـيچ وقت وحتى
نعاس ماكو وتگعد تراجع آخر مادة ومن تراجع
بس تگلب أوراق هـلگد ماضابط المادة وتسد
الكتاب وتباوع على الغلاف :
" الفيزياء للسادس العلمي "
تبتسم وتباوع على الساعة وتگول حيل الوقت
واگف تروح تحضر نفسك للأمتحان قُرطاسيتك
وتغسل وتصلي وتلبس ملابسك وتمشط شعرك
وتبتسم بالمرآية وتباوع على جدولك الّي كاتبه
على باب غرفتك وأنت حاط على كُل المواد
علامة صح بس الفيزياء تبقى وتطلع من البيت
وتودع أمك وتطلب دُعائها علمود الله يوفقك
اليوم وتكون أسئلة سهـلة وراهـا تصعد بالسيارة
وتطلع من البيت وتشوف الشاوع هـدوء
وماكو أي أحد وراهـا توصل للجامعة او
المدرسة الي راح تمتحن بيهـا ومن فرحتك
بهـذا اليوم بس تريد تطب للقاعة وتطلع على
السريع بس تريد تخلص من السادس
وراها يجون المراقبين يبلغون الطلاب يدخلون
للقاعات وتدخل وتگعد ويبدي المراقب يوزع
الدفاتر ويوصل الدفتر الوزاري تشوفه وتلزمة
وتكتب كامل معلوماتك ( الاسم والمحافظة
والرقم الامتحاني والمدرسة والعام الدراسي
والمادة والدور ) للمرة الأخيرة وراها تنتظر ٥
دقائق علمود يبدون يوزعون الأسئلة وتظل تقرأ
آيات وتدعي وانُ تكون أسئلة سهـلة ويبدي
المراقب يوزع أسئلة وتوصل ورقة الأسئلة
عندك وتغمض وتسمي " بسم الله "
وراها تشوف الأسئلة سهـلة وكُلش بسيطة وهـنا
رح يصعد عندك الادرينالين بجسمك وجسمك
يفرز هرمون السعادة وتبدي تحل وعلى السريع
تخلص وراها تبدي تراجع سؤال سؤال
( مرة مرتين ، ٣ مرات ، ٤ مرات ) وهنا رح تبدي تترد تسلم الدفتر أو لا وراها تغمض عينك وتگول اني سويت الّي علية وتسلم الدفتر
وجسمك كامل يرجف من الخوف والفرحة
بنفس الوقت وراها الطلاب الي موجودين
بالقاعة يگومون يطلعون وياك وتشوف اصدقائك برا وبدال ماتناقش وياهم الاجوبة مثل كل مرة يبدي واحد يحضن الثاني
وواحد يگول الثاني چانت تجربتي حلوة وياك
وتبدون تضحكون وتصورون ذكرياتكم على الموبايلات وراها تظل صافن معقولة السادس
خلص معقولة هاهية ماكو بعد معاهـد ماكو
مدارس وتدمع عينك من الفرحة من
تتذكر كل لحظة تعبت بيهـا

وراها ترجع للبيت وتبدي عندك فترة التوتر والقلق والخوف من النتائج واحياناً تحلم كوابيس انُ انت رسبت او طلعت معدل قليل
وما حققت حلمك وهاي الفترة جداً عادية يمر بيها كُل طالب فشي كُلش طبيعي جداً
وبعدهـا يطلع خبر على قنوات التليگرام انُ نتائج السادس رح تنشرها الوزارة بالساعات القادمة ويبدي عندك الخوف والقلق والتوتر
وتظل تدعي انُ تطلع المعدل الي تريدة
حتى تحقق حلمك وراهـا تشوف اهلك
هم مثلك خايفين وقلقين ومتوترين وراهـا
ينشر رابط النتائج ويكون زخم على الرابط ومايفتح وتبدي تتوتر بالزايد وفجأة ينفتح الرابط وتبدي تدور على مدرستك ويفتح الملف وتدخل تدور على أسمك وتشوف أسمك الثلاثي ويطلع معدلك ٩٩،٨٦ وهـنا تبدي دموع الفرح والهلاهل والچكُليت والاتصالات والناس تبارك الك وأنت تظل مصدوم هذا واقع او حلم

نعم عزيزي هذا واقع ولاتسمي حلم تگدر توصل الة خليك قوي وادرس زين ورح
توصل لهـاي اللحظات بأذن الله تعالى ❤️
___________________
You Can Do it Believe me 2:05 am

العُظماء دفعة 2022 ..

اسئلة الفيزياء للاحيائي اليوم ..
ليست بالصعبة ولا بالمتوسطة
الاسئلة مركزة نوعا ما ..
الدرجة من 90 الى 100 واردة جدا لكن بتركيز

طلاب وطالبات التطبيقي …

الفصل الرابع التطبيقي والتاسع التطبيقي گلب باسئلة الفصل + وزاريات بس

اما الباقي امشي عليه كامل ورح انزلك بالليل ٣ نماذج شوامل اذا تحلهن تاخذ ١٠٠٪؜

بسم الله الرحمن الرحيم
الى معالي وزير التربية السيد علي الدليمي المحترم
السلام عليكم ورحمة الله وبركاته وبعد:

م/ مناشدة

عممت وزارة التربية كتابها الرسمي المرقم

9/1 / 26027 بتاريخ 3-8-2022

حيث قررت ايقاف العمل بتكييف المناهج
ولهذا القرار الاثر الكبير على طلاب السادس اعدادي للعام 2022-2023 على وجه الخصوص لأسباب كثيرة نذكر منها :

1-ان الطالب لم يدرس منهج الثالث متوسط وتم ترحيله الى الرابع اعدادي

2- لم يُكمل الطالب مرحلة الرابع الاعدادي وتم ترحيلهم بدون امتحانات الكورس الثاني

3- درس الطالب مرحلة الخامس بحسب التكييف المقرر سابقاً

ومن خلال ما تقدم نرى ان الطالب لديه ثغرة كبيرة في المعلومات والاساسيات اللازم دراستها في المراحل السابقة
وعليهِ نطلب من وزارة التربية وعلى رأسها معالي وزير التربية المحترم
اعادة النظر في قرار ايقاف التكييف
لطلاب السادس والنظر اليهم بروح الابويّة التي نعرفها من معالي الوزير وقراراتهِ السابقة التي صبّت لصالح الطلاب ، كما ويمكن الغاء التكييف لكافة المراحل مع الابقاء عليهِ لمرحلة السادس لهذا العام
وبهذا يتم سد الخلل والثغرات للطلاب في بقية المراحل ونجاحهم بمعلومات كاملة بدون ثغرة ونقص في المادة العلمية
مع فائق الشكر والتقدير.

الحاجة ام احسان امي التي لم تلدني .. من عدها تعلمت كل تفاصيل الحياة . على اديها تربينا اني واخوتي وعمامي اعتبرتنا مثل ولدها اديها كل ساعة مرفوعة النا بالدعاء . تقطع من نفسها وتنطينا وتنتظرنا يوم يوم نكبر كدامها . ام ولدت سبع اولاد وبنت خرجت منهم ثنين اطباء وثنين ضباط وثلات مدرسين ومهندس ..
ام احسان بيبيتي ام ابوية امي الثانية خلصت حياتي كلها يمها وصارت الية اكبر سند بالحياة هيه مصدر قوتي ومصدر ضحكتي الطاقة الايجابية الكاملة .. ام احسان مثل ما انطت لولدها (عمامي) انطتنا واكثر وكانت تفرح فرحنا وتحزن على حزنا .. ام احسان كل العوائل المتعففة واهل الايتام والدخل المحدود يحبوها اديها دائما مفتوحة ابد منسدت ..
امي ام احسان اليوم تمر بوضع صحي محرج ومحتاجين دعائكم الها.

هذا المنشور 👆🏼قبل سنتين بالضبط وبعدها بأربع ايام
ومثل هيج يوم وهيج وقت اتوفت اغلى انسانة على قلبي واليوم الذكرى السنوية الها ..

طلاب السادس تدرون شنو مال اسوي
الكم مراجعة دور ثاني لكل المواد 🌝🫀..

يمكن باچر تبدي 😎🙋🏻‍♂️
بس كملوا التصويت الجوة واشوف العدد