وصراحه هذا اللقب يليق بيك أستاذ

أطمح بالصيدله وبالجامعه الامريكيه

وان شاء الله

لجهدك وياي

أحقق هذا الطموح والحلم

أستاذنه الغالي واجمل وأروع واحسن ستاذ بلدنيا كلها ربي لا يحرمنه منك لين انته سبب رسم سعاده كلش جبيره نزرعت بداخلنه كل هاذ الشي بفضل تعبك بفضل حرصك علينه واني هاي ما راح اسميه وداعيه لين منكدر نودعك ودائما نبقه عله تواصل وياك وللابد واني اول الناس (الاستاذ علي سوداني هو أحد أسرار النجاح )
ونشالله لامنية الي يتمناها كل طالب ولاهل المعدل العالي لجميع طلاب العراق.

Being good is not success, but when you fall many times and come back and stand up and advance the chasm of success itself

تُحًيآتي مًسلم♥
2022/4/22
ختامية مادة الفيزياء

ووصفك فاق وصف الواصفينا فلم نبلغ مدى لك في الاعالي
وكم علمتنا الحق المبينا فلولا نور علمك ما اهتدينا ولولا غيث فضلك ما روينا نزلت بمنزل الارواح مناً
.------------------------.

على نواصي الامل ترسوا سفينتهُ ..جَعلنا نؤمنُ إنَّ الظلام يُجابهُ الصباحُ فيدفعهُ ..وإنَ النجاح عاكف في زوايا الفشل ..وإنَ الشدةَ ما استطالت يوماً إلا وذرتها رياحُ الرخاء.. امسكَ بيدنا وقادنا الى طريق النجاح طريقٌ يعلم الله كم ذبُلت بيهِ ارواح وانصهرت لهُ اجسام ولم يُفلت تلك الايادي الا بعدما اوصلها الى القمه حيثُ لذة الوصول انستهم كل ما اتعبهم وانهكَ ارواحهم فكان لهم ك "ملاكاً سماوياً" استاذي الغالي
صارلي ساعة اريد اجمع كلمات تعبر عن مدى احترامي وتقديري وشكري وحبي الك مدا الكة …
شكرا من القلب على كل شي شكرا لكونك القدوة والسند والقوة ان شاء الله تكون طول العمر بخير وبصحة بسلامة
اخيرا دعواتك النا بالمعدل العالي
حلمي انو اكون دكتورة

شكرا لتعبكم ويانه وان شاء الله نرجع ورة الامتحانات ومحققين احلامنا ان شاء الله
‏﴿ ولسوف يعطيك ربك فترضى ﴾
اللهم أدهشنا بعطائك🌿💜.يارب ♥️ ♥️

طلاب الاستاذ علي السوداني ☺️♥️

اسستاذ علي سوداني حرفيا من احسن واكثر المدرسين الي يشرح وشرحة يجنن ومحاضراته حلوووة رغم بيها طويله بس حلووه والشرح وملزمتة الي بعد احلا وكولشي بيها صح اني ح اعيد السنه والله مقسملي اطلع معدل بس ح ابقه ادرس عليه لان هوه احسن مدرس ولازغرن ب مدرسين البقيه بس بنسبه الي استاذ علي من احسن مدرسين فيزياء معنو فيزياء عقدتي بس حبيتها بسببه وان شاء الله اطلع معدل سنه التجي واكلك أستاذ طلعت ب فيزياء 100 لان هاي سنه مالله قسملي بيها وحلمي طب العام ،🥺🫂شكرا استاذ ع مجهودك وتعبك ويانه

وشكرا للمساعدين الي وياك استاذ واسفة اذا فد يوم قصرت ب امتحان وماامتحنته بس لانو جان عندي ضروف ومنا حاعيد سنة كلت كدامي هواي وايام واكدر احقق الي اريده بفضل اللة ومساعدكم وتعبي 🦋🦋

واحب اكول ل كل طالب لاتيأس حته لو عدت السنه ثق ب الله حيكون عوض الله احلا من شي الي تمنته بس ابقه مصر ع حلمك وعندك عزيمه وثقه بنفسك حتوصل لحلمك اذا مو اليوم باجر وبدال مجان حلمك 99 خلي 100 وابني نفسك من جديد وحاول مره وثنين لمن توصل للشي تريده ورب العالمين موجود ومراح يضيع تعب احد حشى لله اهم شي داىما تحمد اللة حته ع مصائب وع مشاكل الي تصير لانو بلنهايه كلها خير واختيارات رب العالمين احسن من ختياراتنه

يعجز اللسان عن وصفك وكل كلمة بحقك هية لا شي اكلك انتة احسن استاذ هية قليلة تنطي المادة حقهة وزيادة هم قليلة اتحب الطلاب هم قليلة جنت كلش قريب النة وابد ما حسستنة احنة طلاب ومدرس جان كل شي جميل وياك تركت اثر طيب بحياتنة صدك بجيت لان راح اترك المحاضرات جنت ما اتمنئ هذا اليوم يجي لان ما جنت اريد اتخيل واحنة اخر يوم وياك لكن شائت الاقدار واجة اليوم الي تودعنة وتنهي المنهج ويانة جنت اجمل استاذ اتمنئ من ربي العالمين يرزقك كل ما تتمنئ وجنت احلة دافع النة انشاءالله يجي يوم ونفرحك بالدرجات الي ترفع راسك وراسنا
🌹🌹🌹
Dr, Rand
Aljbouriy
طب عام
🌹🌹

استاذ علي ……حرفياً مو اي واحد يجي يكول اني استاذ مو اي احد يستحق هذا اللقب مستحيل انسه تعبك ويانه وحرصك علينه يمكن انتَ الاستاذ الوحيد الي امشي وره كلامة واني مغمضة ومطمئنة ….اكثر مادة ما اعاني منه الفيزياء واكثر مادة احبه محاظرات الفيزياء عبارة عن طاقة ايجابية صدك الانسان الي يحب مهنته يبدع بيه وما اعتقد اكو مدرس فيزياء بعد احسن منك حرفياً (ملك الفيزياء )……….چنت النه اخو وصديق قبل لتكون استاذنه
شكراً على كل شيء مراح ننساكم ابد

الحلم /صيدلة 🩺💕

مرحبًا استاذ ، طبعًا صارلي كم يوم مترددة اكتب لو لا ، كنت اكره الفيزياء حيل بس من صرت خامس و قبل يوم من اختبارات نصف السنة فتحت اليوتيوب و درست على في فيديوهاتك و جبت 96 وانا ما دراسه عدل فمن وراها قررت ادخل يمك و ماخاب ظني حبيت الفيزياء بسببك شكرًا الك هواي وقفت ويانه وساعدنه من بداية الدورة لليوم و بعدك ويانه خليتنا نضبط الفيزياء و بأذن ربي ما يخيب ظنك بينا، و ان شاء الله اطلع الدرجة الي ترفع راسك مره ثانية كل الشكر الك و للمساعدين 🍀 . صح ما عندي فد حلم ببالي بس اريد اجيب معدل حق تعبي كل هالسنين و تعبك ويانه كل الشكر والحب استاذي🤍.

جان اليوم اخر يوم محاضرات واخر يوم فيزياء 🤍 حرفياً جانت الطف محاضرة نحضرها نتونس ونسولف بدون ضغط علينا والحمدلله قبل منراجع ونحس مضبطين .. ان شاء الله ياربي نجيب درجات عالية ومنروح تعبنا وتعبكم ويانة وجد جنت الطف استاذ والطف مساعدين وكفتوا وياية خصوصاً من فترات اجت غبت بيها هواية محاضرات بسبب ظروف 🤍 حلمـي كلش طب اسنان وان شاء الله السنة الخ ارجع اقرة المسج وادعيلكم لان جنتوا جزء من تحقيق حلمي وربي يوفقكم ويبعد عنكم كل مكروه 🤍🤍

السلام عليكم استاذ
صراحة ما اعرف شحچي و شگول
شكراََ كلش هواية ع تعبك ويانة 💛
و كلش راح نشتاقلك و نشتاق للايام الحلوة گضينة سوة احلا ايام و احلى سنة دراسية مرت بحياتي 🌹💛💛
كلش فرحان و حزنان بنفس الوقت

صراحة ما اعرف شلون اعبر و قليل بحقك كل الكلام 💛 شكراََ ع كل شي 🌹💛
و شكر للمساعدين الي چانوا النة اخوة و اصدقاء قبل ما همة مساعدين 💛💛

ولو رحلتنة التطبيقي بعدهة مخلصانة وياك 🌚💛
حلمي اكثر من شغلة ببالي و ممحدد لحد الان بس ان شاء الله معدل فوگ 85 🌹

استاذ انتَ احلى استاذ واحلى شي بصراحه مقصرت ويانه بكلشي والوحيد الي محلل فلوسه بلتدريس وزايد لله يوفقك ويحفظلك الجهال وتشوفهم ب اعلى متسوى واحب اشكر كمال الي ساعدنه بكلشي ومشفنه منه شي محلو جان اخ لكل لطلاب

استاذ علي استاذي واخويه وصديقي🤍 من الطف الناس التعرفت عليهه كلش اشكرك مقصرت ويانه ابد ويارب نرفع راسك ونفرحك بمعدلاتنه
اما المساعدين اخوتي واصدقائي كمال وعلي و احمد 🤍كلش اشكركم عل وكفتكم وتحفيزكم الي مقصرتوا ويانه
حلمي انو ادخل مجموعه طبيه واتمنى
اكون صيدلانيه ❤️❤️
Dania Raad
2022/4/22❤️

ابو ادم الذهب اكثر استاذ احبه وولا مره ضربت محاضره من محاضراته فد انسان راقي وخلوق ومُحب للطلاب والطلاب كلهم يحبو🤍.
فد انسان كلبك طيب ومتشيل ؏ـلى واحـد ومحسسنا كأنما اخونه الجبير مو بس مدرسنه شقاك وميانتك ويانه متحسسنا انو احنا يم مدرس لا بالعكس ثق بالله انت ومساعدينك الورود صرتو شي جبير بحياتي وتركتو بصمه اكثر من اي مدرس ثاني محاضراتك حلوه وونسه ومفديوم قصرت ويانه وانت بنفسك اذا حسيت انك قصرت شويه بواحد من المواضيع تاخذنه اضافيات حتى تعوضنا تسجيلي يمك صدفه وصارت من احلى الصدف واحلى المحاضرات واكثر ماده محبوبه عندي هسه هيه الفيزياء بسببك اللـه يحفظك ويطول بعمرك وينطيك الصحه والعافيه اخي واستاذي🤍🤍.
الحلم:هندسة طيران🤍✈️

استاذ كلشش شكرا ع تعبك ويانه خاصه احنه الالكتروني هللسنه تعبناك بس تحملتنه وتعبت ويانه ومقصرتت ابد وشكرا ع كل كلمه حلوه .. ردت اسجل من بداية سنه وياك بس ملحكت😭🥺 والحمدلله لحكت ع كورس ثاني وسجلت وي احسن استاذ حبيت الفيزياء بسببك ..
شكد جربت ادرس ع استاذ غيرك بس مفهمت ع غيرك ابدد الله يخليك ويحفظك 🥺❤️❤️❤️
#طب_ تخدير❤️