من جزيل نعم الله عليك أن يضع في دربك من يمهد لك طريق العلم وينيره بمصابيح النصح والمشورة وأنت منهم استاذي الغالي، فبعدد حبات المطر وقطرات الندى أعبر لك عن مدى شكري لك، جعل الله ما قدمته لنا زخراً لك في الدنيا والآخرة ❤️🥺
علي السوداني في القلب 😍

الى طلاب البنوك والصليخ :
هـل خُلق الجمال لتختصرهُ أعينكم …
ام أعينكم خُلقت لتقنعني ان لاجمال بعدهـا ❤️
___________________
You Can Do it Believe me 10:26 pm

رح يجي يوم من الأيام تگعدون ساعة ٤ الفجر
وتستغربون شلون گعدتوا هـيچ وقت وحتى
نعاس ماكو وتگعد تراجع آخر مادة ومن تراجع
بس تگلب أوراق هـلگد ماضابط المادة وتسد
الكتاب وتباوع على الغلاف :
" الفيزياء للسادس العلمي "
تبتسم وتباوع على الساعة وتگول حيل الوقت
واگف تروح تحضر نفسك للأمتحان قُرطاسيتك
وتغسل وتصلي وتلبس ملابسك وتمشط شعرك
وتبتسم بالمرآية وتباوع على جدولك الّي كاتبه
على باب غرفتك وأنت حاط على كُل المواد
علامة صح بس الفيزياء تبقى وتطلع من البيت
وتودع أمك وتطلب دُعائها علمود الله يوفقك
اليوم وتكون أسئلة سهـلة وراهـا تصعد بالسيارة
وتطلع من البيت وتشوف الشاوع هـدوء
وماكو أي أحد وراهـا توصل للجامعة او
المدرسة الي راح تمتحن بيهـا ومن فرحتك
بهـذا اليوم بس تريد تطب للقاعة وتطلع على
السريع بس تريد تخلص من السادس
وراها يجون المراقبين يبلغون الطلاب يدخلون
للقاعات وتدخل وتگعد ويبدي المراقب يوزع
الدفاتر ويوصل الدفتر الوزاري تشوفه وتلزمة
وتكتب كامل معلوماتك ( الاسم والمحافظة
والرقم الامتحاني والمدرسة والعام الدراسي
والمادة والدور ) للمرة الأخيرة وراها تنتظر ٥
دقائق علمود يبدون يوزعون الأسئلة وتظل تقرأ
آيات وتدعي وانُ تكون أسئلة سهـلة ويبدي
المراقب يوزع أسئلة وتوصل ورقة الأسئلة
عندك وتغمض وتسمي " بسم الله "
وراها تشوف الأسئلة سهـلة وكُلش بسيطة وهـنا
رح يصعد عندك الادرينالين بجسمك وجسمك
يفرز هرمون السعادة وتبدي تحل وعلى السريع
تخلص وراها تبدي تراجع سؤال سؤال
( مرة مرتين ، ٣ مرات ، ٤ مرات ) وهنا رح تبدي تترد تسلم الدفتر أو لا وراها تغمض عينك وتگول اني سويت الّي علية وتسلم الدفتر
وجسمك كامل يرجف من الخوف والفرحة
بنفس الوقت وراها الطلاب الي موجودين
بالقاعة يگومون يطلعون وياك وتشوف اصدقائك برا وبدال ماتناقش وياهم الاجوبة مثل كل مرة يبدي واحد يحضن الثاني
وواحد يگول الثاني چانت تجربتي حلوة وياك
وتبدون تضحكون وتصورون ذكرياتكم على الموبايلات وراها تظل صافن معقولة السادس
خلص معقولة هاهية ماكو بعد معاهـد ماكو
مدارس وتدمع عينك من الفرحة من
تتذكر كل لحظة تعبت بيهـا

وراها ترجع للبيت وتبدي عندك فترة التوتر والقلق والخوف من النتائج واحياناً تحلم كوابيس انُ انت رسبت او طلعت معدل قليل
وما حققت حلمك وهاي الفترة جداً عادية يمر بيها كُل طالب فشي كُلش طبيعي جداً
وبعدهـا يطلع خبر على قنوات التليگرام انُ نتائج السادس رح تنشرها الوزارة بالساعات القادمة ويبدي عندك الخوف والقلق والتوتر
وتظل تدعي انُ تطلع المعدل الي تريدة
حتى تحقق حلمك وراهـا تشوف اهلك
هم مثلك خايفين وقلقين ومتوترين وراهـا
ينشر رابط النتائج ويكون زخم على الرابط ومايفتح وتبدي تتوتر بالزايد وفجأة ينفتح الرابط وتبدي تدور على مدرستك ويفتح الملف وتدخل تدور على أسمك وتشوف أسمك الثلاثي ويطلع معدلك ٩٩،٨٦ وهـنا تبدي دموع الفرح والهلاهل والچكُليت والاتصالات والناس تبارك الك وأنت تظل مصدوم هذا واقع او حلم

نعم عزيزي هذا واقع ولاتسمي حلم تگدر توصل الة خليك قوي وادرس زين ورح
توصل لهـاي اللحظات بأذن الله تعالى ❤️
___________________
You Can Do it Believe me 2:05 am

إن الأملَ ينبعُ من داخلنا و من تفكيرنا الإيجابي.
___________________
You Can Do it Believe me 4:42 pm

#blessed_Friday

سأحبك وأكتبُ عنك حتى ينام قلبي للأبد وسأكون الأمان الذي لايتخلى عنك يوماً لقد سرقتُ عيناك قلبي أراك جزء من قلبي لا أنتهـي منه أحببتكُ بقلب لا يريد فقط ان تكون لهُ ولو أصدرت كتاباً ستكون عنوانهُ أحببت كُل شيء قد يجمعني بكَ منذ البدء وحتى اليوم أنتَ في قلبي .

استاذي جميل حرررفيا ماعرف شكتبلك غير انو أنت جنت من ألطف أستاذه الي وراح تبقى 🖤 كلش راح اشتاق لمحاضراتك وللمساعدين ♥️ حتى راح اشتاق اسمع منك شكد تحجن بنات عمران 💔
وأن شاء الله ميروح تعبك هيج ويانه مثلما دخلت تمهيدي وجنت قاريه فصلين بس وجبت درجه زينه لان جنت كلي ثقه بيك أن شاء الله بالوزاري ارفع راسك
واخليك تفتخر بيه♥️
وشكرا عل كلشي قدمته النه♥️

حلمي صيدليه 2022♥️

استاذ علي اكثر استاذ راح نشتاقلة واحلى محاضرة هي محاضرتة ان شاء الله نفرحك بمعدلنا العالي ودرجاتنا العالية وال١٠٠ بالفيزياء مضمونة اكيد 🖤🖤🖤🖤😩

السلام عليكم استاذ علي السوداني
بفضل الله وبفضل جهودك معنا
الحمد كملنا منهج الفيزياء وياك
كانت سنه جميله وبيها ذكريات
مع اخواني الولد و اخواتي البنات
لكن راح اوعدك وعد ان شاء الله يتحقق
تذكر في بالك
الطالب (حسنين علي وناس)
طالب في كلية الطب
وان شاء الله يوم النتائج
اذكرك استاذي وارسلك نتيجتي 100 بالفيزياء
شكرا من القلب 💜💜💜💜💜💜💜💜💜

اهلاً استاذ
حنشتاق لمحاضراتك رغم ان اني الاخيرات محضرت بيهم وجان شي صعب ادرس فيزياء ويه العربي واني منهج انكليزي لكن فعلاً حبيت المادة وساعدتني هواي بالملازم والوزاريات ومقصرت وياي وسهلت امري بالفيزياء رغم ان جان شي صعب عليه ..
شكراً على كل جهودك ويانا و ان شاء الله جايبة الـ ١٠٠ بالوزاري
الحلم: صيدلة

إن شاء الله اطلع من السادس فرحان ب إلي سويته


حلمي اطلع معدل عالي واروح مجموعة طبية😁

الصراحة اكثر استاذ عنده تواضع و يعامل الطلاب مثل اصدقائه و اخوانه
و اكثر استاذ يهمه انه الطالب ياخذ المادة العلمية بأكمل صورة و اكثر استاذ يراعي ظروف الطلاب و يقدرها
اني اتذكر بصف خامس جنه منداوم بالمدرسة و الكتروني و مفاهمه الفيزيا و الكل نصحوني اشوف المادة عليك و انصدمت شكد سهلتها بشرحك و حتى هسه اكثر افصل اكرهها هسه كمت احبها بفضلك كمت احفظها بسهولة الحمدالله ، و طبعا اني كلش محظوظة انه اجتني فرصة اكون من طالباتك شكرا استاذ و الله يوفقك و يرزقك و يرفع مراتبك بالدنيا و الاخرة
اني حلمي طب -جامعة بغداد

مرحبا استاذ
شكراا ؏ كُلشي قدمته النا اني ابدد ما متندمه لان درست عندك وحد الان اذكر اول ما حضرت محاضره وشفتك بالحقيقه گلت خلص الفيزيا اني ضامنتها 100 من الثالث متوسط اني اقره عليك وجنت اسوي دفتر بس لشرحك وجانت درجاتي كل كامله بالفيزيا ضليت احبها اكثر وحتى جنت ما اهتم لشرح لمُدرسه اگول من ارجع علي السوداني موجودد طبعا صديقاتي من شافوني گلولي عليمن تدرسين وهيج مضبطه وتجاوبين قبل لا تسئل المُدرسه كتلهم ؏ علي السوداني واذكر والله رابع علمي الصف كله يقرن عليك ومسويلك دفتر ونشرح الدرس والمُدرسه ساكته ومصدومه 😂 تكول شنو هاي هيج متفاعلين ويه درسي واحنا خربانين ضحك يا متفاعلين غير علي السوداني 😆 وبالخامس اعدادي المُدرسه لگفتنا وبحيث رسبتنا كلنا وانطت سعيات كسرتنا والله لان سمعت دنقره عليك وغير اكو بنات جانو مشترين الملازم مالتك مال صف خامس هيه شافت الملزمه وهيه تخبلت لمهم يا استاذي لمن صرت بالسادس اني گلت علي السوداني ما اغيره لان متعوده عليه وبصراحه هواي بنات كلولي تعالي ويانه ومدري شنو گتلهمم ابدد ولحد هاي اللحظه اني ما متندمه وفرحانه كملنا المنهج جنت اخ ‎بالنـسبۿ النا دائما تنصحنا ولا فديوم عفتنا
.....................................
اما ‎بالنـسبۿ لحلمي انشاءلله يوم الي اجي واشوفك اني ماخذه بالفيزيا 100
واني مطلعه طب عام ♥️
الدكتوره فاطمه احمد 💎

سلام استاذ ❤...
ماعرف شلون من وين ابدي بالكلام بس حرفياا احلى واجمل استاذ فيزياء عرفته 2سنوات واني اقرا الكتروني عليك من صار الفرصه وسجلت يمك ممتخيل شكد حبيت اسلوبك وشرحك وحبك الجبير للطالب يعجز السان عن وصفك والله الله يحفظك النا ونشالله نفرح باعلى المعدلات ومنخيب أملك بينه ... ويحفظلك شكو انسان عزيز عليك وانشالله نشوفك لابد تخرج اجيال محققه لحلامها
طالبتك :وئام حسام 💛
حلمي :انشالله اكون احلى ضابط 👮‍♀️⭐⭐

هلو استاذ طبعاااا الختاميه جانت حلوه وياك وبنفس الوقت ضايجين لان مشوارنه خلص وياككك وخلص مشوار السادس بتعبه ومشاكله وكُلشي وبقه بس شهرين ويخلص السادس نهائي كُلش شكرا الك ونشكر جهودك ويانه وكُلش مامتندمه لان ختاريت واحد مدرس مثلك
ويارب تكون ختاميه مسك ونجي نفرحك بمعدلاتنه ياحلى استاذ شفته 🥺🖤🖤
محلله المستقبل جانت وياك
واحنه كُلش نحبك 🥺🖤
#تبقى بالكلب 🥺❤️

استاذ علي اخونه وصديقنه شكراً على كولشي شكراً على اللحظات الحلوه والايام المرينه بيها سوه 🥺❤️وشكراً لان خليتني احب الفيزياء وانشالله اكدر اجيب 100 وافرحك وراح نشتاقلك كولش هوايه 🥺❤️

هلاوو استاذي الجميلل
اللي ادرس عليه من الرابع ودرجاتي عاليه دائماً
شكراً هوااايه ع كولشي سويته الناا من ناحية محاضرات امتحانات واجبات تحفيزات طاقة ايجابية و ها طبعاً ب ايام امتحانات نصف السنة بيوم من امتحان الفيزياء تمرضت و ع اساس أجل وكُمت ابجي بس بابا مقبل ضليت ادرس للصبح وياي اختي الكبيره گعدت تراجعلي ورحت منايمه والحمدالله جاوبت و نحجت بيها وعَدت وهسه حالياً حتبدي تراجع الناا الفيزياء وضامنين ال 100 ان شاءالله ونجيبها ونفرحك وشكراً شكراً هوااي لانو انت الوحيد اللي سويت النا جدول مراجعه لكُل المواد المتراكمه حتى نخلصها وميضل نقص 🥺🥺🥺🥺🥺🥺🫶🏻🫶🏻🫶🏻🫶🏻🫶🏻🫶🏻🫶🏻🫶🏻
مع فائق الشكُر والتقدير الك طالبتك دكتورة مريم التميمي هدفي طب اسنان🦷💚

من قلب الحدث🥺🌝❤️


اخر يوم واخر محاضرة حرفياً راح اشتاك للفيزياء و لشرحك استاذ انت الي علمتنا كوووومه شغلات اشكرك عليهن كلهن والله احسن وأروع استاذ الله يديم الضحكة على وجهك ولا يحرمنا منك و اللّـہ̣̥ يكثر من امثالك بهل الدنيا حرفياً ما قصرت ويانا الله يسعدك مثل ما اسعدتنا 🥺❤️


#صيدلانية_المستقبل🥺❤️
2022/4/21

احسن استاذ بل فيزياء الله يوفقك نشالله
وياربي أنجح وبل معدل العالي يارب 🥺🤍

استاذ علي استاذي الي كلمة شكر قليله بحقك وبحق التعب الي تعبته ويانا جانت مادة الفيزياء من اصعب المواد الي عندي بس بعد ما عرفتك ودرست يمك صارت من اسهل المواد والي ضامنه نفسي بيها بسببك وسبب شرحك ومحاضراتك وان شاء الله اوصل لحلمي واجي واكول الك استاذ اني وصلت وحققت الحلم ان شاء الله حنشتاقلك هواي استاذنا🤍.

استاذ علي
ماعرف شلون ابدي بس انت مو بس استاذ تعلمنا الفيزيا وتشرح انت صرت بمثابه اخ
النا ومدرسنا وصديقنا محاضراتك الحلوه الي صارت جزء من حياتنا مجنت متخيله فد يوم حنعوفك وبعد ماعدنا محاضرات شكراً على كل شي قدمته النا ويارب نجازيك تعبك بالوزاري ورافين راسك
اسفين اذا فد يوم ضوجناك بكلمه او بتصرف
نحبك اهوايه استاذ 🖤
الحلم:طب شرعي جامعه بغداد🖤