مرحبا استاذ ان شاءالله تكون بخير
اني من طلابك الإلكتروني
ان شاءالله سنه الي تجي اني محققه حلمي يااارب 😭😭😭♥️كَد هذا الشي ان شاءالله اكون ..
كليه صيدله ان شاءالله 💘💘🧪

هلاو استاذ اني طالبتك حنين مصطفى 💛

هلاو استاذ 💗 متصدك شكد حبيت الفيزيا من وراك من اني ورابع اعدادي ادرس عليك ودائما اعلى درجات عندي بلفيزيا متتصور شون انقذتني وانقذت الطلاب من ازمة و متوقعت حيجي يوم وادرس يمك حضوري 💗 مشكور على التعب و على كلشي بذلتة ويانة من احلا المحاظرات جانت محاظرة الفيزيا 🥺💙يوم الي نرفع راسك و نجيب ١٠٠ بلوزاري و نجيك واحنا محققين احلامنا واهدافنا كومة حب الك استاذي الي مراح انساه ابد 🦋✨

شكراً لتعبكم ويانه وان شاءلله نرجعلكم وره الامتحانات محققين حلمنا ونفرحكم💙

مرحباً أستاذ علي ..
شكراً لكُل اللي قدمتة ألنا 🤍
أتمنى نكون عند حسن ظنك ونرجع السنة القادمة فرحانين بالنتيجة اللي نتمناها 🤍..

صباح الخير أستاذ...
بما انو الكل كاعد تكتب احلامها حتى طلاب اليوتيوب فخلي نشارك

طبعا أني أكبر فاشل بالفيزياء اكثر مادة اكرها بحيث لمن كنت بالرابع اعدادي كانت همي الوحيد هي الفيزياء دائما اخاف منها لكن لكيت قناتك قريت عليك فقط المسائل دائما هيج اقرأ عليك بس مسائل حتى بالخامس اعدادي كنت أكره الكلاميات كره شديد كلاميات الفيزياء بنضري كانت مثل الحاسوب مادة جافة كلللش المهم كنت ما اتعب روحي و لا اقراها أستمريت بهذا الشكل طبعا للمعلومة كنت اقرأ على أستاذ علي فقط مسائل و اروح للامتحان اجيب درجة كاملة بالمسائل يعني دائماً درجاتي كانت 70 الى 65 بالمسائل درجة كاملة بالشهريات بس بنصف السنة من كنت بالخامس جبت 80 مادري اشلون

طبعا وصلت للسادس ردت اقرأ على أستاذ علي الطلاب كالوا الي لا تقرأ عليه مو خوش مدرس و من هل كلام و طبعا لان اني كنت بساع اقتنع(غبي) صدكت و قريت على غير مدرسين و جبت بنصف السنة 43 وبكل شرف😂

بالعطلة مال نصف السنة كلت خلي اجرب اقرأ على أستاذ علي رحت للخصوصي ماله المسرب قريت الفصل الثالث ضبطته فووول رحت للوزريات حليتهن كلهن هنا اني انصدمت من نفسي اكتشفت أني فعلا غبي لمن ما قريت على أستاذ علي من بداية السنة و صدكت بكلام الطلاب
المهم ردت اكمل باقي المنهج على المسرب لكن شفت الأستاذ فتح دورة الكتروني المنهج كامل بسعر حلو فكرت ويا نفسي اشترك او لا بعدين كلت راح اشترك لان أني احب أستاذ علي و أحب شرحه و أكيد راح أستفاد اكدر اسأله لمن تجيني علامة استفهام بفد شي

سجلت يمك و بدأت اقرأ على محاضراتك طبعا لان سجلت يمك اضطريت اقرأ كلاميات علمود معدلي و مستقبلي و علمود أني سجلت يمك و لازم اجيب درجات عالية المهم اني اخذت الصدمة الثانية بالفيزياء لمن شفتك تشرح الكلاميات و اني تلقائياً أحفظ يعني كل شي تشرحه اني اوقف المحاضرة احفظه اردده اكثر من مرة ثم اكمل المحاضرة هيج استمريت ونوب بعد ما اخلص المحاضرة اجي اراجعها الكه نفسي حافظ طبعا بسبب أستاذ علي حبيت الكلاميات و الرسائل بأختصار الفيزياء حبيتها بسبب أستاذ علي كلش بس مو اكثر مادة احبها انما الثانية لان المركز الأول هي الكيمياء❤

اول امتحان كان بالأسئلة التربوية الأسبوع 9 و 10 و11 طبعا انت هنا هسا ادكول محضوصين واني أكلك أسكت احسلك الأسبوع التاسع كان يحجي على الفصل الثالث و الأسبوع العاشر على الفصل الرابع و الأسبوع الحادي عشر على الفصل الخامس يعني بين قوسين الامتحان كان (ثلاثة افصل) ومحد أنتبه لهل شي من طلاب المدرسة كلها فرحانة تريد ترفع درجتها بالفيزياء علمود يدخلون وزاري لكن اني سألت الأستاذ بنهاية الدوام طبعا ضليت للأخير حتى بس أسألة لان بالعادة دائما اهرب من المدرسة مو اهرب انما هو الحايط مفلش و الي يريد يطلع بكيفه نرجع نكمل سالت الأستاذ
أني:أستاذ هل راح اجيب الأسئلة مال امتحانك نصاً من الأسئلة التربوية
الأستاذ:"يضحك"

لمن شفت الأستاذ يضحك اني هم ضحكت على حظي😂😂 يعني الامتحان فعلا نفس ما فكرت ثلاثة أفصل طبعا الامتحان كان خمس ساعات اي والله والله خمس ساعات لان الاسئلة مطولة المهم امتحنت و جاوبت كنت متوقع اطلع ب 70 بعدين بعد اسبوع سألت على درجتي كلي الأستاذ انت 95🤯🤯

مستحيل ابدا ما صدكت الا لمن شفتها بالسجل


هاي قصتي طبعا راح ارجع بالدور الثاني أشوفها لان راح أجل ثلاثة مواد

اخيرا اريد أكول شي أكثر شخص حبيته لمن سجلت يم أستاذ علي هو المساعد ماله مصطفى افضل شخص كلش أحبه دائما يرد علي بساع و طبعا أنت يا أستاذ ايضا احبك أحب شرحك أستاذ راقي و عظيم أنت
أني فقط ندمان على شي واحد وهو اني ما قريت عليك من بداية السنة

استاذ علي فعلا انت كلمة استاذ قليله بحقك وأكثر قرار صائب انو اني دخلت يمك دورة صح استاذ صارت مرة وحدة بس ومثل مكال المساعد ضغط نفسي انو اني اعترضت بس وراهة استاذ تندمت لانو اعترضت ومن ضليت تنطي جدول النه مراجعه وجدول حته نخلص تراكم ومن تنطي كلام إيجابي حته تحفزنه وعلى الرغم خلصنه دورة غيرك استاذ يعوفنه ولارساله يرسل بس انت بقيت وضليت تراجع النه اذا اكول شكرا فأنت استاذ تستاهل اكثر واكثر من هذي الكلمه وان شاء الله استاذ نرفع راسك بلوزاري ونجيب ال💯#طلاب_السوداني غير ال💯 ميجيبون وبالنهايه احب اكول استاذ
الله يوفقك استاذ ويحفظك ويحفظ عائلتك وأولهم ادم ❤
حلمي ان شاء الله استاذ اجي والكا متحقق واني الي اكولك استاذ حققته ومن اول دور🥺❤️ حلمي #طب_عام
#طلاب_الالكتروني

السلام عليكم استاذ ولله انت كلمة شكرا قليله ابحقق انت والمساعد مصطفى بالذات اني مااريد اكذب عليك اني جنت بالفيزيه صفر اني من صرت رابع علمي جنت ما افهم فيزيه ابدا طالعته باليوتوب مدرسين هوايه بالصدفه طالعي المحاضره مالتك والحمد لله قريت عليك فيزيه ونجحت حتى وصلت السادس الاحيائي جان عندك فصلين كتلت هايه هسه اشلون وبعدين شفت انت فاتح دروة الكترونيه وسجلت والحمدلله اني هسه الماده مفتهه ١٠٠%وحلمي اصير محلل

شكرا🤍
#الكتروني2022 ❤️تخدير💉

طبعا استاذ علي من احلا الاساتذه الي ني دخلتت يمهم خصوصي جنت دائما تدعمنه وتشجعنه وتوكف ويانه ومقصرت ويانه بشي يــ؏ــني استاذ من صدك اللّـہ̣̥ يوفقك ويرزقك على كد تعبك تستاهل كل خير واحنه طلابك نحبك ومراح ننساك ونشاءلله نجي نزورك بين فتره وفتره جان حلمي بلسادس اجي وادرس يمك لان ني من الثالث اعرفك وادرس عليك والحمدالله حققت حلمي وكدرت اجي وادرس يمك واشوفك بلواقع🥺❤️واحلا ايام كضيتها وياك ومراح انساك اكثر ماده ضابطتها ومسيطره عليها هيه الفيزياء والفضل يرجع الك استاذ وني كلش حزينه انو خلص المنهج وبعد منشوفك ومنشوف وجهك الحلو وضحكتك الحلوه بَسہ نشاءلله مننكطع عنك ونضل نجي ونزورك وني دائما حاطه ابالي هاي الحجايه مالتك مال الاحلام الساكنه تبقى ساكنه مالم تؤثر عليها قوه لتحقيقها وبعد اكو هوايه كلام يعجز اللسان عن وصفه استاذ الكلام كلش قليل بحقك ونته تستاهل اكثر❤️ربي يحفضكم نته وعائلتك الجميله ونشوفكم احلا عائله بلدنيا امانه استاذ بوسلي ادومي هوايه❤️
اما بلنسه للمساعدين هم مننسه فضلهم ووكفتهم ويانه وتعبهم ويانه هم مراح ننساهم ونشاءلله ربي يوفقهم ويحققللهم كلشي يتمنو ونشاءلله نشوفهم باعلى المراتب
شكرًا الكم كلكم نحبكم❤️
لو كدها لو نط̷ّـــۧلع منها💪🏻✌🏻
حلمي اصير مهندسه
#ابطال السوداني

راح اشتاقلك استاذ واتمنى اشوفك بالمستقبل بعد لان كلش احبك
وشكراً على جهدك وتعبك ومراح انسالك كل ذرة تعب

ممنون منك 🤍

السلام عليكم استاذ
احب اشكرك ؏ كلشي والله بسببك اني لهسه ماعندي اي تراكم بالفيزياء وضامنة ال ١٠٠ بيها رغم كل الاشاعات الي طلعوها ؏ ملزمتك وهيج ضلينا متمسكين وواثقين بيك ونمشي وراك وإن شاء الله استاذ نفرحك بدرجاتنا ونعوض تعبك ويانه طول هاي الاشهر 🤍

هلاو استاذ طبعاً اشكرك ع كلشي سويتة ويانة ومقصرت اني جنت اكره الفيزياء كلش وقبل ماسجل يمك رسبت ومافتهمة اصلا بعدين سجلت يمك وبديت احبهة لان شرحك كلش حلو ويفهم واني ادرس عليك من الرابع وبكل مرة جنت اجيب درجة عالية وهسة ورا نص السنة اخذت بيهة 100 طبعاً بفضلكك وان شاء الله بالوزاري هم نجيب 100 ونرفع راسك🥺💙


علي السوداني يكول:
الأحلام الساكنة تبقى ساكنة ما لم تؤثر عليها قوة لتحقيقها 🤍

حلمي طب عام ان شاء الله ❤️

ءحم ءحم اليوم 4/21/2021 يوم الخميس أحب أڪتب ذڪرى تبقى بعد ڪم شهر راح أتذڪرها واحب أشڪرك بيها ڪلشش هوااي ابد مقصرت وياي ولا وي ڪل الطلاب وجنة عائلة وحدة وماجنت متخيلة راح يجي يوم الوداعية وبعد منشوفڪ ولا نشوف أساتذتنا البقية ولا نحضر محاضراتكم ورزايلڪم الي تعلمنا اذا ماترزلونه يومية نحس يومنا ناقص وفرحنا وحزنا وضحڪنا وسوالفنا ع الرغم هاي السنة مريت بظروف صعبة وجانت أتعس سنة بحياتي لڪن انتو ڪلشش جملتوها لهل سنة وبدة العد التازلي لفراقڪم نفر نفر بدينه من هشام المعموري 🥺💔 للسوداني 😔 وبعدها نفر نفر حنفارقڪم أصعب لحظة وربي ڪلش تعلقت بيڪم وبس ڪتبت هواي 😂💔😔بنهاية الرسالة أحب أڪلڪم أحبڪم ❤️وما راح بيوم أنساڪم ترڪتوا بصمه حلوة بحياتي وأڪيد ماراح أڪطع عنڪم وبين فترة وفترة أزورڪم 🥺❤️وأني محققه حلمي ولابسة رداء الدڪتورة

الاسم : دڪتورة زينب ڪومر
الحلم : طب ❤️

رغم انو هواي غبت بس بقيت انتَ داعمني ولهذا السبب وعد مني اجيبلك معدل عالي بل فيزيه ما اخلي تعبك يضيع 💙💙

مرحبا استاذ 💜
اشكرك جزيل الشكر على كل شي قدمتة النه من تحفيز و شرحك الحلو و الراقي ومخليت اي شي يصعب علينه ربي يحفظك وان شاء الله نرفع راسك ..وراس اهلي باحلى معدل بالوزاري 🌹
الهدف ..صيدلة ان شاء الله ❤️

شكرا الك أستاذنا اللطيف على تعبك الي تعبته ويانه ١٠ اشهر مقصرت ويانه طبعا اني جنت بالثالث أكثر مادة اكرهه الفيزية و بفضلك من الرابع حبيتهه الله يوفقك على كد تعبك ويانه و راح نشتاقلك و نشتاق للمساعدين اللطيفين الي تعبو ويانه 🤍
حلمي المجموعه الطبية انشاء الله يتحقق 🙏

شكرا...🤎✨
لان تركت بينا اشياء حلو تخلينا نبتسم🙃، مرونتك بالتعامل معنا احنا الطلاب و عصبيتك الي تكون لمصلحتنا ... ما كنت مجرد استاذ كنت بمثابة اخ و صديق رائع بنصحك و خوفك علينا😤🥺
الله يحفظلك آدم و تشوفه باعلى المراتب 😇
اما المساعدين ف احنا تعبناهم و يجوز ضوجناهم 😅 و انشاء الله من تفوق الى تفوق
اتمنى تبروني الذمة 🙃🥲
حلمي ❤️✨
هندسة ❤️‍🔥📞

جانت ايام حلوة