هلو استاذ ماحب احجي واضيف و اوصف لان صرحه كل الكلام قليل بحقك وانته الاستاذ الوحيد لي لا فديوم شف حطمت طالبه لو فشلت طالبه بلعكس انته دائماً جنت حافز وانته كلته النه باول محاضره كلت راح ابقى وياكم لحد يوم لامتحان والورزاري وفعلاً انته معفتنه حرفياً احسن استاذ 🥹ربي ويوفقك وانشاالله تكون سبب لوصولي لحلمي 🤍

اول محاضرة الي جانت بزيونة فيزيا وقتها بالتجمع سولفت هواي مختصر عن السادس كل الحجيتة صار وعدينة هاي الايام سوة صعبة وحلوة حرفيا جنت موبس استاذ النة جنت صديق مقرب 🥺💔 حنفتقدك هواي استاذ انشالله منخيب آمالك بينة 💙

حلمي صيدلة 💙

مفكر اعيد سنة علمود اجيك استاذي 😂❤️

الحلم اني وغدير مجموعة طبية جامعة بغداد ❤️
اشكرك مقصرت ويانا

ولله استاذ ماقصرت صح عندي شويه ملاحظات عل ماده ونشالله تجاوبني اني لصراحه شفت اكثر من ملزمه الاساتذه المشهورين مال فيزيا يعني وشفت هواي اكو فرق يعني اكو اساله موجوده هنا وهناك ماكو والعكس ومادري ياهوه الصح بس راح امشي على ملزمتك وعتمد عليك انشالله تطلع هيه الصح


حلمي انشالله صيدله

طبعاً شحجي قليل بحقك استاذ تعبت ويانه ومقصرت بشي ولا يوم ضوجتنه وسمعتنه حجايه محلوه وجنت تنصحنه دائماً وكلشي جنت تحجي لمصلحتنه وبقيت ويانه لحد مخلصنه المنهج واليوم جان يوم مميز وحلو وجانت نهايه حلوه وطبعاً المساعدين مالتك هم مقصروا بشي ابد وشكراً ع كلشي

حلمي دكتوره اسنان 🤍👩🏻‍⚕️

استاذيي عليي 🤍
طبعا جنت المنقذ اليي لنصـف السنه و المراجعه وانشاء الله المنقذ للوزاري هم 🫀🤍 ويارب اجي واكلك استااذذ اني حققت ونجحت وجبت المعدل 🥺🧪 انسان اعجز عن وصفه انسان عنده ضممير بالتدريس يشرح من كل گلبه ويتعب ربي ينطيك ع گد تعبكك 😍❤️‍🔥
واشكرك ع كل لحضه شررحت بيها 🥺

اليوم 2022.4.21
ساعه 1:42
يوم الخميسس ❤️‍🔥🥺
ماعرف السنه جايه وين راح اكون
بس انشاءالله ارجع لرسالتي واني محققه وفرحانه🥼🥺🤍🤍🤍🤍🤍

.

استاذي الراقي الطيب الحنون ملك الفيزياء الله يوفقك ويحفظك استاذنا الغالي جانت رحلتنه وياك كلش خفيفة وممتعة وسهلة شكرا لتعبك ويانه ولتدريسك النه مقصرت استاذ اتمنى من الله اخذ ال100 واجي افرحك ان شاء الله ميضيع تعبك ويانه 💝💝💝💝ان شاء الله احقق حلمي واكون دكتورة🤲💐الخميس 2022/4/21

استااااذي وصديقي الكُلش احسه قّريب عليه ماعرف منين ابدي وشنوو احچي اني من الثاني متوسط اقرا عَليك وچان حلمي اكوم طالبتك والحمدلله ولو بوقت متأخر بس اهَم شي صرت طالبتك ومراح ننسى تعبك ويانه ووعد ان شاء الله راح نرفع راسك ونفرحك بدرجاتنا ومنضيع تعبك وحُرصك 💙
نجي ۶ كمال واحمد وعلي وجعفرررر ماكو مثلهم والله تحملونه هوووايه وشلعنه گلبهُم هووايه وچانوا اصدقاء قريبين علينه ويستمعولنه لكُلشي مو بس مُساعدين وجانوا طاقه ايجابيه النه كُلش شكراً الكم ولتعبكم ويانه وكُلش محضوضين بيكم وبوجودكم بحياتنه مَراح ننسى كُل لحظه عشناها بالمُحاضرات وايام البرد والحر والتعب والنعس من الصبُح ، فرحانين بيكم 🫂

2022/4/20 اخِر مُحاضره 💖.

مبدئيا السادس من بدايه اول محاضرة قبل ١٠ اشهر لحد هسة مرت وما حسينة بلحضه بيهة صحيح جانت صعبة بس تونسنه وضحكنة بنفس الوقت تعرفت ع ناس صارو اخوة واني اتعب بشكل موو طبيعي بهاي ال ١٠ اشهر نقلة قويه صارت بكلشي حلمي البدائي بمسيرتي للدينا وحلمي الطفولي وحلمي بكل لحضة بحياتي هوة (هندسة معماري) يجوز هاذ قسم ممرغوب ومابي تعيين و.... بس اني اعشقة او الهندسة جامعة تكنلوجيه بكل اقسامهة اعشقهة داواجه هل ايام خصوصا فترة المراجعة ضغط مو طبيعي ونص قرايتي هية توتر وقللق وخوف اني اتعجب ع روحي شكد مريت بمواقف صعبة اكثر من ابو السادس بس بعدني اتوتر من تجي الشغلة الحلمي ... اول بصمة اتركهة بل دنية واول نجاح واول شي افتخر بي هوة شهادتي بهاذ عمري احس شي كلش حلو من احصل جامعة بزودي ومو اهلية ولا بجهد وتعب غيري من الماديات اني بجهدي وبدراستي حتة اكول الروحي كافحت اني واخذت الشي الصعب والي هواي يحسو مستحيل ييااارب يتحقق هل شي تعبت والله واكثر شي تعبني هوة تفكير والضغط مو دراسه ... يوم ١/٥ ابدي مراجعة وهسة دا اسد نقوصات حتة ابدي بصورة قووية بل مراجعه واختم المواد واعيدهن ومن الله التوفيق ❤❤ احبك استاذ علي الي يكولون (شبيهي) 😂❤

اول شي شكراً ع جهودك لي بذلتهه ويانه ومقصرت بشرح المنهج بأكمل وجعه شكراً لان كنت استاذ واخو وصديق عزيز شكراً لان بسببك حبينه الفيزياء الحجي اهواي اشكرك لان مقصرت ويانه
الحلم اطلع مجموعه طبية
2022/4/21
الساعه 2:08ص
Dr.D.S.A

استاذ علي الي ماكو منه ثنين شكراً على كلشي قدمته النه راح تبقه ذكرى حلوه ونشالله منضيع تعبك ونجيب ١٠٠ بلوزاري ياغالي 🤎


حلمي صيدله🤲🏻🤎

هلوو استاذذ...
طبعا احب اشكرك على تعبك ويانة ومقصرت ودخلت المادة لعقلنا وويانة ويانة اشكرك كلش💜💜جنت صديق مو بس استاذ واني درست عليك ع يوتيوب من صف رابع وكلت بلسادس اله اسجل يمك والحمدلله درست يمك وصرت من طلابك وانشاءلله يجي يوم القبولات واجيك واني طبيبة اسنان🙏🤍❤️❤️شكرا ع كلشي استاذ

استاذي الغالي
احب اشكرك على تعبك ويانه واحب اشكر الدكتوره فرح وأستاذ مصطفى على تعبكم وجهدكم وبأنه على طول هاي السنه رغم واجهت صعوبه بالفيزياء بدايه السنه جنت داخله عند مدرس واجهت صعوبه هواي. ومن اريد اسجل الكتتروني الكل اعترض وعارض الالكتروني بس الحمد لله سجلت عند احسن استاذ من اول محاضرات حسيت الماده سهله وسهلات هواي عليه فضلك هواي علينه إن شاء الله بعد تعبك وويانه وبتسجيل المحاضرات إن شاء الله نرفع راسك ونفرح بالمعدلات العاليه وإني اول ما دخلت عندك وسمعت البصمه عن التكريم والدرع صار عندي واهس حتى أحضر الحفله والتكريم أن شاء الله ونلتقي بيكم ونتشكر من عدكم صح كلشي ميوفيكم
صيدلانيه فاطمه
دفعه 22
2022/4/21

مرحبا استاذ علي طبعاً ماعرف منين ابدي بس الك جزيل الشكر و انت اخي قبل أن تكون أستاذي في المادة و كلش ساعدتني بالمادة و خاصتاً انطيتني دافع معنوي ونفسي بنفس الوقت و خليتني ماخاف من كلشي و واسيتني بوفاة والدي الله يرحمه شكراً جزيلاً الك و كلش احبك واسف حكتفي بهذه الكلام اخاف يخوني التعبير و فقط ♥️..... نجي للمساعدين منين ابدي ماعرف والله من كمال الي صار مثل اخوية الي دائماً ينصحني وينطيني المشورة الصحيحة الي اموت عليه و احمد الجميل الي دائماً يساعدني بالمادة احبك كومة ♥️♥️

احد طلابك
احمد رزاق (احمد سوات)

الحلم بعون الله
(أكاديمية طيران )

السلام عليكم استاذ اني فضلك وياي لااخر يوم بعمري مانسى اكثر من اخ وصديق واستاذ الي وكفتك وياي ابد متنسي وأني من الثالث ادرس عليك وربك خلاني اسجل يمك السادس
حابه بس اكولك من كل كلبي اشكرك اكثر ماده اني مطمئنه بيها هي فيزياء كملت وياك يوم بيوم ماتركت ولا يوم مادرست بي فيزياء والحمدالله رَبّـ❤ـيٌ ان شاء •اللّـہ‌ تكون نتيجه حلوه وارفع راس اهلي وراسك استاذ وراس مصطفى الي اله فضل كلش جبير عليه ويجي يوم وتشوف انو حققت شي اله معنى جبير بحياتي بفضل •اللّـہ‌ و دعاء اهلي ويرجع الفضل الك اكيد استاذ ووعد نكون كدها وتشوفنه ونجيك ب احلى وارقى معدلات 💕وعلى كلام استاذ مهند لو نكون كدها لو نطلع من عدها وان شاء الله اكون كدها واحقق الي حلمي ❤️😍 وادعي من ربي يحفظ الك عائلتك ويبعد عنكم كل شر ومكروه يارب❤️ربي يحفظك استاذ 🌹❤️دمت لنا اخ وصديق ❤️

حلمي ..
تحليلات مرضيه ان شاء الله 🤲❤️

مرحبا استاذ
هذا فد شي بسيط يعبر عن شكري الك
وانشاءالله نكون عد حسن ظنك بالوزاري

الى طلاب زيونة :
ثم أنكُم نوناً تليهـا باءٌ أخرهـا ياءٌ تسبقهـا ضادٌ …
- نبضي ❤️
___________________
You Can Do it Believe me 2:45 am

السلام عليكم انـي طالبة من طلاب اليوتيوب
راح أحچي قصتي ويا أستاذ علي السوداني 🤍
او بالأحرى قصة نجاحي وفشلي …

طبعاً انـي مـن الثالث متوسط يعني بفترة حرجة
بعد نصف سنة مـن أنطونة الدخول يلا عرفتة
اني عرفت أستاذ علي وظليت أدرس عـليـه
خلصت الثالث واني ناجحة بل فيزياء
وطلعت دور ثاني بل كيمياء على رغم جانت
عـدنة مُدرسة كيمياء وماعدنة مُدرسة فيزياء
بــس الفيزياء ويه أستاذ علي الها أثر لأن حبيتها
فعلاً وأستاذ علي هو الي حببني بيها والكيمياء
كرهتها مـن ورا المُدرسة وطلعت بيها دور ثاني
نجحت مـن ثالث وصرت رابع وقريت على
أستاذ علي وسويت دفتر مثل ما گال وكتبت
عليـه أعداد معصومه جاسم بمساعدة
الأستاذ علي السوداني وصارت أحداث
المظاهرات وأمتحنة فيزياء بــس
والكيمياء مـن حُسِن حظنة ما أمتحنة لإن
هي چانت أخير امتحان وقسموا درجتنة
ونجحونة بيها ونجحت وصرت طالبة خامس
قريت عـليـك وطلعت درجة بـ 90
فيزياء ومن وصلت للسادس واني مكيفة
وقريت المتسعة وجان هنا تبدي الصدمة
أستاذ علي حاذف محاضراتة وقريت على
غير استاذ ثاني بل يوتيوب ورسبت وطلع
سعيي 43 قبل نصف السنة وسمعت خبر أنُ
أستاذ علي گايل للطلاب خلي ينشرون رابط
المحاضرات الخاصة الي هوه شارحهن بدفعة
21 بل يوتيوب هنا فعلاً الأرض ما وسعتني هو
قابل ندرس عليهن وجان أخذ 85 بل فيزياء
بــس لإن قريت عليك وبفترة جداً قليلة ما
أعرف اتعودت عليك و على طريقة شرحك
وماكو مدرس زين بل فيزياء غيرك ، يارب وفق
أستاذ علي وأنطي اجمل مـن ما هو يتمناه
وفرحة بحياتة اصلاً احنة بدونك ما نعرف وين
نروح بــس حبيت اشكرك لإن خلانة وسمحلنة
نقرا على محاضراتة جاي أحاول افكر برسالة
شُكر الة بــس الكلمات ماتسعفني وتتردد افكار
هواي براسي الكلمات تعجز عن وصفة ماكو
شيء أگدر أعبر بيه عن أمتناني الك
غير كلمة شُكراً

{ مـن علمني حرفاً جعلني حراً }
أنتَ هيچ خليتنة أحرار
ما أگول بــس هنيال الي بعرفك
وهنيال الي شايفك 💙

#طلاب_اليوتيوب

هناك حكايات رحلت إلى السماء بدعوة
وأمنية وعندما يكون لك دور بتحقيقهـا
هـذا يعني أننا على الطريق الصحيح
الحمدلله أولاً وأخراً ❤️
___________________
You Can Do it Believe me 5:02 am

هُناك أيام بِحيَاتك كُنت تَظنها لَنْ تَمُر.. كانت
هَمك الكبير، مَرت ولعلك نَسيتَها، والآن أيضًا
سَيمُر.. لا تقلَق.
___________________
You Can Do it Believe me 4:01 pm