شكرا الك استاذ جنت اخ النا مو فقط مدرس وشرحك الي مايحتاج احجي عنه انت روعه واتمنى الك التوفيق
وشكرا على تحفيزك الي يجي بوقته حرفيا من اني ضايجه وبفتره اكره حياتي من وره السادس يجي تحفيزك ❤️🥺
طبعا ماننسى استاذ مصطفى ومساعداته النا فشكرا جزيلا الكم
#و100 بالفيزياء ماتلوك بس لطلاب السوداني

استاذ علي ♥️.
متتخيل شكد اليوم مقهورة والدمعة بعيني كلما اباوعلك ، للاسف اليوم جانت المرة الاخيرة الي اكعد بيها كدام الاستاذ الي حببني بالفيزيا 🥺.
الاستاذ الي كدر يخليني احب الفيزيا واجتهد بيها بعد معاناة ، استاذ اشكال الوان سمعت حجي بس اني موقفي ثابت اتجاهك من يوم حطيت رجلي بالقاعة ولهذا اليوم ، محد يكدر يدخل بدماغي مادة الفيزيا غيرك ♥️.
اتمنى اشوفك بأعلى المراتب وبعد وبعد
ولو هسة اسمك لامع بنص العراق بس اريد بعد استاذ ، اني ما عندي اخ
اعتبرتك اخ ♥️ الله يوفقك واثرك ابد مينسي الاستاذ الوحيد الي ما فديوم غثنا او ضغط علينا بطريقة مو حلوة وما سمعنا من عندك حجاية مو حلوة الله شاهد وشكد ما ميهون علية مفارقتك والله اكتب ودموعي عشرة عشرة
جنت أخف مُدرس مَر علية🦦♥️، حُب جبير الك ولتدريسك .

اما بالنسبة لحلمي ( ان شاء الله حقيقة) طبيبة اطفال♥️♥️♥️♥️♥️.

استاذ علي الكبير طبعا متنوصف ابددد حرفياااا اكثر استاذ لطيف ولحد هسه اكثر استاذ ممتندمه من دخلت عنده شكرااا لتعبكك وجهدكك ورزايلك الحلوه النه 😂😂😂وشكراااا على كل تحفيز وأمل نطيت النه طبعااا تعبناك صححح بس ان شاء الله تعبك ميضيع والكل يجيك محقق حلمه واهم شي جايبين ال100بالفيزيه 😂♥️رغمم اليوم شبعناك بخاخات والضحكك بس بقينه بداخلنه مقهورين من خلصنه المنهج وبعد منشوفك 😔🤍حيبقه هليوم ذكرى حلوه صارت وكلششش شكرا للمساعدين الله يوفقكمم ويحميكم وتستاهلون كل خير حبببب جبير الكم 🤍🌝
ان شاء الله ماضيع تعبك استاذ واجيكك جايبه 100 ومحققه حلمي مهندسه 👷‍♀️♥️

بالبدايه اشكرك استاذ ع كلشي وع تعبك ويانه وبفضلك اكثر من مره جبت درجه بالتسعين بالفيزياء ويارب بالوزاري اجيب 100 يارب ربي يوفقك شحجي قليل بحقك والله من الثالث جنت ادرس عليك لحد هسه وكمت احب الفيزياء بسببك والله وان شاء بالوزاري نرفع راسك يارب بمعدلات عاليه إن شاءلله مييضع تعبك يارب
#جيش علي السوداني❤️
#حلمي بايوو يارب احققه 🥺💕

إلى الاستاذ العزيز علي السوداني 💖💖💖
استاذ بصراحه ما اكدر اوصف كميه الشكر والتقدير والاحترام الي بداخلي الك.
والله استاذ كفيت ووفيت بشرح الماده وانطيته حقه وزياده . ( يا جوهره الفيزياء💎💎💎💎💎💎💎)حرفياً ومحاضراتك من اجمل وأخف المحاضرات لان انت اكثر مدرس يحفز الطالب ويتونس ويانه ويتعلق بي لدرجه وداعك اليوم كان جدا صعب .
بس اكيد ما راح اعوفك وراح افرحك واجيب 100 بالوزاري ان شاء الله وارفع راسي وارسك.
ربي يرزقك السعاده وكلشي حلو مثلك ومثل تدريسك.
إلى ملك الفيزياء (علي السوداني )...

طب عام 🥼🥼🥼
طالبك: طارق زياد.

استاذنا الغالي طبعا شكد منحجي والله قليل بحقك والله مقصرت ويانا وان شاءالله انفرحك ونرفع راسك بالوزاري بمعدلاتنه
حلمي طب عام 👩🏻‍⚕️ان شاءالله
# ملك الفيزياء السوداني

استاذ كلمة شكرا كلش قليلة بحقك
انت كلشي بلنسبه النا شكراا ع كل فويز ارسلتنه حتى تحفزنه وتشجعنه علمود منستسلم ونوصل للمكان الي نريده وشكرا خاص لاستاذ مصطفى الي تعبنا ويانه وشعلنه گلبه بلفاينلات 🌝
إن شاءالله اكدر ارفع راسك بالوزاري
الهدف:طب بيطري💞
طالبة اللكتروني💕
(22/4/21 )

كلمات الشكر لاتكفي لكن ال 25 الف و الفطور تكفي بس وينهن تغلسن علينة المهم الف شكر الك و لكمال و احمد و حسين بس جعفر لا و اني كلش اشكرك لوگفاتك الحلوة ويانة
حلمي اصير مهندس ميكاترونيك و ان شاء الله احققة بجهودك و جهود باقي الاساتذة من المواد الباقية
🌹🌹🌹

فعلا اعظم مدرس درست عليه استاذ مقصرت ابدا ويانا لا انت ولا المساعدين نشكركم ع جهودكم ويانا وتعبكم وكلامك اللطيف الي يحفزنه للدراسه من نكون واصلين اقصى درجات الاحباط✨
شكرا استاذ ع كل شيء وان شاء الله ارجع واكتبلك قبولي بجامعه التقنيات الوسطى قسم تقنيات تخدير💜

السلام عليكم استاذ
احب اكَلك أستاذ شكراً على تعبك ويانة🤍
وشكراً على النصائح الي نطيتنياهة❤️
ان شاء الله نرفع راسك بدرجاتنة🤍
ان شاء الله الة 100❤️
الحلم_صيدلة🥺💊

طبعا والله يعجز اللسان عن الكلام شكرا الكم ولمحبتكم ان شاءالله اشوفكم بأحسن وارقى الكليات 💙احبكم

مۡسَـ(🍀)ـاء الۣخـ(🌸)ر🤍اختصر كلامي (كيف اصفك وكل الوصوف في حقك قليل بالصدق ام بالاامانه ام بكونك جميل بالكرم ام بلخلق الرفيع ام بالنسب الأصيل ام اصفك بالااسطوره استاذ انتا ملك) ❤️هاجر من الموصل

ههلاو استاذ
احب اكَلك أستاذ شكراً على تعبك ويانة🥺💘
وشكراً على النصائح الي نطيتنياهة🤍
ان شاء الله نرفع راسك بدرجاتنة👌❤️
ان شاء الله الة 100❤️
الحلم_صيدلة🥺💊

الحلم صناعة اسنان❤️ يآرب يتحقق واتمنى من كل قلبي لين اهلي منتضرين هل شئ مني واني أتمنى ماحطم أملهم يآرب انت القادر على كل شئ😭 يعني شعوري إذا شفت الرسالة بعد النتائج النهائية شعور يتمناه كل طالب انو يشوف محقق حلمه الي جان مستحيل وإلي الكل يكول عليه يحلم يصير هيج بي أحاول ويارب أستطيع❤️

استاذنه لكبير فدوه لعمرك إلـي مقصرت ويانه بشي ولاعبالك ستاذ عبالك اخونه وصديقنه واعز منملك إلـي يشجعنه ؏ صح ولي واكف ويانه بنهايه اكولك ربي يوفقكك واشوفك اعلى واعلى باذن لله ♥️♥️🙏🏽

يعني استاذ علي كل الكلام قليل بحقك والله العظيم شحجي شكول ما اكدر اوصفك لانه صدك احسن استاذ يدرس فيزيا بالعالم مو بالعراق تعب ويانه كلش وانشاءالله نرفع راسك بالوزاري واحنه كده طلاب السوداني بعد مع احتراماتي لمدرسين الفيزيا خل يعزلون من بعدك استاذ
حلمي♥️:طيار مدني
وانشاءالله اشوفك بالطياره واني السايق مالته وادكلك تحيه واكول بالسماعه احلى تحيه للاستاذ الغالي علي السوداني♥️♥️♥️

هلا استاذ علي
طبعا شكرا ع كلشي سويته النه بسببك اني كمت احب لفيزيا بعد ما جنت اكرهه الله يوفقك بعد اكثر واكثر مقصرت ويانه وانشاءالله نرفع راسك
لحلم قاضي🥲

لكل شيء نهايه.... هذا ما يجب ان ندركه منذ البداية لعلنا سنبذل قصار جهدنا لنكون الافضل
سناقوم فإن ثمار الصبر اوشكت ان تجنى
(استاذ علي) شكراً جزيلاً على امانتك و جهدك كنت املاً لي في مادة الفيزياء اتمنى ان تستمر بعطائك الجميل لتنقذ الاجيال القادمه سيأتي اليوم وارسل اليك نتيجتي بمعدل( ٩٩ )ان شاء الله تعالى ولا يسعني في الختام الا ان اقول لك
انت الافضل 🌷❤

بصراحة اني اي انسان اقابلة اخذ الزبدة من تجربتة بهذي الحياة.
ومن قابلتك و شفت انت بعمر صغير عندك تأمين لحياتك و حياة اولادك گلت امم ممكن مجرد حظ وتوفيق
بعدين استنتجت انه تفكيري ممكن يكون ٥٠٪؜ ،بس الشغل الجاد و الوقت الي تبذلة بالشغل هذا اكبر دليل على كلشي مأمنة لنفسك هسة.
بصراحة حلمي بعيد عن الطب بس اهم تكون عندي شهادة مجتمعية
حلمي الحقيقي اكون انسانة بعمر صغير تگدر تشتغل و تواصل ومتمل مثلك حتى تحقق اكبر قدر ممكن من الفلوس
ومهمتي اكون ناجحة بكل مجالات حياتي 🤍
الكلام من القلب للقلب
والله يوفقك ويحميك
وكلشي عندك نتيجة تعبك ووقتك 🫶🏻