والله كلش تونست بصراحة 😂
وانتو كلكم لطيفين وحبابين واجي علمودكم مو علمود الفيزيا 💕💕💕💕
ووو اتمنى يصير ايشي حلو الله كاتبه

هلا استاذ شلونك ؟🪐💫
طبعاً استاذ احب اشكرك على كُل جهودك الي بذلتها ويانا من بداية السنة الى اخر لحظة ، حرفياً محاضرة الفيزياء هي من اكثر المحاضرات الي كنت استمتع بيها ، و بفضل الله ثم بفضلك گمت احب الفيزياء بعد ما كنت اكرهها بشكل ، ان شاء الله تكون نتيجتي تجنن و اجي ابشرك استاذ بالدرجة الكاملة بمادة الفيزياء و التحق بكلية الطب العام و ازورك بالمعهد السنة القادمة و اني محققة حلمي🤍🌸👩🏼‍⚕️
و اشكر كُل الاساتذة المساعدين استاذ كمال و استاذ احمد و استاذ جعفر لان هواي همين تعبوا و يانا و اخيراً اتمنى الرب يوفقك و يسدد خطاك 🌷⭐️

شكرا الك جنت دائما قريب من الطلاب وما يوم سمعتنه كلمة مو حلوه او قللت من قيمة طالب وشكرا لمساعدين الي جانوا لطيفين ومتساهلين ويانه ….حلمي اطلع معدل 99،99😭🥲

سلام عليكم ستاذ
الصراحه استاذ مااعرف اشلون اشكر لان ابسببك حبيت الفيزياء وبسبب شرحك المفصل للماده الي خله عدنه الفيزياء اسهل ماده مشكور عله التعب الي تعبته ويانه ونصايحه من بدايه السنه الحد نهايته اتمنالك الموفقيه استاذ وان شاءالله نرفع راسك بالوزاري
حلمي : هندسه ❤🤲

استاذ علي من افضل الاستاذه الي درست عليهم ب الخامس وهسه اني ب سادس شكرا لكل لحضه تعبت بيها ويانه وان شاء الله اطلع المعدل الي اريده وحتى لو الله كتبلي غير شي وغير معدل الي بالي ومطلعت درجات الي اريدهم جانت من احلى الايام وتجارب وياك شكرا ع كولشي سويته انت واستاذ مصطفى كلمه شكرا كولش قليله بحقكم وتعب الي تعبتو ويانه ويبقى عندي امل رغم كل التعب والمرض انو اني اوصل ل شي الي اريده🥺❤️

استاذي الاحبه الله يوفقك بحياتك الشخصيه والعامه ان شاء الله نرفع راسك وراس المساعدين الي تعبوا ويانه كلش ان شاء لله اجيك واني محققه حلمي ومطلعه المعدل العالي كلش نحبك يااحلى شي بحياتنه الانسان الكلشي قليل بحقه طالبتك اخلاص ❤️🦋.

حرفياً اعضم مدرس فيزياء جانت نهاية حلوة ما اعرف شلون خلصت هل سنة بسرعة ذاك اليوم سجلت يمك بس نشالله يصير قيمة للي سوينا وتعبنة بي والسهر والحر والبرد والفاينلات الجميلة والمساعدين الورود
ما عندي حلم بجامعة معينة بس اريد الافضل 🖤

سلام عليكم أستاذنا القدير والكبير
بصراحه حضرتك رغم حنا الكتروني بس مقصرت ويانا ابدا ولا بخلت علينه بأي معلومه وهذا دليل على انو حضرتك انسان صادق وكد كلمته طبعا الكلام ميعبر عن شعور الفرح الي اني بي لان من رابع اتمنى ادرس يم حضرتك من اوصل للسادس وطبعا ماكدرت ادرس حضوري بس الحمد لله اكو إلكتروني مباشره سجلت لان نجاحي حيكون بفضل الله ثم بفضلك استاذنا.
وثاني شي شكرا لان الله سبحانه وتعالى خلق انسان صادق مثلك.
حلمي طب وان شاء الله يتحقق 😊🥰

هلو استاذ اني طالبتك مريم صارلي سنتين وياك ادرس بالمعهد شكرا على وكفتك ويانه وشكرا لتعبك وشكرا لان خليتني اخذ درجات عاليه بالفيزياء ولان خليتني احب الفيزياء..هسه خلصت دراسه دا اراجع فيزياء وشفت رسالتكم بالكروب وحبيت اشارك واكتب حلمي علمود ارجع واشوفه واني محققته ان شاء الله حلمي استاذ بكل بساطه هندسه معماري واهم شي اخذ 100بالفيزياء وشكرا مره ثانيه استاذ مقصرت ويايه ابد ومراح انسى وكفتك ويايه بهواي مواقف شكرا الك من القلب🥺❤️

مرحبا استاذ.. طبعا اول شي اشكرك هواي ع تعبك وجهودك ويانه وع كلشي قدمته النه... ان شاء الله بعد فتره ارجع لرسالتي واشوف نفسي محققة اكبر هدف وحلم بالنسبه الي ولأهلي هذا الحلم الي كبر وياي من اني وطفلة جان مرافقني دائما وماشوف نفسي غير بهذا المكان هذا المكان الي انطة امل لهواي ناس حته يبقون بهاي دنيا.. مرح اعتبره حلم رح اعتبره هدف وان شاء الله احققه..

الهدف.. طب عام جامعة بغداد❤️

مرحبا استاذ اول شي مسيره التطبيقي وياك بعدها مخلصانه 😂🥹 ثانيا احب اكلك شكرا حرفيا على كلشي سويته النه و احب اكول انو من صدك انت صرت مثل اخ و صديق و كلشي بالنسبه النه من شقاك ويانه و رزايلك و نصايحك و كلشي و كلش فرحانه انو سجلت يمك و احس ضبطت الفيزيه من وراك و مخايفه ابدا لان انت ويانه حتكون دائما و انشاء الله انشوفك بأعلى المراتب دائما 💗
و انشاء الله اجيلك همين من تطلع القبولات و اجيلك ك مهندسة معمارية بوكتها 🥹💗

طالبتك الي تمدح بيك دائما…
ماريام كيورك 💗

السلام عليكم استاذ شكرا لك ع تعبك ويانه وشكرا لكل مساعدين ست فرح او استاذ مصطفى ما قصرتو ابد والله يكثر من امثالك يارب ويحفظك ويبعد عنك كل شر نشالله نكون ابطالك ونجيب أعلى درجات
طالبتك / الاء نبيل حميد
الحلم / surgery( جراحه) ❤️

السلام عليكم استاذ
بالبدايه اشكر استاذ عل كلشي وعل تعبك ويانه وبفضلك اكثر من مره جبت درجه بالتسعين بالفيزيه ويارب بلوزاري اجيب ل100🥺❤️
طموحي وحلمي والشي يلي اسعي اله طب جراحه معدل افتخر واشوف نفسي بي 🥺☹️❤️وان شاء الله باذن الله اجيب المعدل واجي هنا اشوفك ياهن 🥺😭❤️دا امر بفتره صعبه كلشهواي وتعب ومرض بس الطب يستاهل كلشي اسويله 🥺❤️راح اجي وره نتائج واكلك انو حقتتت حلمي 😭🥺❤️…..


مع السلامه ☺️❤️…

استاذيي ماعرف شلون اوصف كلامي بس حرفياً بجيت هوايي لان خلصت محاظراتك اجمل استاذ
يارب احقق حلمي ورفع راسك بدرجتي معدلي
💗💗

شكرا الك استاذ جنت اخ النا مو فقط مدرس وشرحك الي مايحتاج احجي عنه انت روعه واتمنى الك التوفيق
وشكرا على تحفيزك الي يجي بوقته حرفيا من اني ضايجه وبفتره اكره حياتي من وره السادس يجي تحفيزك ❤️🥺
طبعا ماننسى استاذ مصطفى ومساعداته النا فشكرا جزيلا الكم
#و100 بالفيزياء ماتلوك بس لطلاب السوداني

استاذ علي ♥️.
متتخيل شكد اليوم مقهورة والدمعة بعيني كلما اباوعلك ، للاسف اليوم جانت المرة الاخيرة الي اكعد بيها كدام الاستاذ الي حببني بالفيزيا 🥺.
الاستاذ الي كدر يخليني احب الفيزيا واجتهد بيها بعد معاناة ، استاذ اشكال الوان سمعت حجي بس اني موقفي ثابت اتجاهك من يوم حطيت رجلي بالقاعة ولهذا اليوم ، محد يكدر يدخل بدماغي مادة الفيزيا غيرك ♥️.
اتمنى اشوفك بأعلى المراتب وبعد وبعد
ولو هسة اسمك لامع بنص العراق بس اريد بعد استاذ ، اني ما عندي اخ
اعتبرتك اخ ♥️ الله يوفقك واثرك ابد مينسي الاستاذ الوحيد الي ما فديوم غثنا او ضغط علينا بطريقة مو حلوة وما سمعنا من عندك حجاية مو حلوة الله شاهد وشكد ما ميهون علية مفارقتك والله اكتب ودموعي عشرة عشرة
جنت أخف مُدرس مَر علية🦦♥️، حُب جبير الك ولتدريسك .

اما بالنسبة لحلمي ( ان شاء الله حقيقة) طبيبة اطفال♥️♥️♥️♥️♥️.

استاذ علي الكبير طبعا متنوصف ابددد حرفياااا اكثر استاذ لطيف ولحد هسه اكثر استاذ ممتندمه من دخلت عنده شكرااا لتعبكك وجهدكك ورزايلك الحلوه النه 😂😂😂وشكراااا على كل تحفيز وأمل نطيت النه طبعااا تعبناك صححح بس ان شاء الله تعبك ميضيع والكل يجيك محقق حلمه واهم شي جايبين ال100بالفيزيه 😂♥️رغمم اليوم شبعناك بخاخات والضحكك بس بقينه بداخلنه مقهورين من خلصنه المنهج وبعد منشوفك 😔🤍حيبقه هليوم ذكرى حلوه صارت وكلششش شكرا للمساعدين الله يوفقكمم ويحميكم وتستاهلون كل خير حبببب جبير الكم 🤍🌝
ان شاء الله ماضيع تعبك استاذ واجيكك جايبه 100 ومحققه حلمي مهندسه 👷‍♀️♥️